DANIEL 8:8 - Cho Bible Common Language 2016

⁸ Me cu m’gäi law pi pi ne, a huham a hlüng law pi yah ung, a ki cu hnget ci. A cun ah hnün ung a ki phli ah law law ba ci, cun gui cu ahei täng bäng bäng ah mang ci gui.

DANIEL 8:8 Referans Kwoze

DANIEL 7:2

Cun cu mü ka hmuh m’hnüt nak ah kyak ci. Lam avan ung kho khi law ci, tuinu ah khan ung tui hnawk lawk ci.

THU PHLAAN 7:1

Cun kawn ah khankho chang paphli cu khomdek khocawi akit phli ung ng’düi u sei ka hmu gui ci. Ngami naw m’dek khan, tuinu ah khan la singghing gui cun phi khawkhi naw kä yon hlawt khai ah k’pang ci gui.

DANIEL 8:22

A htük ah a ki a hnget nak ung lut law ba ciah a ki phli ci cu, cun ah khaw ng’pai neta dang lawk khai ah uknak khaw phli ah kyak ci. Cun gui cu a htük ung uknak khaw ah mäih ah kä gaigawng khai gui.

DANIEL 8:5

Kei cu a shin ah mawng ung ka cäicat yah ung me tumat cu akhei täng ah ng’güüt ne dawng lawk ci. Gai aih khäta a khaw naw m’dek kä yu tawn ci. Ani cu a mik goi ah ng’lak ung a ki tumat ah lawk ci.

DANIEL 5:20

Cun ung phi ani cu chang ah ng’shei ne, am lung ling ne, m’ghämce law khäta, bawi mang kiang ungka m’hnawn u sei, m’tam nak ah hmun cu hteh tak ciah kyak ci.

2 SHONTÄP NAK 26:16

Ghangpughang Uzziah cu thamah law neta chang ah ng’shei law ne, amät ah yung kyak nak vai ah kya lawk ci. Ani cu Taigüim kyong ah hteit ne m’khih nak ah sonkiang ung m’khih ni a bi nak awn Bawipa Khanpughi khan ah cu küknet nak ci.

MAKUH 13:27

Cun kawn ah chang ah Htapa naw, khankho chang gui cu tüi gui ne, khomdek khankho cawi ungka naw, khankho, kho cawi ung khüt khai ah, a ghü pyi ah chang gui cu, khäm ne k’bum sak gui khai.

MATTHE 24:31

Cun kawn ah chang ah Htapa naw chünla ciah phyungheng tum sak gui netah, ak khankho chang gui cu hnilaw hnikiaak, a htum asiip ah tüi gui ne, khomdek vang kem ah kaa naw vang kem ah khüt khai ah a ghü ah chang gui cu m’cut sak gui khai nei.

DANIEL 11:4

Cun ung phi a huham a hlüng pikbäih sangung ani ah uknak khaw cu she ne, phli ah ng’bou khai. Ani ah ng’shon ah kä kyak ciah ghangpughang gui naw ani ah hnün ung uk khai gui. Cun ung phi ngami cu ani ah mäih ah kä huham mah khai gui.

DANIEL 7:6

Kei naw ka teng sangung ahei khiküi tumat dang law ba ci. Ani cu kawnghta ah mäih lawk ci, cun ung phi a hnu täng ah ang phya phli om ci, cun cu kha ah ng’phia ah mäih ah kyak ci, ani ung alu phli om ci, cun cu huham mah ciah mäih ah kyak ci.

DANIEL 4:31

Ng’thu lung am gawng ung kä a luh law pha ung, khankho ah ka ng’thu k’aw gawk lawk ci, “Ghangpughang Nebukhadnezzar, kei ah ka ng’thu cu ngai ä Na mang-im huham cu tuhbäi nang ungka ka lak pyi nei.

EZEKIEL 28:9

Ngami naw nang ning ngawn khai gui ah ami law ung Khanpughi ah na kyak ciah na pyen ba khai ang? Nang cu ning ngawn ciah chang gui awn ami ng’awt law ung, nang cu hnicim ah na kyak khai, khanchang ah kä na kyak khai.

EZEKIEL 16:7

Kei naw nang cu gai ciah a ghing ah mäih ah ka ning däm sak ci. Nang cu gai law ne, ng’shäi law ne, hnumi nong ah ne kya lawk ci. Na kyaang sa gui cu plan ne, na lusam phi ng’shäi lawk ci, cun ung phi nang cu nak plui ah kyak ci.

JEREMIAH 5:27

Sa züh ci naw a pemnu kha gui awn a be sak ah mäih ah ngami naw ami im gui cu ami guttep awn be sak ci gui. Cun ah kyasei ngami cu huham mah ne büh mang ci gui.

ESTA 9:4

Tuhbäi Mordekai cu mang im ung huham mah pikbäih ne, a huham däm law piktäi ciah uknak khaw avan ung hmat pyi ci gui.

THULÄÄN NAK 31:20

Ami pupa gui ung shai ka tak ah mäih ah kei naw ngami cu ng’büh mang ne ang lei nik ciah khaw ung ka hteh püi gui khai. A cu ah ngami naw ami ng’zak hlü ah ei avan gah khai gui, ngami cu kyäp nep sei om khai gui. Cun ung phi ngami cu a hei ah ng’hlat ne a hei khanpughi gui khawihnah khai gui. Ngami naw kei cu na hnu ng’tuk püi u ne, ka thumkhän cu m’shet khai gui.

JEREMIAH 49:36

Kei naw akit gui avan ung Elam cu khi khai ah khokhi ka pyang khai ani ah chang dawng gui ah kä gawk nak ah khopäng kä a om ba güt ung ani ah chang gui cu kho nü ung ka püi sak gui khai.

DANIEL 8:7

Cun ah htome hla a suk cu kei naw ka teng ci. Ani cu ang htei ah m’lungshe neta, ng’la “h ne su sei a ki hnih cu hnget ci. Htome hla ung am khu “t nak tuba vai thagui kä om ci. Ani cu m’dek ung kyu ne ng’yän sei, a khaw awn kai nak ci, ani hun tuk khai a u kä om ci.