DANIEL 9:10 - Cho Bible Common Language 2016

¹⁰ Aw Bawipa kami Khanpughi, na chang shäm prophet gui ung na pek gui ah thukhän ah mäih ah kami om ih vai ah na na pyen nak gui yah ung, keimi naw kä kami ning ngai ci.

DANIEL 9:10 Referans Kwoze

DANIEL 9:6

Na chang shäm prophet gui cu keimi naw kä kami ngai gui ci, ngami naw nang ah ming awn mi ghangpughang gui, mi uktu gui, mi pupa gui la mi pakhui avan am ng’thu pyen nak ci guii.

2 GHANGPUGHANG GUI 18:12

Samaria ashum cu, Israel chang gui naw ami Khanpughi Bawipa kä ami läk ah hmawk ah kyak ci, ngami naw ani naw abi püi gui ah thukhän cu m’shet u ne, Bawipa ah changshäm Moses naw a pek gui ah thukhän gui avan cu kä läk ci gui. Ngami naw kä ngai ci gui, kä läk ci gui.

HEBRU 1:1

Caä Phanpughi naw, akda vei, a mawng a hei hei awn, profet gui ung, mi pupa gui am thu m’shäk law man ci.

JEREMIAH 32:23

Cun ung phi ngami shin ah khaw ung law ba u ne, shin ami kaa hak awn ah ngami naw nang ah thumichän kä ngai ci gui, na m’theithang ah mäih ah kä om ci gui; nang naw ami bi vai na pyen cu ngami naw kä bik ci gui. Cun ah kyasei ngami ah khan ah shin ah m’dishum nak avan cu na law püi ah kyak ci.

JEREMIAH 16:11

Bawipa ah thu pyen cu na m’thein gui vai, nami pupa gui naw kei na ng’hlah ta ne, a hei Khanpughi gui khawihnah ne a bii bik ci gui. Ngami naw na nawng u ne ka m’thein thang cu kä ngai ci gui.