DANIEL 9:14 - Cho Bible Common Language 2016

¹⁴ Nang, O Bawipa kami Khanpughi, nang naw na na m’kyuk gui khai ah pawng ne a cun ah na bik ci, a i ah kyasei ci ung nang naw ak phlüt ah hman cicu na bik ci, keimi naw nang kä kami ning ngai ci.

DANIEL 9:14 Referans Kwoze

DANIEL 9:7

Nang Bawipa naw ak phlüt ah a hman cu na bik ci, cun ung phi keimi kami mät naw ak phlüt ah thang shet nak cu kami law püi ci. Shin cu Judea la Jerusalem ung om ci la kä ami bekhüt ah phäh ah aksho ang et khaw gui ung, nang na k’phyiit pai gui ah Israel gui avan ah phäh ah akcang ah kyak ci.

NEHEMIAH 9:33

Keimi na na m’kyuk gui cu na ng’düng ci nei; Keimi katnak bi pang u ngä sei phi, nang cu na bekhüt ci nei.

JEREMIAH 44:27

Nangmi cu kä nami bühmang khai, nami di khai, cun cu kei naw ka hmuk khai. Nangmi nami van tumat phi kä ak pawih ba güt, ng’tuk nak awn baw, gaw pyan nak awn baw nami sik khai.

SAM 51:14

O Khanpughi, ka ghin nak cu na pyang pe ne, na hun ä, kei naw yeikyai ne nang düng nak ka shüm khai nei.

JEREMIAH 31:28

Kei naw m’htei ge ne phu ne mawi ne, m’hlaan ne m’di ne, ka maih sak gui ah mäih ah kei naw m’htei ge ne geit kaw ne cokyang ne ka ci ba gui khai.

2 SHONTÄP NAK 12:6

Ghangpughang la angvaihta gui naw ami katnak ng’kiaa u neta, “Bawipa ah abi cu taga ci nei” cik ci gui.

SAM 116:5

Bawipa cu m’gein nak la ni nak mi Khanpughi cu chimgein nak kyak ci.

SAM 119:137

Bawipa, nang cu na düng ci, na thukhän gui cu taga ci.

PHYAWN NAK 9:27

Ghangpughang naw Moses la Aaron ah chang tüi ne, “Tuhbäi kei cu ka hma ci nei, Bawipa cu hman ci nei, kei la ka chang gui cu kami cheishoh ci nei.

EZRA 9:15

Bawipa, Israel Khanpughi, nang cu na taga ci cun ung phi nang naw na na ghin om sak gui ci. Kami hmakat nak cu nang ah kami ng’coipa ci nei, keimi na ma ah law vai ah kä kami khinkha ci nei” cine pyen ci gui.”

SAM 111:7

Ani cu a bi nak phung ung bekhüt ne ng’düng ci; ang thu pyen gui phung cu khäng ci.

JEREMIAH 4:17

Chang gui naw lo ami ngäng ah mäih ah ngami naw Jerusalem cu koi khai gui, a i ah kyasei ci ung Bawipa cu a chang gui naw hnungtuk püi ci gui nei. Bawipa naw pyen ci nei.

JEREMIAH 12:1

“Kei ah ka mawngma cu nang ung ka pyen law ah a kyak ung nang naw düng khai ah na bik khai nei. Cun ung phi taga nak ah mawng cu kei naw ka ning shik ci nei. A i ah kyasei changshe kha gui ami büh mang aih ang? A i ah kyasei kä düng ciah chang gui naw ami m’khüt näng ang?

NG’ÄI KYAH 1:5

Aga gui naw näng ci gui, ngami naw ani cu ami huham awn k’pang ci gui. Bawipa naw ani cu a katnak gui avan ah phäh ah yaica sak ci. Ami hta nau gui cu khäm gui u ne ahei ah hteh püi gui ci gui.

EZEKIEL 16:43

Nang nah maw yah ung ai cha ah ka ning om püi man cu nang naw na m’hnih ci, na bilawh gui avan awn kei cu na na m’lungshe sak ci. Cun ah kyasei, cun gui avan name sah vai ah kei naw ka ning bi gui ah kyak ci. Nang naw shemshai ci gui avan na bi kawn ah a i ah kyasei ng’zawpawm shetkat nak awn na m’khah ba ang?” Uktu Bawipa naw a pyen nei.

DANIEL 4:34

“Khokum chih ang pyi kawn ah ghangpughang naw, kei naw khankho mik cu han dan neta, ka ng’shüm nak gawk law ba ci. Kei naw hlüngtai ciah Khanpughi cu m’hlüngtai ne, angtäi ghing ci am m’tamkhah nak la bämang nak cu ka pek ci. “Ani naw khonglän ung uk khai nei, Ani ah uknak kho cu ngawiyä om khai nei.