DANIEL 7:25 - Cho Bible Common Language 2016

²⁵ Ani naw hlüngtai ciah Khanpughi cu hnung tuk püi ne ng’thu pyen ne Khanpughi ah chang gui cu, shedam na gui khai. Ami yum nak täng ung thukhän gui la pawi gui cu ani naw m’thawng pe gui khai. Khanpughi ah chang gui cu khokum thum la avang ung ani ah huham ah ka ung om khai gui.

DANIEL 7:25 Referans Kwoze

THU PHLAAN 12:14

Cun ah hnumi cu khaw k’häu ung a yawn nak thei vai ah vanbuk hmu ah ng’phia hnih cu gah ci. Ani cu acu ah kum thum la avang ung shawk kphyunu ah gaa phiawn nak khai ah m’hteihtang khai gui ah kiak ci.

2 THESSALONIAN 2:4

Acun ah akshekha säih naw “Khanpughi nei” cine chang gui naw ami khawihnah gui phung cu hnu ng’tuk püi gui ne, avan ah khan ah kei ka hlüngtai pi ci nei,’ cine, pyein khai nei. Ani cu Khanpughi ah pum im kyong pui ah hteit ne ngo netah, amät cu Khanpughi ah pyein ne ng’shäu khai nei.

DANIEL 12:7

Khanchang naw khankho mik ah akut goi han shäng neta, angtäi ghing ciah Khanpughi ah ma ah küikyang ciah shaitak nak bik ci. Ani naw a pyen ka ng’yak cu, “Cun cu khokum thum la avang shou khai nei. Khanpughi ah chang gui ami dukdeiu nak ang pyi law ung shin gui avan cu kya yawp khai nei.

THU PHLAAN 12:6

Hnuminu cu bunghmu ah Khanpughi naw a pyan nak peitah hteit ci. A cu ah hnüüp 1, 260 ung ani cu ami m’hteihtang ah kyak ci.

DANIEL 2:21

Ani naw akhin la khokhi aa cu k’pang ci nei; Ani naw ghangpughang cu hmoh ne chah ba ne cik ci nei; Ani naw cüivai nak la hmuhmat nak cu pek ci nei.

THU PHLAAN 18:24

Babilon mang gaw ah dishum nak ah mawng cu purofet gui ah si, Khanpughi ah chang gui ah si, m’dek khan ung ami ngawn gui ah si gui cu cun ah mang gaw ung ali ah hmawk ah kyak ci.

DANIEL 7:20

Cun kawn a lu khan ah om ciah a ki gha la a ki thum plawh ne lut lawk ciah a ki ah mawng cu ka hmat hlük ci. A cun ung a mik gui la am gawng om ci, ani cu chang ah ng’shei ci. Cun cu ahei gui ah ta kyih pi vai ah kyak ci.

ISAIAH 37:23

A u na gheet taap na gaih, m’gin ciah ang na ngaih? Nang naw, kei Theingcim Israel Khanpughi cu kä na na chang m’sui ci nei.

DANIEL 7:8

A ki gui cu kei kheng ne ka teng sang ung ahei ki gui ah ang lung ung a ki a läm tumat lut law sei ka hmuk ci. A cun naw om ge ciah a ki thum cu plawh ci. Cun ah ki ung chang mik gui ah mäih om ci, chang ah ng’shei ciah am gawng phi om ci.

THU PHLAAN 17:6

Cun ah hnumi nu naw Khanpughi ah chang gui ah si la Bawipa Jesuh ung bekhüt u sei, ami ngawn gui ah chang gui ah si cu aw ne, awktat sei ka hmuk ci. Ani hmu netah kei cu ang htei ah cäi ne ka tu ci.

THU PHLAAN 14:12

Khanpughi awn ng’thu k’bääi ne, Bawipa Jesuh ung bekhüt ciah Khanpughi ah chang gui cu, acun ah khin ung m’khüt näng nak vai hlü ci nei.

DANIEL 11:28

Siria ghangpughang naw tuh na a khäm ah khawh avan hteh püi ne a im ah hteit ba khai. Ani naw Khanpughi ah chang gui ah yum nak cu m’di vai ah k’bäi ci. Ani naw amät ah m’hni hni ah bi neta amät ah khaw ah hteit ba ci.

THU PHLAAN 16:6

Ngami naw Khanpughi ah chang gui la purofet gui ah si cu huk sak ci gui nei, cun ah kyasei ami awk vai ah si cu na peit gui ah kyak ci nei. Ngami cu ami bi ah mäih ah gah ba ci gui ah kyak ci nei” cine a pyein cu ka ng’yak ci.

