DANIEL 9:13 - Cho Bible Common Language 2016

¹³ Moses ah thukhän ung om ciah m’kyuk nak gui avan cu nang naw na na pe gui ci. Cun ung phi tuhbäi güt ung, O Bawipa kami Khanpughi, kami hma nak ungka ng’hlat law ba ne, na düng nak läk ne ning yei nak vai ah kä kami tha nak ci nei.

DANIEL 9:13 Referans Kwoze

DANIEL 9:11

Israel gui ami van naw na thukhän m’shet u ne, nang ah thu pyen ngaih vai ah mak ci gui nei. Keimi naw hmaka u ne kami ning hnungtuk püi ci, cun ah kyasei nang naw na chang shäm Mosesah thukhän ung guk ah mäih ah phyun tam nak cu keimi ah khan ah na law püi ci.

JEREMIAH 2:30

Kei naw ka ning m’kyuk ci, cun ung phi cun cu kä nik ci; nami ng’düng vai ah kä nami n apian sak ci. Nget ciah phongkawng ah mäih ah nang naw na prophet gui cu na ngawn ci.

ISAIAH 9:13

Israel chang gui cu kä ng’yu ba ci gui; m’gäi ciah Bawipa naw m’kyuk gui sei phi ngami cu ani ah kä law ba ci gui.

HOSEA 7:10

Israel chang gui ah chang ah ami ng’shei nak awn gami cu m’lau ne hnungtuk püi gui ci. Ngami ung shin gui nü kia law sei phi ngami cu ami Khanpughi Bawipa kei ah kä ng’hlat law ba ci gui.

JEREMIAH 31:18

“Israel chang gui ayä neta ami pyen cu ka ng’yak ci, ‘BAWIPA, keimi cu sei k’zäng ah mäih ah kami om ci nei, cun ung phi nang naw na bet ng’yak vai ah na na m’thei gui ci. Nang ah ng’hlat law ba vai ah kami pawng püi ci kya sei; na ng’hlah ba püi gui ä. Bawipa, kami Khanpughi.

JEREMIAH 5:3

Akcang ah Bawipa naw bekhüt nak cu shui ci nei. Ani naw ning m’gein gui sei phi nangmi naw a i ah kä nami ngai ci; ani naw ning deng gui sei phi, nami ng’thei vai ah nami mak ci. Nangmi cu nami m’lung liing sei, nami katnak ungka kä nami ng’hlat law ba ci.

SAM 119:27

Na thukhän hmuhmat nak vai ah na m’htei ä, cäicat vai ah na m’theingthang gui cu ka ngaih nak khai nei.

JOB 36:13

Khanpughi kaa ah om ci gui cu m’lungshe lä ci gui, m’kyuk nak ami khan law ung phi m’gein nak ami gah vai ah kä taigü ci gui.

JAMES 1:5

Nangmi ung chang tumat mat cu cüivai nak ang laklo ah a kyak ung Khanpughi ah taigü sä, Khanpughi naw cüivai nak pek khai nei: a i ah kyasei ci ung, Khanpughi naw ng’khai ne pek ci, chang van-am ng’khai ne pek ci.

EPHESIAN 4:21

Bawipa ah mawng cu akcang ah nami ng’ya pyi ci nei. A hnu läk ciah ak chang gui nangmi naw Bawi Jesuh ung Thu thuuk ah mawng cu nami theithang pyi ci nei.

JOHAN 10:35

Khanpughi naw ang thu a peit gui cu, “Khanpughi ah mäih ah kia ci gui” cik ci.

JOHAN 8:32

Nangmi naw düng nak cu nami hmat khai, düng nak naw nangmi cu ning m’hlawt gui khai,” cine pyen na gui ci.

JOHAN 6:45

Profet gui ah ca guk ung, “Chang avan cu Khanpughi naw m’theithang gui khai, Kapa ah ng’thu ng’ya ne akni ah ng’thei ci gui phung cu kei ah law ci gui.

LUKA 24:45

Cun kawn ah ang düihpüi gui naw cacim ami hmat vai ah ami m’lung cu hmawn pe gui netah,

HOSEA 7:14

Ngami naw m’lung üp nak awn kei ah taigü ci gui, cun ung phi ami mät kyu u ne kä yum ci gui ah mäih ah m’lau ng’pyang ci gui. Ngami naw htang la sapyit tui ah phäh ah ami taigü ung kä yum ci gui ah mäih ah ami mät naw am mät nat sak ci gui. Ngami cu a i hlawk ah ng’küknet ci gui ang?

