DANIEL 7:14 - Cho Bible Common Language 2016

¹⁴ Ani cu huham nak, m’tamkhah nak la bawimang nak huham ami pek ah kyak ci. Cun ah kyasei changpakhui gui, pahta gui, pa ng’tän gui avan naw a bi bik ci gui. Ani ah huham cu kä ng’pyi hlawt khai, ani ah uknak khaw cu kä maih hlawt khai.

DANIEL 7:14 Referans Kwoze

THU PHLAAN 11:15

Cun kawn ah akchih nak ah khankho chang naw ak phyungheng cu tum khätah, “Khomdek uknak ah hlüngtai nak cu mi Bawipa la a Messiah naw khäm pyi ci nei, ani naw ngawi yä uk lä khai nei” ci ne khankho ah k’aw naw pyein ci.

DANIEL 7:27

Khomdek khan ung uknak khaw avan ah huham la dämduh nak cu hlüngtai ciah Khanpughi ah chang gui am pe gui khai gui. Ngami ah bawimang huham cu kä ng’pyi hlawt khai, Khomdekkhan ung uktu avan naw ngami ah bii bi u ne, läk gui khai gui.”

JOHAN 3:35

Apa Khanpughi naw A Htapa cu m’hni aih netah, bämang nak avan cu akut ung ap ci.

DANIEL 2:44

Cun ah uktu gui ah a khin ung khankho Khanpughi naw kä ng’pyi hlawt ciah uknak khaw cu m’düih khai. A cun cu a u naw kä näng hlawt khai, ani naw ahei uknak khaw gui cu m’di yawp ne, khonglän ung om khai.

HEBRU 12:28

Mikmi cu kä thüng hlawt ciah uknak kho mi gah pyii ciah kia sei, Khanpughi mi m’hlüngtai khai nei. Mikmi naw kyih aa nak la m’tamkhah nak awn, Khanpughi cu mi khawihnah khai nei.

THU PHLAAN 17:14

Ngami naw Htomehta cu ng’tuk püi khai gui. Cun ung phi Htomehta cu bawi nüng ah Bawi, mang nüng ah Mang (Ghangpughang nüng ah Ghangpughang) ah kyak ciah kya ne, ngami cu näng gui khai. Bawipa ah a ghü gui la bekhüt ne läk ci gui cu ani awn atäng ah näng nak gah khai gui,” cine pyein ci.

MATTHE 28:18

Bawipa Jesuh cu ang düihpüi gui ah pei ah law netah, “Khankho la khomdek ung huham nak avan cu kei naw ka gah pyi ci nei,

MATTHE 11:27

Bawipa Jesuh naw, “Kapa naw a päng avan na pe pyii ci, Kapa ah kawn ah a hta hmat ci, a u kä om ci. A hta la a hta naw am dang gui ah chang ah kawn ah apa hmat ci a u kä om ci.

ISAIAH 9:7

Ani ah mang m’gäi huham cu bä law pi bä law pi ne, Ani ah uknak khaw cu angtäi sei dimdeeih khai. Ani naw David ghangpughang ah ng’shon m’täm ciah kya ne uk khai, ani ah huham cu düng nak la taga nak ung phung ne, Tuhbäi ung tün ne kho ang pyi güt uk khai. M’gäi ciah Bawipa naw shin gui avan bik khai ah k’bäi ci.

THU PHLAAN 3:21

Kei cu näng nak gah ne Kapa ah mang kiaang ung ani awn a täng ah kani ngoh ah mäih ah näng nak gah ciah chang cu ka mang kiaang ung ka pei ah a ngoh nak vai ah a khin cu ka pek khai nei.

LUKA 1:33

Ani cu Jakob ah hta ng’shon ung ngawi yä ghangpughang ah kiak khai, a uknak cu kä düt hlawt khai” cine pyein ci.

MIKHAH 4:7

Ngami cu ng’khem u ne im awn ng’shawng ci gui, cun ung phi ami k’pawih nak gui cu kei naw akthai ah ka tün ba sak gui khai. Ngami cu pakhui küi ah kya ba khai gui, Kei naw ngami cu Zion m’htung ungka naw khonglän ung ka uk gui khai.”

OBADIAH 1:21

Jerusalem ung chang m’gäi gui naw, Edom cu tu ne näng ne uk khai gui. Bawipa amät cu Ghangpughang ah kyak khai.”

DANIEL 3:4

shätu chang tumat naw ak aw m’can ne,

DANIEL 2:35

Ang ghit ah m’sii ni, m’deknai ni, kyei ni, ngui ni, ghui ni gui cu, khui ne ng’pyäih ne, cha-khaw ah htang leh nak ung m’vut khui ah mäih ah kyak ci gui nei. Khokhi naw cun gui avan cu yon yawp sei, api phi kä pawih ba ci. Cun ung phi lung nu cu däm law ne, khomhtung nu ah kya law ne khomdek khan avan cu küm ci.

