DANIEL 8:3 - Cho Bible Common Language 2016

³ a cun ah tuinu ah pei ah htome khla om sei ka hmuk ci. Cun cu a ki hnih lawk ci, a ki tumat cu ahei tumat ah ng’shäi pi ne thai pi ci.

DANIEL 8:3 Referans Kwoze

DANIEL 8:20

“Nang naw na hmuh ah hnih ki nak ciah htome hla ci cu, Media la Persia uknak khaw hnih ah kyak ci.

DANIEL 10:5

Kei naw hang mang neta linen sui sui ne, ghui ni kheipat pat ciah chang tumat cu ka hmuk ci.

ZEKHARIAH 6:1

Ahei mä ka ng’mang na ba mä ci. Cun ung läi ng’se yatha phli cu asen ah kyak ciah khomhtung goi ah ng’lak ungka hmä lawk ci goi.

ZEKHARIAH 5:9

Cun kawn ah han teng ba neta, huham mah ciah ng’phya na ne, ngamyawk ah mäih ah yawng lawk ciah hnumi hnih cu ka hmuk ci. Ngani naw cun ah dawn cu la ne yawn püi ci goi.

ZEKHARIAH 5:5

Khanchang cu dang law bamä neta, “Teng ä! A i baw lawk ci nei” cik ci.

ZEKHARIAH 5:1

Kei naw han teng ba neta, khawkhi ung yawng ciah ca k’tom cu ka hmuk ci.

ZEKHARIAH 2:1

Cun kawn ah kei naw a kut ung nüt nak vai ah gui kawt ciah chang cu ka hmu ba ci.

ZEKHARIAH 1:18

Cun kawn ah kei naw ka ng’mang ung seiki phli cu ka hmu ba ci.

DANIEL 7:5

A hnih nak ah khiküi cu a hnu khaw awn ng’düi ciah khawm ah ma’ih ah kyak ci. Ani naw gangguh phe thum a haa ung m’kiam ci. K’aw tumat naw ani cu pyen nak ci, “Asa cu na ei hning hlawk ah na ei vai nei.”

DANIEL 6:28

Daniela cu Darius ah uk sang ung la Persian chang Sairus ah uk sang ung bämang ne om ci.

DANIEL 5:31

A khokum chuk kip lei-goi lawk ciah Mede pakhui Darius naw bawimang huham cu khäm ci.

DANIEL 2:39

Nang ah kawn ah ghangpughang ahei om lawk khai, ani cu nang hlawk ah kä dämduh khai, cun kawn ah ak thum nak ah kyei uktubawi om lawk khai, ani naw m’dek khan avan uk khai.

JEREMIAH 51:11

Bawipa naw Media ghangpughang gui cu thawh let sak gui ci, a i ah kyasei ci ung ani naw Babilonia cu m’di vai ah angbü ah phäh ah kyak ci. Cun cu ani naw a Taigüim ami m’di ah phäh phu atuk ah kyak ci. Ng’tuk ciah bawi gui naw Thum’khän u ne, “Nami m’la gui k’tah vä! Nami shawi gui m’hnüt ge vä!

ISAIAH 44:28

Kei naw Sairus cu ka pyen nak ci, ‘Nang naw kei ah phäh ah na uk khai nei; Kei naw ka ning bi sak hlü cu nang naw na bik khai nei. Jerusalem cawh ba vai la Taigüim ah angnei k’süm vai ah, nang naw ng’thu nak’bäi vai nei.’”

ISAIAH 21:2

M’gäi cik nak gui, kä bekhüt nak gui la m’di m’shum nak gui cu kei naw ka muimang ung ka hmuk ci nei. Elam gakap gui, tuhnim vä! Media gakap gui, mang gaw gui cu khaai vä! Babilon naw a bi ah yaica nak cu khanpughi naw ng’pyi sak khai nei.

ISAIAH 13:17

Bawipa naw pyen ci, “Kei naw medes chang gui cu Babilon ami tuk vai am ka m’thum tho gui ci. Ngami naw ngui phi a i ah kä ngai ci gui, ghui phi a i ak kä ngai ci gui.

ESTA 1:3

A uknak a kum thum nak ung ani naw, abawi gui avan la a uktu gui avan cu aktung ah mang ei ei püi gui ci. Acun ung Persia la Media gakap gui phi om tuk ci gui, khopäng uktu gui la chang vai gui phi kai tuk ci gui.

EZRA 4:5

Ngami naw persia uktu bawi gui am ng’mü khawh pe u ne, ami hnungtuk püi gui vai ah bik ci gui. Ngami naw acun ah Sairus ah uk yah pum ungka naw Darius ah uknak ung khüt sei bik ci gui.

EZRA 1:2

Shin cu Persia uktubawi Sairus ah thumkhän nei. Bawipa, Khankho ah Khanpughi naw m’dek ah khan avan ka uk vai ah na pyang ci nei. Judah khaw Jerusalem ung ani ah phäh ah Taigüim cawh vai ah bi vai na pek ci nei.

1 SHONTÄP NAK 21:16

David naw, khanchang cu a kut ung a khimsem kawt ne, Jerusalem cu m’ding ge khai ah khokhi ung ng’düi sei hmuk ci. Cun kawn ah David la ami ng’vaihta gui-ami van naw suishe sui u ne-ami hmai naw m’dek tawn khai ah kawp ci gui.

JOSHUA 5:13

Joshua cu Jerikho pei ah a om yah ung Khimsem kawt ne amät täng ah ng’düi ciah chang cu ang ghit ah hmuk ci. Joshua naw ama ah hteit neta ang shi cu, “Nang cu kei ah gakap ang, keimi ah ga ang?”

KHEI NAK 24:2

Israel chang gui naw pakhui phäh phäh ah shaum co ne ami om cu hmu gui ci. Khanpughi ah mümcha naw ani cu k’pang khäta,

THU PHLAAN 5:6

Cun kawn ah htomehta cu khiküi paphli la aghaampa gui ah ng’lung ah mang kiaang ah lai ung ng’düi sei ka hmuk ci. Ani cu küikyan nak vai ngawn pyi ah htomehta awn täng ci. Ani ung aki chih la amik chih om ci. Cun gui cu khomdek khan avan ung a tüih ah Khanpughi ah Mumcha chih ah kyak ci.

THU PHLAAN 13:11

Cun kawn ah khiküi tumat cu m’dek ungka lut law sei ka hmuk ci. Ani cu htome ah mäih ah aki hnih om ne, shawk ah mäih ah ng’thu pyein ci.

DANIEL 8:2

Ka muimang ung kei cu ang ghit ah Elan khopäng Susa mang gaw paang ah kyong ah ka gawk ci. Cun ung kei cu Ulai tuinu pei ung ka düi ci,