DANIEL 7:7 - Cho Bible Common Language 2016

⁷ Kei naw ka teng sang ung ak phli nak ah khiküi dang lawk ci. Ani cu huham mah ne, kyih she ne kyihkyawk vai ah kyak ci. M’sii ah mäih ah a haa nu gui awn a lawh gui cu m’kyem ne, ami khan ah kai na gui ci. Ani cu ahei gui ah mäih ah kä kyak ci, a ki gha lawk ci.

DANIEL 7:7 Referans Kwoze

THU PHLAAN 13:1

Cun kawn ah alu chih aki ghaa lawk ciah khiküi tumat cu tuinu ung kaa lut law sei ka hmuk ci. Aki päng ung lukhu büng ne, alu päng ung Khanpughi ah thang shet sak ciah ming om ci.

THU PHLAAN 12:3

Cun kawn ah khankho mik ung a hei ng’cängbang nak dang law ba mä ci, cun cu shawk asennu tumat ah kyak ci. Ani cu alu chih, aki ghaa law sei, alu päng ung lukhu ng’büng ci.

THU PHLAAN 17:12

“Nang ah na hmuh ah aki ghaa cu, kä uktu phak ci gui ah ghangpughang ghaa ah kyak ci. Ngami cu khiküi awn a täng ah nayi ät hta ung huham gah tuk khai gui ah kyak ci.

THU PHLAAN 17:7

Khankho chang naw, “A i ah kyasei na cäi ang? Cun ah hnumi nu ah thuuk ciah amanwg la ang cun nak ah alu chih law ne aki ghaa lawk ciah khiküi ah manwg cu ka ning m’thein khai nei.

DANIEL 8:10

Cun cu däm law ne gaigawng law ne, khankho gakap gui la aisi gui cu ng’tuk püi ne, amshah cu m’dek ung chah ne kai nak ci.

DANIEL 7:13

Mü ah cun ah muimang ka hmuh sangung, chang ah mäih tumat cu ka hmuk ci. Ani cu khong mei naw koi sei kei täng ah ng’et lawk ci. Cun kawn ah ani cu angtäi ah ghing ciah ma ah hteit ci, a ma ah hteh nak hning gah ci.

DANIEL 7:2

Cun cu mü ka hmuh m’hnüt nak ah kyak ci. Lam avan ung kho khi law ci, tuinu ah khan ung tui hnawk lawk ci.

2 SAMUEL 22:43

Kei naw ka deng gui ci, ngami cu m’vut ah kyak ci gui; Lam ung om ciah ng’nai ah mäih ah kei naw ka kai na gui ci.

THU PHLAAN 17:8

Cun ah khiküi cu, ayan a ghin te ung phi tuhbäi kä ghing ba ci nei. Ani cu m’hteilung khui ungka lut law netah, m’di nak gah lawk khai nei. Khomdek khan kä a tüisho pha ge ung, ghin nak cauk ung ami ming kä guk tu ah khomdek chang gui naw, cun ah khiküi ami hmuh ah a kyak ung cäicat khai gui nei. Ani cu ayan ghing te ci, tuhbäi kä ghing ba ci, cun ung phi ghing ne dang law ba khai.

EZEKIEL 40:2

Cun ah muimang ung kei cu Khanpughi naw Israel khaw ah na hteh püi neta, khomhtung hlüng ah khan ah na chah ci. Kei naw ka ma ung mang gaw ah mäih ah im gui om cicu ka hmuk ci.

DANIEL 2:19

Acun ah mu “Ung cun ah thuuk ciah mang cu Daniela ah muimang ung dang law khäta, ani naw khankho Khanpughi cu m’tamkhah ci:

JOB 41:14

A u naw ani ah m’gawng cu aan sak hlawt khai ang? Am gawng kyong ah ng’tän ne om ciah a ha gui cu kyih aih vai kyak ci nei.

DANIEL 8:22

A htük ah a ki a hnget nak ung lut law ba ciah a ki phli ci cu, cun ah khaw ng’pai neta dang lawk khai ah uknak khaw phli ah kyak ci. Cun gui cu a htük ung uknak khaw ah mäih ah kä gaigawng khai gui.

ZEKHARIAH 2:1

Cun kawn ah kei naw a kut ung nüt nak vai ah gui kawt ciah chang cu ka hmu ba ci.