DANIEL 8:4 - Cho Bible Common Language 2016

⁴ Kei naw ka teng sangung cun ah htome naw a ki gui awn akhei täng, a htum täng, a siiptäng gui ung su shüi shüi ci. A i khisa naw phi ani cu kä düm sak hning ci, a huham phi kä phiawn ah hning ci. Ani naw a bi hlü ah bi sei shetkat nak däm law pi k’täi ci.

DANIEL 8:4 Referans Kwoze

DANIEL 11:16

Tu law gui ciah Siria gui naw ami m’hni ah bii bik khai gui, a u naw kä hnungtuk püi gui khai. Ani cu shaitak ah khaw ung düi ne, cun ah khaw avan cu amät ah huham kyong ung chum khai.

DANIEL 11:36

“Siria ghangpughang naw amät ah m’hni ah bik khai. Ani cu khanpughi nü ah dämduh pi ne, hlüngtai ciah Khanpughi ah phi bämcam pi ciah pyen ne khähghah khai. Ani naw Khanpughi naw am kyuk ah khin ung khüt sei, a cun ah bik khai. Khanpughi naw a pawng püi ah mäih ah akcang ah bik khai.

DANIEL 8:7

Cun ah htome hla a suk cu kei naw ka teng ci. Ani cu ang htei ah m’lungshe neta, ng’la “h ne su sei a ki hnih cu hnget ci. Htome hla ung am khu “t nak tuba vai thagui kä om ci. Ani cu m’dek ung kyu ne ng’yän sei, a khaw awn kai nak ci, ani hun tuk khai a u kä om ci.

MIKHAH 5:8

Pakhui gui ah ng’lung ah ami nawng shüt gui cu, bung hmu ah a ei vai shui ciah phongkawng ah mäih ah kyak khai gui. Ani naw htome gui ah lung ah lut ne, pah gui ne, phyit ne teek gui ci — phyawn vai ah ngaih u nak kä om ci.

DANIEL 7:5

A hnih nak ah khiküi cu a hnu khaw awn ng’düi ciah khawm ah ma’ih ah kyak ci. Ani naw gangguh phe thum a haa ung m’kiam ci. K’aw tumat naw ani cu pyen nak ci, “Asa cu na ei hning hlawk ah na ei vai nei.”

DANIEL 5:30

A cun ah mü ung Babilon ghangpughang Belshazzar cu ngawn ci gui;

DANIEL 5:19

Ani cu dämduh aih sei chang pakhui, chang pahta, chang nü avan naw kyihkyawk u ne, ng’hlet ci gui nei. Ani naw chang a ngawn hlü nüng ngawn ci, am ghin hlü nüng m’ghin ci, am tamkhah hlü nü m’tamkhah ci, am shuk chak hlü nü m’shuk chak ci.

EZEKIEL 34:21

Nangmi naw gaw ciah htome gui cu buh ne angleng ah k’htät u ne, htome ng’bum ung ka su ne nami k’täm ci.

SAM 50:22

“Shin cu ngai vä, nangmi kei kä na shüm ci gui, kä cun ung — kei naw ka ning m’di gui khai, Ning hun gui ci a u kä om ba khai.

SAM 7:2

Kä cun ung ngami naw phongkawng ah mäih ah na chang ne, a u ah kä hun nak hning vai ah na hteh püi u ne, na phyit sek khai gui nei.

JOB 10:7

Kei cu changshe ah kä ka kyak ah mawng la nang ungka a u naw kä na phyawn hlawt ci cicu na hmat ci.

THULÄÄN NAK 33:17

Joseph cu vantang ah mäih ah ak thagui om ci, sei nget ah mäih ah aki gui om ci, Ani ah ki gui cu Manasseh ah phia gha ah kyak ci. Cun kawn ah Ephraim ah phia phia ah kyak ci. Acun awn ani naw pakhui gui su gui ci. Khomdek ah a cawi ah khüt khai ah ani naw buh gui ci.

1 GHANGPUGHANG GUI 22:11

Ngami ungka tumat, Chenaanah ah hta Zedekiah naw m’si puuk pyang neta Ahab cu pyen nak ci, “Shin cu Bawipa pyen nei; “Shin awn nang naw Sirian gui na tuk ah a kyak ung na hnim gui yawp khai nei.”

SAM 44:5

Na mät ah huham awn kami gaa gui cu kami hnim ci.