DANIEL 4:25

Nang cu hnicim chang ungka ning täm khai gui, khisa gui awn ata’ng ah nami om khai. Nang cu khokum chih ung seipat ah mäih ah khumghaw na ei khai. Kho häu ung na ip khai, khüi naw ning book shi khai. Cun kawn ah hlüngtai ciah Khanpughi naw hnicim chang ah uknak khaw avan k’pang ne, a ghü ah chang am pe hning ci, cicu nang naw na ng’kyaa khai.

DANIEL 4:32

Nang cu chang hmu ungka ka ning k’täm pyi ci nei. Khisa gui awn atäng ah om ne, khokum chih ung seipat ah mäih ah khu na ei vai nei. Cun kawn ah nang naw na ng’kyaa vai cu, hlüngtai ciah Khanpughi ung hnicim chang ah uknak khaw ah khan ah a huham cu om ci nei, cun cu ani naw a ghü ah chang am pe hning ci nei.”

2 THESSALONIAN 2:3

A i ah kyasei phi chang gui naw hleeihlak ne ami pyein cu kä nami yum-en vai nei. Ak hnubäih ah Khanpughi hnu ng’tuk kütnet püi nak la m’htei ah hteit khai ah akshekha säih kä gawk law pha ah chuih, Bawipa ah hnüüp cu kä gawk lawk khai nei.

2 THESSALONIAN 2:8

Cun kawn ah akshekha säih cu dang lawk khai nei. Cun ung phi Bawipa Jesuh a kyum law ung am gawng ung lut lawk ciah ang ghi m’äm la a pyü vai nak awn cun ah akshekha säih cu, ngawn ne m’di khai nei.

DANIEL 3:26

Nebukhadnezzar naw mei caang ah m’kawt ung law neta khü gui ci, “Shadrak! Meshak! Abedneko! Küikyang ciah Khanpughi ah chang shäm gui! Lut law ba vä!” cik ci. Cun a ci vai am ngami cu ang ghit ah lut law ba ci gui.

DANIEL 4:2

Hlüngtai ciah Khanpughi naw a nam hnuh ah cäicat gui vai la cäi aih gui vai cu ngai vä.

DANIEL 4:17

Shin cu cimgang ne tengkhen ciah khanchang ah m’hnüt bäi ah kyak ci. Cun ah kyasei khaw päng ung chang nü am hmat sak vä, hlüngtai ciah Khanpughi cu hnicim chang ah uknak khaw avan ah khan ah a huham om ci nei. Ani naw ak yawpi ah chang pang phi ghü ne a cun ah huham cu pe hning ci nei.’

DANIEL 7:18

Hlüngtai ciah Khanpughi ah chang gui naw, bawi mang huham cu gah u ne, khonglän ung kut shum khai gui.”

DANIEL 8:14

Ahei khanchang naw am shan nak cu ka ng’yak ci, cun cu kho hnüüp 1150 lüng khai, Cun yah ung kho ngawi la mühun ah khawihnah nak cu a u naw kä douthak ba khai. Cun kawn ah Taigüim cu m’thou ba khai gui.

HOSEA 7:16

Ngami naw kei na ng’hla ta u ne, a huam kä om ciah khanpughi ah hteit ci gui. Ngami cu ng’koi ciah lihtung ah mäih ah kä ngaih gep vai ah kyak ci gui. A i ah kyasei ci ung ami ng’vai gui cu m’ghämce ne ng’htau ci gui. Ngami cu ng’sai ung sik khai gui, Egypt gui naw gaih tu gui khai gui.”

DANIEL 8:9

Cun ah phli ungka tumat ung a ki hta tumat law law ba ci, Cun ah huham cu a htum täng, a khei täng la shaitaak khaw güt ah gawk ci.

DANIEL 8:11

Khankho gakap gui ah manghta phi k’taap ne, ani am a hnüüptä ami douthak phi ng’düm sak ci.

DANIEL 9:27

Cun ah uktu naw chang akda gui awn yumnak ät cu kum chih khän sak khai, kum thum la avang a lüng ung ani naw khawihnah nak la douthak nak cu ng’pyi sak khai. Kyihkyawk shemshai vai kyak cicu Taigüim ah a hlüng nak pikbäih ung tha khai gui. Cun cu acun tha ci am Khanpughi naw a pawng püi pek ang pyi nak a bui awt güt ung om khai.”