DANIEL 7:22 - Cho Bible Common Language 2016

²² Cun kawn ah angtäi ah ghing ciah tumat cu law ne, khanpughi ah chang gui täng ah m’kum ne ng’thumcha vai ah mawng shäu ci. Khanpughi ah chang gui naw bawimang huham ami dou nak vai ah akhin cu gawk lawk ci nei.

DANIEL 7:22 Referans Kwoze

DANIEL 7:18

Hlüngtai ciah Khanpughi ah chang gui naw, bawi mang huham cu gah u ne, khonglän ung kut shum khai gui.”

THU PHLAAN 20:4

Cun kawn ah mangkiaang gui cu ka hmuk ci. Cun ung ngok ci gui cu m’khoichaa nak vai ah huham ami peit gui ah kyak ci. Cun kawn ah Bawipa Jesuh ah m’dang ah düng nak la Khanpughi ah ng’thu ami pyein ah hmawk ah ami ngawn gui ah, ami mümcha gui cu ka hmuk ci. Ngami naw khiküi la ani ah gup cu kä khawihnah ci gui. Ami m’calai la ami kut ung phi khiküi ah m’hnüt nak cu kä la tuk ci gui. Ngami cu ghing ne tho law ba u ne, Bawi Khrit awn atäng ah khokum phiaa ghaa ung ghangpughang ah mäih ah uk tuk ci gui.

THU PHLAAN 5:10

Nang naw ngami cu Khanpughi ah khuut bik khai gui ah ngung nak ah taigü ah na k’hmoh gui ci. Ngami naw m’dek khan ah uknak cu gah khai gui nei,” ciah kyak ci.

THU PHLAAN 3:21

Kei cu näng nak gah ne Kapa ah mang kiaang ung ani awn a täng ah kani ngoh ah mäih ah näng nak gah ciah chang cu ka mang kiaang ung ka pei ah a ngoh nak vai ah a khin cu ka pek khai nei.

2 THESSALONIAN 2:8

Cun kawn ah akshekha säih cu dang lawk khai nei. Cun ung phi Bawipa Jesuh a kyum law ung am gawng ung lut lawk ciah ang ghi m’äm la a pyü vai nak awn cun ah akshekha säih cu, ngawn ne m’di khai nei.

MATTHE 19:28

Bawipa Jesuh naw, “Kei naw akcang ka pyein cu, kho akthai a gawk law hnüüp ung chang ah Htapa cu, bämang nak awn kümbe ciah mang ah kiang ung ngok khai, Cun yah ung kei ah kang düihpüi ah nami kyak ciah nangmi cu, mang ah kiang gha-lei-goi ung ngoh u ne, Israel pakhui gha-lei-goi cu nami uk khai.

THU PHLAAN 1:6

Apa Khanpughi ah khuut bi vai ah a uknak khaw ung Taigü ah na m’düih gui ciah Bawipa Jesuh Khrit cu, hta ng’shon ung bämang ne hlüngtai ne om sä! Amen.

ISAIAH 63:4

Kei ah ka chang gui hun nak gui vai ah akhin cu gawk lawk ci nei, ciah kei naw ka k’bäi ci: cun cu ami ga gui m’kyuk nak gui vai ah akhin ah kyak ci —

DANIEL 7:23

Shin cu kei naw ka pek ah m’thein nak ah kyak ci: ak phli nak khiküi cu khomdek khan ung om lawk khai ah ak phli nak ah uknak khaw ah kyak ci, ani cu ahei gui avan awn kä täng tuk ci. Acun naw khomdek khan avan dep ne kai nak khai.

SAM 149:5

Khanpughi ah chang gui cu ami näng nak ung yeikyai u sä, mü pum yei ne ng’äi m’cu u sä.