DANIEL 8:13 - Cho Bible Common Language 2016

¹³ Cun kawn ah khanchang tumat naw ahei tumat ng’shi sei ka ng’yak ci, “Muimang ung hmuh ah shin ah mawng gui cu a i güt shou khai ang? Shin ah kyih vai ah katnak cu a i güt a hnüüptä khawihnah nak ah hnün ung om khai ang? A i güt khankho gakap gui la Taigüim cu kai nak khai gui ang?”

DANIEL 8:13 Referans Kwoze

THU PHLAAN 11:2

Cun ung phi pum im ah ak pung lam cu kä na nüt vai, a i ah kia sei ci ung, cun cu changpakhui hei gui-am ap gui ah kyak ci. Ngami naw Manggaw Theing cu cha phlikip lei-goi ung ami khaw awn leh m’hnep khai gui nei.

THU PHLAAN 6:10

Cun ah mümcha gui naw, “Ng’ciim ne, ng’düng ne, hlüngtai pi bäih ciah Bawipa, keimi ami na ngawn gui ah hmawk ah khomdek khan ah chang gui cu kä m’khoichaa, kä m’shetkat gui ah a i güt na om khai ang?” cine m’lau ci gui.

LUKA 21:24

Chang amshah cu chim awn sik khai gui, amshah cu pha ne, khlei htein nah ne, a kho päng ung hteh püi khai gui. Chang khui hei gui naw ami uknak kä ang pyi pha ah chuih Jerusalem cu ami kho awn kai nak khai gui.

DANIEL 9:27

Cun ah uktu naw chang akda gui awn yumnak ät cu kum chih khän sak khai, kum thum la avang a lüng ung ani naw khawihnah nak la douthak nak cu ng’pyi sak khai. Kyihkyawk shemshai vai kyak cicu Taigüim ah a hlüng nak pikbäih ung tha khai gui. Cun cu acun tha ci am Khanpughi naw a pawng püi pek ang pyi nak a bui awt güt ung om khai.”

DANIEL 11:31

Am shah gakap gui naw Taigüim cu shemshai sak khai gui. Ngami naw a hnüüptä khawihnah nak cu düm sak khai gui. Kyihkyawk shemshai vai kyak cicu m’düih khai gui.

DANIEL 4:13

“Cun ah mang ah mawng kei naw ka ngaih-tüh yah ung, cimgang ne tengkhen ciah khankho chang cu kyum law sei ka hmuk ci.

1 PETER 1:12

Ngahmi naw cun ah mawng ami pyeinsak cu, ami mät ah hmawk ah kä kiak ci, nangmi ah hmawk ah kyak ci, cicu Khanpughi naw, ngahmi ung dang sak ci. Nangmi ah om nak ah Bawi Khrit ah mawng Thu Ni law püi ci gui naw, cun ah profet gui naw ng’daut ne ami pyein ah a mawng gui cu, Khankho ah kaa a tüih law ah Mumcha Theing ah hlüngtai nak awn, nangmi ah khan ah ng’shäu law u sei nangmi naw nami ng’ya pyi ci nei. Cun ah a mawng gui cu Khanchang gui naw phi hmuhmat hlük ci gui nei.

HEBRU 10:29

Khanpughi ah Htapa cu päipih ne, katnak theing sak ne Khanpughi ah thukhän thai ah kyak ciah si ng’hlui cu gaih m’gin ne, m’gein nak m’kyum lawk ciah Mumcha shetkat nak ci naw, a i hlawk ah nuipai ciah shetkat nak gah khai cicu nami ngaihtüh shüm vai nei.

1 THESSALONIAN 3:13

A cu cha ah Bawipa naw ning k’thamah sak gui khai nei. Bawipa Jesuh cu ak chang theing gui awn a kyum law ba hnüüp ung, nangmi cu mi Pa Khanpughi ah ma ah, kümbe ne theingcim ciah chang ah nami kyak khai nei.

LUKA 21:20

Jerusalem cu gakap gui naw ngäng u sei nami hmuh ung adi law nak vai ng’et lawk ciah nami hmat vai.

MAKUH 13:14

“Tükyai shemshai cicu kä om nak khin ung om sei nami hmuk khai. (Shin ah a mawng cu ca phat ci naw ngai thei sä.) Cun nami hmuh law ung Judea kho ung om ciah chang gui cu khomhtung ah dawng u sä.

MATTHE 24:15

“Profet Daniel ah pyein ah kyihkyawk tükyai vai kyak cicu a theingcim nak ung ng’düi sei nami hmuk khai. (Ca phat ci naw, shin ah mawng cu ang ngaih thei vai.)

ISAIAH 63:18

Keimi, nang ah thingcim ciah chang gui cu, a shäng hta ung kami ga gui naw na k’täm gui ci gui nei: Nang ah pum lm phi ngami naw kai nak ci gui nei —

ISAIAH 6:11

Kei naw, “Bawipa shin ah mäih cu ai güt lüng khai ang?” cine ka ng’shik ci. Ani naw, “Shin gui cu mang gaw gui di ne a maih güt-im gui a u kä a om ba güt-khaw ung chang kä a om ba güt ah kyak khai.

SAM 79:5

Bawipa, keimi ah khan ah na m’lungshe lä khai ma? Na m’lungshe nak naw mei ah mäih ah na ui gui lä khai ma?

