DANIEL 8:1 - Cho Bible Common Language 2016

¹ Belshazzar Ghangpughang ah a kyak nak a kum thum nak ung kei naw a hnih vai nak ah muimang ka hmuk ci.

DANIEL 8:1 Referans Kwoze

DANIEL 7:1

Belshazzar cu Babilon ghangpughang ah a kyak nak a kum ät nak ung, mü ah kei cu ka mang shek ci, ka mik hmuk ci. Ka mang cu kei naw ca awn ka guk ci.

DANIEL 11:4

Cun ung phi a huham a hlüng pikbäih sangung ani ah uknak khaw cu she ne, phli ah ng’bou khai. Ani ah ng’shon ah kä kyak ciah ghangpughang gui naw ani ah hnün ung uk khai gui. Cun ung phi ngami cu ani ah mäih ah kä huham mah khai gui.

DANIEL 10:7

Muimang hmuk cicu kei ka mät bäng ah kyak ci. Kei awn atäng ah om ciah chang gui naw a i phi kä hmu tuk ci gui, ngami cu kyi ne dawng ne ng’thup ci gui.

DANIEL 10:2

Cun yah ung kei cu hnüüp m’ku lei ät ka thüikyap ci.

DANIEL 9:2

Ani ah uknak a htük bäih ah khokum ung, kei naw caciim theing gui cu phat ne, Bawipa naw prophet Jeremiah am, am thein ah mäih ah, khokum chih kip ung Jerusalem dishum khai cicu kei naw ka ngaih-tüh pyi ci.

DANIEL 8:15

Kei naw muimang ah mawng ka hmat vai ah ka tha nak yah ung, ang ghit ah tumat mat cu ka ma ah law ne ng’düi lawk ci.

DANIEL 7:28

Shin cu ka ng’mang ah mawng ang pyi nak ah kyak ci. Kei cu ang htei ah kyikyawk neta ka ng’haam ci, a cun gui avan cu ka m’lung ung ka tha ci.

DANIEL 7:15

Ka hmuh ah muimang naw na cäicat sak sei kei ang htei ah ka cäi ci.

EZEKIEL 1:1

Akum thumkip nak a cha phli nak ah a hnüüp hma hnüüp ung, kei, taigü Ezekiela, Buzi ah hta cu, Jew chang omtu gui awm atäng ah Babilonia khaw, Chebma Tuinu pei ah ka om ci. Khankhomik ng’hmawng khäta muimang ung khanpughi cu ka hmuk ci.

DANIEL 1:17

Khanpughi naw cun ah chang nong phli am, ng’thu la ca la ngaih thei nak, hmuhmat nak la m’khüt näng nak cu pe gui ci.

DANIEL 8:2

Ka muimang ung kei cu ang ghit ah Elan khopäng Susa mang gaw paang ah kyong ah ka gawk ci. Cun ung kei cu Ulai tuinu pei ung ka düi ci,