DANIEL 9:12 - Cho Bible Common Language 2016

¹² Keimi la kami uktu gui ah khan ah na bi vai ah na pyen cu nang naw na bik ci. Nang naw khomdek khan ah mang gaw gui nicii ah da pi khai ah Jerusalem cu na m’kyuk ci.

DANIEL 9:12 Referans Kwoze

EZEKIEL 5:9

Kei naw ka thüi nak ah amawng gui avan nang naw na bi ah phäh ah kei naw Jerusalem cu ka m’kyuk khai, cun na kei naw acu phi kä ka bi man ci, angawi ah phi cun ah mäih ah kä ka bi ba khai.

NG’ÄI KYAH 1:12

“Na teng vä “ci ne ani sun pah ci päng ah ma ah kyap ci. A u chang ung phi kei ah m’neh ah mäih kä om khai nei. Cun ah m’neh nak cu Bawipa naw am lungshe yah ung kei ah khan ah a law püi ah kyak ci nei.

ISAIAH 44:26

Cun ung phi kei ah ka chang shäm naw cängbang nak abi ah a kyak ung, kei ah ka pawng püi gui m’than khai ah ng’shächang ka tüih ah a kyak ung. Cun ah pawng püi nak gui la cängbang nak gui cu akcang ah kyak khai ah kei naw ka bik ci. Kei naw ka m’thein gui ci. Jerusalem ung chang gui om ba khai gui, Judah mang gaw gui co ba khai gui. Cun ah mang gaw gui cu didam nak ung ka, Tho law ba khai gui.

NG’ÄI KYAH 2:17

Bawipa naw abi vai ah am kyih nak cu, ak hnu ah bik ci nei. Ani naw acau pui a nak bäi gui pyi ah mäi ah ah chimgein nak kä om sei, ani naw na m’di gui ci nei. Ani naw mi ga gui am näng nak pe gui ci, mik mi ah yung kyak ah phäh ah yeikyai nak pe gui ci.

NG’ÄI KYAH 2:13

O Jerusalem, m’hni aih ah Jerusalem, kei naw a i ka pyen hning khai aw? Kei naw a i cha ah ka ning shungvong hning khai aw? A u phi shin ah mäih ah kä yai ca khai nei. Nang ah leigai cu khogi kä om ciah tuinu ah mäih ah kyak ci. Ngaih u vai ai phi kä om ci.

JOB 12:17

Ani naw uktu gui ah cüivai nak cu ghawt yawp ne, ang vaihta gu cu akgu ang ah mäih ah kyak sak gui ci.

ROMAN 15:8

Kei naw ka ning m’thein gui cu, Bawi Khrit naw a ghin yah ung khuut abi nak cu, Jew chang gui ah hmawk ah kyak ci. Cun cu khanpughi bä ne ang khän ah mawng am dang nak la pu pa gui am khanpughi naw shaitaak nak a peit gui cu ng’düng ne bä khai ah abi nak ah kyak ci.

LUKA 21:22

Cun cu “Hmakat m’kyuk nak ah hnüüp” ah kyak ci, ciah cacim ung kaa ang dang law nak ah kyak ci.

MAKUH 13:19

Khanpughi naw khomdek a tüi pyan ung tün ne, a i yah ung phi shin ah mäih yaica nak cu, a u naw kä awt man ci, ngawi ah phi a u naw kä bui awt ba khai.

MATTHE 24:21

Cun ah a khin ung ang htei ah shekak ciah yaica nak gawk lawk khai. Cun hlawk ah shekak ciah yaica nak cu khodek ang tüi law ung tün ne a i yah ung phi chang gui naw kä bui awt man khai gui. Ngawi ah phi bui awt ba vai ah kä kyak ci.

MATTHE 5:18

Kei naw akcang ka pyein cu, khomdek la khankho a om yah ah chuih cacim ung kaa, ca ng’lung ät, ca ng’ma ät phi kä dimaih düt khai. Cacim ung om ci phung avan küm yawp khai nei.

ZEKHARIAH 1:8

Kei naw ng’se asen ng’cuum ciah chang tumat cu ka hmuk ci. Ani cu m’htai ghing gui ah hmu khaw ng’nawi ung düi ci. Ani ah hmu ah ng’se gui — asen, amvo la a bawk gui om ci gui.

ZEKHARIAH 1:6

Kei naw ka chang gui prophet gui ung nami pupa gui am thumkhän la m’cäi nak cu ka pe gui ci. Cun ung phi ngami naw a i ah kä ngai u ne, acun ah amawng ma ung yaica ci gui. Cun kawn ah ngami cu ng’yu ba u neta, kei M’gäi ciah Bawipa naw ka pyen ah mäih ah ka m’kyuk gui ciah pyen ci gui.’ ”

AMOS 3:2

“M’dek khan pakhui avan ungka nang tumat bäng cu kei naw ka ning hmat, ka ning m’htei ah kyak ci. Cun cu nam katnak kyih aih vai ah kyak sak ci la ngami ah hmawk ah kei naw ka ning m’kyuk gui vai ah mawng ah kyak ci.”