JUDE 1:14

Adam ungka naw ang shon chuk nak Enok naw, cun gui ah a mawng k’cä ne a pyein cu, “Bawipa cu tämkäp phyaa khak ah ak khan chang theing gui awn kyum law ne,

MATTHE 11:27

Bawipa Jesuh naw, “Kapa naw a päng avan na pe pyii ci, Kapa ah kawn ah a hta hmat ci, a u kä om ci. A hta la a hta naw am dang gui ah chang ah kawn ah apa hmat ci a u kä om ci.

ZEKHARIAH 14:5

Nangmi cu khomhtung hnih ah ng’pai ciah m’ghawng ung dawng ne nami phyawng khai. Judah khaw ung ghangpughang Uzziah ah uk sangung shipi a thüng yah ung ami phiawn ah mäih ah nami phyawng khai. Bawipa ka Khanpughi cu law ne khanchang avan law püi gui khai.

ZEKHARIAH 1:19

Kei awn kani ng’thu ciah khanchang cu, “Shin ah seiki gui cu a i gui ang?” cine ka ng’shi ci. Ani naw, “Cän gui cu Juda, Israel, Jerusalem ung chang gui püi pawng sak gui ciah huham ah kyak ci nei” cik ci.

DANIEL 12:11

A hnüüptä khawihnah nak ang düm nak khin cu kyihkyawk shemshai nak ah akhin ung tün ci, cun ung hnüüp 1290 ng’pyi khai.

DANIEL 7:23

Shin cu kei naw ka pek ah m’thein nak ah kyak ci: ak phli nak khiküi cu khomdek khan ung om lawk khai ah ak phli nak ah uknak khaw ah kyak ci, ani cu ahei gui avan awn kä täng tuk ci. Acun naw khomdek khan avan dep ne kai nak khai.

DANIEL 7:16

Cun ung ng’düi ci gui ungka tumat ah hteit ne, cun ah mawng avan ana m’thein vai ah ka thäh ci. Cun ah kyasei ani naw cun ah mawng cu na m’thein ci.

DANIEL 4:23

Nang ghangpughang naw na ngäng yah ung khanchang kya law neta a pyen cu, “Sing ghing cu chu ne m’di vä, cun ung phi ak hmuicum’dek ung om sä. M’sii gui la kyei gui awn ven ne khit ne, loma m’ghaw hmu ah nawng vä. Cun ah chang ah khan ah khüi baw sä, ani cu khisa gui awn atäng ah kum chih ung om sak vä.’

ISAIAH 9:6

Mik mi ah phäh ah a hmawhta ng’tüi pyi ci! A Htapa cu na pe gui pyi ci! Ani cu mikmi ah uk tu ah kyak khai. Ani ah ang ming cu, “Cäicat vai, ng’ge ng’pai tu,” “M’gäi ciah Khanpughi,” “Angtäi ghing ciah Pa,” “Dimdeeih nak ah manghta” ah khü khai gui.

SAM 74:9

Theing ciah kami m’hnih nak gui cu ng’kawn yawp ci, prophet gui phi kä dang ba ci, cun cu a i güt lüng khai ah a u naw phi kä hmat ci,

SUKI GUI 13:18

Khanchang naw, “A i ah kyasei, kei ah ming na hmat hlü ang? Cun cu cäicat vai ah ming ah kyak ci nei” cik ci.

THULÄÄN NAK 33:2

Bawipa cu Sinai m’htung ungka kyum lawk ci. Ani cu Edom khaw ah khan ah khohni ng’shü ah mäih ah lut lawk ci, paran m’htung ungka naw chang gui ah khan ah ng’shü ci. Khanchang phia phia naw a täng ah om püi ci.

JOHAN 1:18

Khanpughi cu a u naw kä hmu man ci, cun ung phi Khanpughi awn täng ne ani ah coi ung om ciah A Htapa naw Khanpughi cu m’dang pyi ci.

LUKA 10:22

Kapa Khanpughi naw a päng avan na pyi ci. A Htapa cu a u ciah hmat cicu Kapa ah kawn ah a u kä om ci. Kapa cu a u ciah hmat ci cun phi A Htapa la A Htapa naw m’dang khai ah a ghü ah chang ah kawn ah a u kä om ci.

SAM 74:10

O Khanpughi, kami ga gui naw a i güt ning gaih m’gin khai gui ang? Ngami naw na ming cu päipih lä khai gui ma?

ISAIAH 28:18

Nangmi naw sih nak awn ng’thukhän nami bi cu m’shet ne, sih nak ah khaw awn nami yum ät nak cu maih sak khai. Leigai a gawk law ung nangmi cu ning näng gui khai.

JEREMIAH 12:10

Akhohei uktu gui akda naw kei ah sapyit lo cu m’di ci gui nei; kei ah ka lolai gui cu ngami naw cawt cap gui nei, ngami naw kei ah ka m’hni ah khaw ng’lei cu khong gau khaw ah lat ci gui nei.

DANIEL 12:8

Ani naw a pyen ciu ka ng’yak ci, cun ung phi kei naw kä ka hmat ci. Cun ah kyasei ka ng’shi cu, “Shin gui avan cu a i cha ah ng’pyi khai ang?”

DANIEL 4:10

“Kei ka ih sangung khomdek ah anglung lai ung sing ghing nu tumat om sei ka mang nak ci.