ISAIAH 60:12

Cun ung phi, nangmi ah bi kä bik ciah chang pakhui gui cu, ng’pyi khai gui ah m’di gui khai nei.

SAM 146:10

Bawipa cu kho ng’län ung ghangpughang ah kyak ci nei. O Zion, Na Khanpughi naw kho ng’län ung uk khai nei. Bawipa cu m’tam nei!

SAM 145:13

Na uknak cu ng’täi ci, kho ng’län ung ghangpughang ah na kyak ci. Bawipa cu a shaitak ung bekhüt ci; a hnünthawh nak phung ung chimgein nak om ci.

SAM 45:6

Khanpughi ah ning pek ah uk nak kho cu a ngawi ah phi kä ng’pyi hlawt khai nei. Nang naw na chang gui cu taga nak awn na uk gui ci

SAM 8:6

Nang naw na pyantham avan uk khai ah ani cu na m’düih ci; na tüisho avan ah khan ah na om sak ci:

JOHAN 12:34

Chang gui naw, “Keimi ah thukhän ung, Messiah cu angtäi ah ghing khai, ciah om ci; chang A Htapa cu m’dek ungka han k’phäi nak gah khai, na cicu a i ang? chang ah Htapa cu a u ang?” cine ng’shik ci gui.

LUKA 10:22

Kapa Khanpughi naw a päng avan na pyi ci. A Htapa cu a u ciah hmat cicu Kapa ah kawn ah a u kä om ci. Kapa cu a u ciah hmat ci cun phi A Htapa la A Htapa naw m’dang khai ah a ghü ah chang ah kawn ah a u kä om ci.

DANIEL 7:18

Hlüngtai ciah Khanpughi ah chang gui naw, bawi mang huham cu gah u ne, khonglän ung kut shum khai gui.”

DANIEL 6:26

Ka uknak ah khaw avan ung thukhän ka bik ci nei, Daniela ah Khanpughi cu chang nü naw a kyih vai nei, a chang m’sui vai nei. “Ani cu ghing ciah Khanpughi, Ani naw khonglän ung uk khai nei. Ani ah uknak khaw cu a i naw kä m’di hlawt khai nei, ani ah huham cu kä ng’pyi hlawt khai nei.

DANIEL 4:3

“Khanpughi naw a na m’dang ah cäicat gui vai cu dämduh aih ci nei! Ani naw am dang ah ca’i aih vai gui cu huham mah ci nei! Khanpughi cu ghangpughang ah kya ci, ani naw khonglän ung uk khai nei!

SAM 102:22

Cun cu pakhui gui la uknak kho gui atäng ah ng’bum ne Bawipa ami khawihnah nak ah khin ah kyak khai.

SAM 72:17

Ghangpughang ah ming cu a u naw kä m’hnih en sä; Hni a ghin ah chuih aming thang sä. Khanpughi naw ghangpughang hriham a pek mäih ah changpakhui van naw hriham cu ng’zoi u sä.

SAM 72:11

Ghangpughang avan ama ah kawp khai gui; changpakhui avan naw a khut bik khai.

1 PETER 3:22

Ani cu Khan mawpi ah hteit ba ne, Khanpughi ah k’patlam ah om ne, khanchang gui la khankho ah huham la hlüngtai nak gui cu avan uk ne om ci.

THU PHLAAN 1:6

Apa Khanpughi ah khuut bi vai ah a uknak khaw ung Taigü ah na m’düih gui ciah Bawipa Jesuh Khrit cu, hta ng’shon ung bämang ne hlüngtai ne om sä! Amen.

ISAIAH 16:5

Cun kawn ah David ah hta ng’shon ungka tumat cu ghangpughang ah kya lawk khai, ani naw chang gui cu bekhüt nak la m’hni nak awn uk gui khai. Ani naw hman cicu ang ghit ah bik khai nei, ani naw taga ciah bi cu teng khai nei.)

DANIEL 2:37

Ka ghangpughang, nang cu ghangpughang gui avan ung na dämduh pikbäih ci nei. Khanpughi naw nang cu Uktubawi ah nin pyang ci, huham, m’gäi nak la m’tamkhah nak ning pek ci.

SAM 103:19

Bawipa naw a mang kiang cu khankho ah k’süm ci; Ani cu avan ah khan ah ghangpughang ah kyak ci.

ISAIAH 9:6

Mik mi ah phäh ah a hmawhta ng’tüi pyi ci! A Htapa cu na pe gui pyi ci! Ani cu mikmi ah uk tu ah kyak khai. Ani ah ang ming cu, “Cäicat vai, ng’ge ng’pai tu,” “M’gäi ciah Khanpughi,” “Angtäi ghing ciah Pa,” “Dimdeeih nak ah manghta” ah khü khai gui.