DANIEL 7:4 - Cho Bible Common Language 2016

⁴ Lut law htük cicu phongkawng ah mäih lawk ci, hmuu ah mäih ah ang phia gui om ci. Kei naw ka teng yah ung ang phya gui cu kiawi ne kya lawk ci gui. Khiküi cu tho law ne chang ah mäih ah ng’düi ci. Cun kawn ah ani naw chang ah m’lung ngaih ah mäih cu gah ci.

DANIEL 7:4 Referans Kwoze

JEREMIAH 4:7

Ang thuh nak ah hmun ung ka lut lawk ciah phong kawng ah mäih ah, pakhui gui m’di khai cu lut lawk ci nei. Judah mang gaw gui cu dishum sei nawng vai nei, acun ung a u phi kä om ba khai nei.

EZEKIEL 17:3

Kei, uktu Bawipa naw a i ka pyen nak gui cu hmat sak gui ä: Hnü ät ung angphia däm ne ng’shawng ne a mu gui kyom ciah zongzung khanu om ci. Ani cu Lebanon khomhtung ah zong neta, cedar-sing ah am dawng cu tüp ne

MATTHE 24:28

“Chang si gui ah om nak ah langta gui ng’bum khai gui nei.

DANIEL 4:36

“Kei ung ng’shüm nak a gawk law ba kawn ah, ka m’tamkhah nak, ka bawimang nak, ka bämang nak, la uknak khaw cu na pe ba ci. Ka bawi gui la ka chang vai gui naw na dou chang ci gui. Ayanä ah ta dämduh pi ciah m’tamkhah nak awn, ka bawimang huham cu na pe ba ci.

EZEKIEL 28:9

Ngami naw nang ning ngawn khai gui ah ami law ung Khanpughi ah na kyak ciah na pyen ba khai ang? Nang cu ning ngawn ciah chang gui awn ami ng’awt law ung, nang cu hnicim ah na kyak khai, khanchang ah kä na kyak khai.

EZEKIEL 28:2

Ani naw pyen ci, “Hnicim chang, kei uktu Bawipa naw ka pyen nak cu Taia uktu am m’thein ä: Nang cu chang ah ng’shei ne, namät cu Khanpughi ah na kyak ciah na pyen ci. Tuinu ah koi ah mang kiang ung Khanpughi ah mäih ah na ngok ciah na pyen ci. Nang naw Khanpughi ah na kyak ciah na pyen ung phi, nang cu hnicim ah na kyak ci, khanchang ah kä na kyak ci.

NG’ÄI KYAH 4:19

Hmu ah mä yaangkhai pi ne khomik ungka naw m’tawn ci gui, ngami naw na gawt gui ci gui. Ngami naw khogui gui ung na mi neh na läk gui ci gui, ngami naw cäicat vai ah khong’kiang ah na la gui ci gui.

JEREMIAH 48:40

Pakhui tumat naw angphia k’phiaat ciah hmu kiung ah mäih ah Moab cu m’tawn lawk khai nei, cine Bawipa naw shaitak ci nei,

JEREMIAH 25:38

Phongkawng naw akhui anawng ah mäih ah Bawipa naw a chang gui cu nawng gui ci nei. Kyi kyawk vai kyak ciah ng’tuk nak la Bawipa ah kyih vai ah amlungshe nak naw khopäng khaw cu khong gau ah kyak sak ci nei.

JEREMIAH 4:13

Teng vä, ga gui cu khongmei ah mäih ah lawk ci gui nei. Ami ng’tuk nak ah yatha gui koiphak ah mäih ah kya ne, ami ng’she gui cu hmu zong ah ta zangkhai tuba ci mikmi cu mi mäih pyi ci! Mi ng’ziin pyi ci nei!

SAM 9:20

O Bawipa, kyihkyawk sak gui ä; Ngami chang düt ah ami kyak cu hmat sak gui ä.

JOB 25:6

A cun ah mäih ah m’kyiit yoop ah mäih ah kya ciah chang cu Khanpughi ah ma ah akholä ah kyak ci nei.

2 SAMUEL 1:23

Saul la Jonathan cu cäi vai ah ng’khawt ni ne; a täng ah ghing ne, a täng ah sik ci goi; Ngani cu ghui langta ah yangkhai pi ne, phongkawng ah gai pi ci goi.

THULÄÄN NAK 28:49

Khomdek ak cawi ah ka nang mi ning hnungtuk püi gui khai ah pakhui cu Bawipa naw law püi khai. Cun ah pakhui ah ng’thu cu nangmi naw kä nami hmat khai. Ngami naw hmu kiung ah m’tawn ah mäih ah ning m’tawn gui khai gui.

THU PHLAAN 13:2

A müi cu pupi kawng ah mäih law ne, a khaw gui cu khawm ah khaw ah mäih lawk ci. Am gawng cu phongkawng ah m’gawng ah mäih lawk ci. Shawk naw a hlüngtai nak, amangkiaang la m’gäi nak ah a huham cu khiküi-am ap ci.

DANIEL 7:5

A hnih nak ah khiküi cu a hnu khaw awn ng’düi ciah khawm ah ma’ih ah kyak ci. Ani naw gangguh phe thum a haa ung m’kiam ci. K’aw tumat naw ani cu pyen nak ci, “Asa cu na ei hning hlawk ah na ei vai nei.”

JEREMIAH 49:19

Jordan lawng yung bungpuk sing hmu, khu m’kim ung ka lut lawk ciah phong kawng ah mäih ah kei cu law neta, Edomit gui ami khaw ungka ang ghit ah dawng khai gui ah ka ci gui khai. Cun kawn ah kei naw ka ghü ah ang vai gui naw pakhui cu uk khai gui. Kei awn m’täng vai a u om khai ang? Kei na ng’küknet püi khai a u om khai ang? A u uktu naw kei na hnungtuk püi hning khai ang?

DANIEL 2:38

Ani naw nang cu m’dek khan avan uktu la khisa gui la kha gui uktu ah ning pyang ci, nang cu ghui lupum ah na kyak ci.

DANIEL 7:12

Ahei khiküi gui cu ami huham ami lak pek gui pyi ah kyak ci, cun ung phi ami m’hnüt nak ah akyong ung ghing tuba cang ci gui.