DANIEL 8:15 - Cho Bible Common Language 2016

¹⁵ Kei naw muimang ah mawng ka hmat vai ah ka tha nak yah ung, ang ghit ah tumat mat cu ka ma ah law ne ng’düi lawk ci.

DANIEL 8:15 Referans Kwoze

DANIEL 10:16

Cun kawn ah chang ah mäih lawk ciah khanchang naw akut shäng ne ka m’nei na tawk ci. Kei naw ani ka pyen nak ci, “Bawi aw, shin ah muimang naw tha na ken sak sei, kei kä ng’düm ne ka ng’hlet cinei.

THU PHLAAN 1:13

cun ah mei-im gui ah ng’lung ah hnicim chang ah mäih tumat cu ka hmuk ci. Ani cu akhawphaa yuk pha khai ah suinu sui ne, ghui m’ciu vawp ci.

DANIEL 10:18

Hnü ät mä ani naw na k’pang bamä khä ta, ka thamah law ba ci.

THU PHLAAN 13:18

Shin ah a mawng ung cüivai vai hlü ci. Lunglang ciah chang naw acun ah khiküi ah khei nak gui ah mawng cu khei thei ci. Cun ah khei nak cu chang tumat ah ming ah phäh ah ng’düi ci. Cun ah khei nak cu 666 ah kyak ci.

MAKUH 13:14

“Tükyai shemshai cicu kä om nak khin ung om sei nami hmuk khai. (Shin ah a mawng cu ca phat ci naw ngai thei sä.) Cun nami hmuh law ung Judea kho ung om ciah chang gui cu khomhtung ah dawng u sä.

MAKUH 4:12

A i ah kyak sei ci ung; “Ngami cu teng ne phi kä hmuk ci gui, Ngai ng’ya ne phi kä hmat ci gui, Ami teng cu hmu u ne, Ami ng’yak cu hmat u ne, ami kyak vai sü ung, Khanpughi lam ah ng’hlat lawk khai sü gui te, Cun ung ngami ah katnak phi m’gein gui khai sü te, Ci ah cacim ung om ci” cine m’thein gui ci.

MATTHE 24:30

Cun yah ung chang ah Htapa a kyum law nak vai ah a mawng cu khankho ung dang lawk khai nei. Chang ah Htapa cu khankho ah meibawk ung cum ne, chünla ciah hlüngtai nak la küikyang ciah bämang nak awn a kyum law cu khomdek chang gui naw ami hmuh ung kyap ne m’lau khai gui nei.

MATTHE 24:15

“Profet Daniel ah pyein ah kyihkyawk tükyai vai kyak cicu a theingcim nak ung ng’düi sei nami hmuk khai. (Ca phat ci naw, shin ah mawng cu ang ngaih thei vai.)

MATTHE 13:36

Bawipa Jesuh cu chang gui ah ng’lung ah kaa, ng’dü law ne kyong ah lut ba ci. Cun yah ung ang düihpüi gui naw a pei ah law u netah, “Khumgho awn am tumtäng nak ah mawng cu m’dang ne nam thein gui ä,” cik ci gui.

DANIEL 12:8

Ani naw a pyen ciu ka ng’yak ci, cun ung phi kei naw kä ka hmat ci. Cun ah kyasei ka ng’shi cu, “Shin gui avan cu a i cha ah ng’pyi khai ang?”

DANIEL 10:5

Kei naw hang mang neta linen sui sui ne, ghui ni kheipat pat ciah chang tumat cu ka hmuk ci.

DANIEL 7:28

Shin cu ka ng’mang ah mawng ang pyi nak ah kyak ci. Kei cu ang htei ah kyikyawk neta ka ng’haam ci, a cun gui avan cu ka m’lung ung ka tha ci.

DANIEL 7:13

Mü ah cun ah muimang ka hmuh sangung, chang ah mäih tumat cu ka hmuk ci. Ani cu khong mei naw koi sei kei täng ah ng’et lawk ci. Cun kawn ah ani cu angtäi ah ghing ciah ma ah hteit ci, a ma ah hteh nak hning gah ci.

ISAIAH 9:6

Mik mi ah phäh ah a hmawhta ng’tüi pyi ci! A Htapa cu na pe gui pyi ci! Ani cu mikmi ah uk tu ah kyak khai. Ani ah ang ming cu, “Cäicat vai, ng’ge ng’pai tu,” “M’gäi ciah Khanpughi,” “Angtäi ghing ciah Pa,” “Dimdeeih nak ah manghta” ah khü khai gui.

JOSHUA 5:14

Cun ah chang naw, “Ka nei, Kei cu shin ung Bawipa ah gakap bawi ah ka kyak ci nei” cik ci. Joshua naw m’dek ung bawp ne khawihnah neta, “Bawi aw, kei cu na na changshäm nei, a i ka bi vai ang na ng’yak hlü?” cine ng’shik ci.

DANIEL 8:1

Belshazzar Ghangpughang ah a kyak nak a kum thum nak ung kei naw a hnih vai nak ah muimang ka hmuk ci.

DANIEL 8:19

a pyen cu, “Khanpughi ah m’lung she nak a i cha ah kya lawk khai ci cu, kei naw ka ning m’dang nei. Muimang ah mawng cu kho ang pyi nak vai ah khin ah kyak ci.

ZEKHARIAH 1:9

Kei naw, “Saya aw, shin ah ng’se gui cu a i gui ang?” cine ka ng’shik ci. Ani naw, “A i ah ami kyak cu kei naw ka ning m’hnuh khai nei,