JOEL 2:2

Cun ah hnüüp cu hmüp ne mü khai nei, le ne ng’mei be khai. Khomhtung gui mü hmüp naw aküm ah mäih ah gakap khagek a chün yong lawk khai. Acau phi shin ah mäih ah kä kya man ci, ngawi ah phi shin ah mäih ah kä kya ba khai.

EZEKIEL 13:6

Ami müimang gui cu ami pyan ah kya ne, ami cängbang gui cu hleei ah kyak ci, Ngami naw kei ah ng’thu pyen ci gui ah pyen ci gui, cun ung phi kei naw kä ka tüi pe gui ci. Cun ung phi ami ng’thu cu bä khai ah ngaih u ci gui!

NG’ÄI KYAH 4:6

Kei ah ka chang gui cu sodom ung chang gui ah ta nui pi khai ah m’kyuk nak gah ci gui. Acun naw Khanpughi ah kut ungka ang ghit yung kyak nak cu bui ci.

NG'THU K'THUUK~ 8:16

M’dek khan ung uktu phung naw kei ah m’htei nak awn uk ci. Bawi gui mang gui naw phi acun ah uk ci gui.

SAM 148:11

Ani cu m’tam vä, Ghangpughang la chang avan naw, mang hta ng’piang la uktu avan naw:

SAM 2:10

Nangmi ghangpughang gui cuivai vä, Khomdek uk ci gui shin ah thu cu geing na vä.

1 GHANGPUGHANG GUI 3:9

Cun ah kyasei cüivai nak cu na peä, kei naw na chang gui taga khai ah ka uk vai hlü ci nei, akni la akshe ah ng’lakmah nak ka hmat vai hlü ci nei. Kä cunung, shin ah dämduh ciah na chang gui cu a i hawk cha ah kei naw ka uk thei khai aw?”

JEREMIAH 30:7

Kyihkyawk nak ah hnüüp gawk lawk ci nei; A hei m’täng nak vai ah hnüüp kä om Khai nei. Cun cu kei awn Chang gui ah geinvai nak vai ah akhin ah kyak khai nei, Cun ung phi ngami cu ghing ne k’pawih khai gui.”

JEREMIAH 32:23

Cun ung phi ngami shin ah khaw ung law ba u ne, shin ami kaa hak awn ah ngami naw nang ah thumichän kä ngai ci gui, na m’theithang ah mäih ah kä om ci gui; nang naw ami bi vai na pyen cu ngami naw kä bik ci gui. Cun ah kyasei ngami ah khan ah shin ah m’dishum nak avan cu na law püi ah kyak ci.

JEREMIAH 39:16

m’gai ciah Bawipa, Israel khanpughi ah pyen cu Sudanese chang Ebedmelek am ka m’thein vai ah kyak ci, “Kei naw ka pyen ah mäih ah ka bik khai kei naw shin ah mang gaw ah khan ah kikap nak la kä bämang nak cu ka law püikhai. Cun gui a kyak yah ung nang naw a cu ah om me na hmuk khai.

JEREMIAH 44:23

Atuhbäi leigai cu nangmi ah khan ah lawk ci a i ah kyasei ci ung nangmi naw ahei khanpughi gui khawihnah u ne, ani ah thumkhän avan kä ngaih nak awn hnungtuk püi ne katnak nami bik ci” cik ci.

DANIEL 12:1

Linen sui sui ciah Khanpughi naw pyen ci, “Cun ah akhin ung na chang gui ngäng ciah dämduh ciah khanchang Michaela cu dang lawk khai. Cun kawn ung changpakhui gui ami om kawn ah kä kya man ciah khüikha nak pikbäih ah akhin cu gawk lawk khai. Cun ah akhin a gawk law ung Khanpughi ah ca-uk ung aming ami guk ah na pakhui ungka chang avan cu hun nak gah khai gui.

ZEKHARIAH 7:12

Ami m’sin phi lung ah mäih ah m’liu sak ci gui. A i ah kyasei ci ung cau pui om ciah prophet gui ung ka pek law gui ah m’theithang nak cu ngami naw kä ngai ci gui, kei cu ka m’lungshe lawk ci nei.

2 GHANGPUGHANG GUI 22:16

shin ah Bawipa ah ng’thu cu pe gui ci: “Shin ah ca uk ung ami guk, ghangpughang naw a phat ah mäih ah, kei naw Jerusalem la a chang gui cu ka m’kyuk lawk khai nei.

ISAIAH 43:28

Ning uk ci gui naw ka theingcim hmun lelawi sak ci gui. Cun ah kiasei Israel gui m’di nak gui vai ka law püi ci; kei naw ka chang gui ami päipih vai ah ka kyak sak gui ci.”