DANIEL 9:17 - Cho Bible Common Language 2016

¹⁷ O, Khanpughi, ka taigü nak la ka ng’coipa nak cu na ngaih peä, Ami m’di te ah na Taigüim cu m’tho ba ä; Cun na m’thawh ba ung chang nü naw nang cu Khanpughi ah na kyak ciah hmat khai gui nei.

DANIEL 9:17 Referans Kwoze

SAM 80:19

M’gäi ciah Bawipa Khanpughi, na law püi ba gui ä. Na chimgein nak na m’dang gui ä, keimi naw hun nak kami hmuk khai nei.

NG’ÄI KYAH 5:18

A i ah kyasei ci ung Zion m’htung cu amät ng’yän ne, khaw ng’gau ah kyak ci. Cun ah dishum nak ung pya ui gui cu ng’hle ne ng’shui ci gui.

2 KORIN 1:20

Khanpughi ah shaitaak avan cang ah m’dang ciah kyak ci. Cun ah kyasei Khanpughi ah bämang nak ang dang vai ah, Bawi Jesuh Khrih ung “Amen” mi ciah kyak ci.

SAM 80:7

M’gäi ciah Khanpughi, na law püi ba gui ä! Na m’gein nak na m’dang gui ä, keimi naw hun nak kami hmuk khai nei!

SAM 80:3

O Khanpughi, na law püi ba gui ä! Na chimgein nak na m’dang gui ä, keimi naw hun nak kami hmuk khai nei.

THU PHLAAN 21:23

Cun ah mang gaw ah khan ah Khanpughi ah bämang nak cu dei ne Htomehta cu amei im ah kyak ci kisei acun ah mang gaw ung hni la chaa ah akdei kä hlü ci.

JOHAN 16:24

Tuhbäi ung khüt khai ah nangmi naw kei ah ming awn a i phi kä nami ng’yoi phak ci. Nami yeikyai nak a khüm be nak vai ah ng’yoi vä, nami gah khai nei.

DANIEL 9:19

Bawipa, na ng’ya gui ä. Bawipa na m’geinsei gui ä. Bawipa na ngai gui ä, hnün tho ä Cun ung chang nü naw nang cu Khanpughi ah hmat khai gui nei, kä shoshü enä, Shin ah mang gaw la shin ah chang gui cu nang ah kaa gui nei.”

SAM 119:135

Na ma ah hriham na pe ne, na thukhän cu na m’thei ä.

SAM 80:1

O Israel gui ah htoshäm na ngai gui ä; Na htome gui ah bawi ng’vai na ng’ya gui ä. Na tüisho gui ang phyamah ah khan ah na mang kiang ung yu ngoh law ä,

SAM 67:1

Khanpughi, na chimgein gui ne, hriham na pe gui ä; na k’dük nak awn na teng gui ä,

SAM 4:6

Taigü ci chang akda om ci: “Hrilham ak dapi na pe gui ä, Bawipa. Na k’dük nak awn na teng gui ä!”

NEHEMIAH 1:6

Bawipa, na teng ä, ka taigü nangaih peä, na changshäm gui Israel chang gui ah phäh ah a mü a hnüüp ka taigü ci nei. Keimi Israel chang gui naw katnak kami bik ci kyasei ka ning paa nak ci nei.

ISAIAH 48:11

Kei naw ka biphung cu ka mät ah hmawk ah kyak ci nei. Kei naw ka ming kä m’tamkhah nak vai ah kiak cicu kä ka bik khai nei, ka bäimang nak cu a u am phi kä ka ng’tu sak khai nei. Cun cu ka mät ah ka, ka mät bäng ah ka ah kyak khai nei.”

1 GHANGPUGHANG GUI 8:28

Bawipa ka Khanpughi, kei cu na na changshäm nei. Ka taigü cu na ngaih peä, tuhngawi nang ah ning thäh cu na ngaih peä.

SAM 67:2

cun ah kyasei khomdek khan avan naw na ng’yak hlü hmat khai; changpakhui van naw na hun nak hmat khai.

SAM 74:3

A bäät ah shek ci gui cu m’khan shi gui ne hteit ä; kami ga gui naw Taigüim ung om ci phung avan m’di ci gui nei.

SAM 80:4

M’gäi ciah Bawipa Khanpughi, Na chang gui ah taigü nak ah khan ah a i güt na m’lungshe khai ang?

NG’ÄI KYAH 3:56

Ka kyah na ng’yak vai ah kei naw ka ning ng’coipaa nak yah ung, nang naw na ng’yak ci nei.