DANIEL 7:20 - Cho Bible Common Language 2016

²⁰ Cun kawn a lu khan ah om ciah a ki gha la a ki thum plawh ne lut lawk ciah a ki ah mawng cu ka hmat hlük ci. A cun ung a mik gui la am gawng om ci, ani cu chang ah ng’shei ci. Cun cu ahei gui ah ta kyih pi vai ah kyak ci.

DANIEL 7:20 Referans Kwoze

DANIEL 7:23

Shin cu kei naw ka pek ah m’thein nak ah kyak ci: ak phli nak khiküi cu khomdek khan ung om lawk khai ah ak phli nak ah uknak khaw ah kyak ci, ani cu ahei gui avan awn kä täng tuk ci. Acun naw khomdek khan avan dep ne kai nak khai.

DANIEL 7:8

A ki gui cu kei kheng ne ka teng sang ung ahei ki gui ah ang lung ung a ki a läm tumat lut law sei ka hmuk ci. A cun naw om ge ciah a ki thum cu plawh ci. Cun ah ki ung chang mik gui ah mäih om ci, chang ah ng’shei ciah am gawng phi om ci.

DANIEL 7:11

Kei naw ka teng sangung a ki aläm cu ng’shei ne, chang k’om ne kya lä ci. Kei naw ka hmuh ge ah khiküi ak phli nak cu ngawn ci gui. A pumsa cu mei däi ung yuk shum ne m’di ci gui.

THU PHLAAN 12:3

Cun kawn ah khankho mik ung a hei ng’cängbang nak dang law ba mä ci, cun cu shawk asennu tumat ah kyak ci. Ani cu alu chih, aki ghaa law sei, alu päng ung lukhu ng’büng ci.

DANIEL 7:7

Kei naw ka teng sang ung ak phli nak ah khiküi dang lawk ci. Ani cu huham mah ne, kyih she ne kyihkyawk vai ah kyak ci. M’sii ah mäih ah a haa nu gui awn a lawh gui cu m’kyem ne, ami khan ah kai na gui ci. Ani cu ahei gui ah mäih ah kä kyak ci, a ki gha lawk ci.

DANIEL 7:19

Cun kawn ah kei naw ahei gui ung kä täng tuk ciah ak phli nak ah khiküi ah mawng cu ka hmat hlü pi ci — kyihkyawk vai ah khiküi naw a sa lawh cu m’kyem ne, a kyei m’htin awn k’tüi ne, am sii haa awn htui neta kai nak ci.

DANIEL 7:21

Kei naw ka teng sangung cun ah ki naw Khanpughi ah chang gui cu ng’tuk püi gui ne, näng gui ci.