HOSEA 7:7

“Ami m’lungshe nak ng’ling law aih sei, ngami naw ami uktu gui cu, ngawn gui ci gui. Ami ghangpughang gui cu tumat kawn ah tumat ngawn ci gui. Cun ung phi a u naw phi m’hteihtang vai ah kei ah kä taigü lawk ci.”

NG’ÄI KYAH 5:21

Bawipa, na om nak ah na hteh püi ba gui ä, na hteh püi ba gui ä. Acau kami bämang nak man cu na m’thawh pe ba gui ä.

JEREMIAH 44:27

Nangmi cu kä nami bühmang khai, nami di khai, cun cu kei naw ka hmuk khai. Nangmi nami van tumat phi kä ak pawih ba güt, ng’tuk nak awn baw, gaw pyan nak awn baw nami sik khai.

ISAIAH 64:7

A u phi taigü ne nang ah kä ng’hlat lawk ci; a u phi nang naw na m’htei vai ah kä hteit ci. Keimi kami hmakat ah phäh ah, nang naw na na nawng gui ci, kei mi ung ka na ng’thup ci.

ISAIAH 42:9

Kei ah cäi bang gui cu tuhbäi akang ah kya lawk ci nei. Tuhbäi kei naw, amawng ak thai gui cu, kä ah kyak law pha pang ung phi ka ning m’thein gui khai nei.”

SAM 119:73

Nang naw na tüisho ne, phyawn vai ah na na shung ci; Hmuhmat nak na peä, cun ung na thukhän cu ka ng’thei thei khai.

SAM 119:18

Ka mik na m’dei sak ä, cun ung na thukhän ung cäicat vai düng nak gui cu kei naw ka hmuk khai nei.

SAM 85:4

O Khanpughi, kami hunbawi, na ng’hlah law püi ba gui ä! Kami khan ah kä na yei nak cu düm sak ä!

THULÄÄN NAK 29:4

Cun ung phi avan nami bui awt gui cu tuhngawi güt ani naw nangmi am kä ning hmuh sak gui ci.

ISAIAH 31:1

Egypt khaw ah ami m’htei htang vai ah hteit ci gui cu ng’ziin ci gui! Ngami cu Egypt ah dämduh aih ciah ga k’tha mah nak-ng’sela gui, yatha gui, la gakap gui ung ng’khüng ci gui. Cun ung phi ngami cu Bawipa, Theingcim ciah Israel khanpughi ung kä ng’khüng ci gui, am htei htang gui vai ah kä k’thäh ci gui.

2 GHANGPUGHANG GUI 22:16

shin ah Bawipa ah ng’thu cu pe gui ci: “Shin ah ca uk ung ami guk, ghangpughang naw a phat ah mäih ah, kei naw Jerusalem la a chang gui cu ka m’kyuk lawk khai nei.

ISAIAH 43:22

Bawipa naw pyen ci, “Israel gui, kei ah hmawk ah nami cümbawng ci nei, kei kä na nami na khawihnah ci nei.

ISAIAH 64:6

Keimi kami van cu kami hmakak ci nei, keimi ah akni pi ah kami hnünthawh cu lelawi pikbäih ci nei. Keimi kami kat ah hmawk cing hnah chawng, khokhi ah zon awn kami täng ci nei.

JEREMIAH 30:14

Nami m’hni gui ami van naw ning m’hnih gui ci nei; Ngami naw nangmi cu a i ah kä ning sui ba gui ci gui. Kei naw ga ah mäih ah ka ning tu gui khai; Nangmi ning m’kyuk nak gui cu nuipai aih ci nei, a i kyasei ci ung nami cheishoh nak cu a dämduh aih ne nami hmakat nak cu da aih ci nei.

JEREMIAH 44:23

Atuhbäi leigai cu nangmi ah khan ah lawk ci a i ah kyasei ci ung nangmi naw ahei khanpughi gui khawihnah u ne, ani ah thumkhän avan kä ngaih nak awn hnungtuk püi ne katnak nami bik ci” cik ci.

EZEKIEL 16:43

Nang nah maw yah ung ai cha ah ka ning om püi man cu nang naw na m’hnih ci, na bilawh gui avan awn kei cu na na m’lungshe sak ci. Cun ah kyasei, cun gui avan name sah vai ah kei naw ka ning bi gui ah kyak ci. Nang naw shemshai ci gui avan na bi kawn ah a i ah kyasei ng’zawpawm shetkat nak awn na m’khah ba ang?” Uktu Bawipa naw a pyen nei.