DANIEL 7:13 - Cho Bible Common Language 2016

¹³ Mü ah cun ah muimang ka hmuh sangung, chang ah mäih tumat cu ka hmuk ci. Ani cu khong mei naw koi sei kei täng ah ng’et lawk ci. Cun kawn ah ani cu angtäi ah ghing ciah ma ah hteit ci, a ma ah hteh nak hning gah ci.

DANIEL 7:13 Referans Kwoze

MATTHE 26:64

Bawipa Jesuh naw, “Nang naw na pyein cu hman ci nei, kei naw akcang ka pyein cu, ngawi ah chang ah Htapa cu hlüngtai pibäih ciah Bawimang ah k’pat lam ah a ngoh la khomei bawk cun ne a kyum law ba cu nami hmu lawk khai nei,” cine pyein ci.

THU PHLAAN 1:7

Teng tu vä, Bawipa cu khawmei ung cun ne kyum lawk ci nei, chang nüng nüng naw hmuk khai gui nei, amät k’htei awn shun te ci gui naw phi hmu tuk khai gui nei. Khomdek ah khan ung chang ah hta avan cu haala yawp khai gui nei. Cun cu akcang ah kya sä!

LUKA 21:27

Cun kawn ah küikyang ciah hlüngtai nak la bämang nak awn be ne, ng’mei bawk ung ng’cum ne lawk ciah chang ah Htapa cu nami hmuk khai.

THU PHLAAN 14:14

Cun kawn ah han teng ba netah, khongmei bawk tumat cu ka hmuk ci. Cun ah ng’mei bawk ung chang ah mäih lawk ci, tumat ngok ci. Ani cu alu ung lukhu ng’büng ne, a kut ung ghaat ciah sangsawn kawt ci.

MATTHE 24:30

Cun yah ung chang ah Htapa a kyum law nak vai ah a mawng cu khankho ung dang lawk khai nei. Chang ah Htapa cu khankho ah meibawk ung cum ne, chünla ciah hlüngtai nak la küikyang ciah bämang nak awn a kyum law cu khomdek chang gui naw ami hmuh ung kyap ne m’lau khai gui nei.

MAKUH 13:26

Cun kawn ah khomei gui ah ng’lung ah hlüngtai nak la bämang nak awn kyum lawk ciah chang ah Htapa cu nami hmuk khai.

MATTHE 25:31

“Chang ah Htapa cu khankho chang gui naw kiung u sei ghangpughang ah kya ne a kyum law ba ung näng nak mangkiang ung ngok khai.

JOHAN 3:13

Khankho ah kaa kyum lawk ciah Chang ah Htapa ah kawn ah a u phi khankho ah kä gawk man ci nei.”

THU PHLAAN 1:13

cun ah mei-im gui ah ng’lung ah hnicim chang ah mäih tumat cu ka hmuk ci. Ani cu akhawphaa yuk pha khai ah suinu sui ne, ghui m’ciu vawp ci.

MATTHE 13:41

Chang ah Htapa naw ak khankho chang gui tüi law ne, chang gui shetkat lam hma sak ci gui la shetkat nak bik ciah chang gui cu, a uknak kho ung kaa, ghü gui ne la gui netah,

THU PHLAAN 1:18

Kei cu ghing ne om ciah ka kyak ci, kei cu ka si te ci, cun ung phi tuhbäi hta ng’shon ung ghing ne ka om ci. Sih nak la sihnak ah khaw ah khan ah kei ah huham cu om ci.

LAMKTU 7:56

Cun kawn ah Stephen naw, “Teng tu vä, khankho m’kawt ng’hmawng khätah, Khanpughi ah k’pat lam ung Chang ah Htapa ng’düi sei ka hmuk ci nei” cine pyein ci.

HEBRU 9:24

Bawi Khrit cu Hmun Theing akcang ah müi ah chang ah pyan ah Hmun Theing ung kä lut ci. Ani cu Khankho akcang ung lut ne, tuhbäi mikmi ah hmawk ah Khanpughi ah ma ah gawk ci nei.

DANIEL 7:22

Cun kawn ah angtäi ah ghing ciah tumat cu law ne, khanpughi ah chang gui täng ah m’kum ne ng’thumcha vai ah mawng shäu ci. Khanpughi ah chang gui naw bawimang huham ami dou nak vai ah akhin cu gawk lawk ci nei.

LUKA 21:36

Tholet ne nami om vai, gawk lawk khai ah kho ah shet nak cu m’khüt ne, chang ah Htapa ah ma ah ng’düi ne m’khoichaa nak nami awt hning vai ah angtäi sei taigü ne nami om vai nei” ci ne m’cäi gui ci.

HEBRU 2:14

Cun ah a pyein ah hta gui cu si la sa awn om ci gui ah kyasei, Bawipa Jesuh cu si la sa om ciah hnicim chang ah yu kyum lawk ci. Cun ah a bi cu, khoshe ah hlüngtai nak ah kyak ciah sih nak cu, a sih nak awn am di ah kyak ci.

1 TIMOTHI 6:16

Khanpughi bäng naw sih nak phiawn nak ci; Ani cu chang naw kä ak et hlawt vai ah pyü ne ng’shü ci ung om ci. Ani cu a u naw kä hmu man ci; Ani cu a u naw kä hmu hlawt ci: Bawipa ung m’tamkhah nak la angtäi sei hlüngtai nak cu om sä! Amen.

DANIEL 7:9

Kei naw ka teng sangung mang im kyong ah mang kiang gui ka hmuk ci. Mang kiang tumat ung angtäi ghing ci tumat ngok ci. Ani ah suisak gui cu khüi ah mäih ah bawk ne, alu sam cu htome ah mu ah mäih ah kyak ci. Mei ah däi ciah ping gui ah khan ah mang kiang cu mei ah cang ci.

EZEKIEL 1:26

Shang im ah khan ah senlung awn pyan ah mang kiang ah mäih lawk ci om ci, cun ah mangkiang ah khan ah chang ah mäih lawk ci tumat ngok ci.

SAM 47:5

Khanpughi cu a mang kiang ung hang kai ci, Bawipa a hteh sangung, yei nak m’lau k’aw la phyung heng tum k’aw cu ng’shan ci.

JOHAN 12:34

Chang gui naw, “Keimi ah thukhän ung, Messiah cu angtäi ah ghing khai, ciah om ci; chang A Htapa cu m’dek ungka han k’phäi nak gah khai, na cicu a i ang? chang ah Htapa cu a u ang?” cine ng’shik ci gui.

JOHAN 5:27

Ahtapa cu chang ah Htapa ah kyasei m’khoichaa nak nüng vai phi ap pyi ci nei.

JEREMIAH 49:19

Jordan lawng yung bungpuk sing hmu, khu m’kim ung ka lut lawk ciah phong kawng ah mäih ah kei cu law neta, Edomit gui ami khaw ungka ang ghit ah dawng khai gui ah ka ci gui khai. Cun kawn ah kei naw ka ghü ah ang vai gui naw pakhui cu uk khai gui. Kei awn m’täng vai a u om khai ang? Kei na ng’küknet püi khai a u om khai ang? A u uktu naw kei na hnungtuk püi hning khai ang?

MATTHE 8:20

Bawipa Jesuh naw, “Sa-ui cu a khui om ne, kha cu ang bu om ci, cun ung phi chang ah Htapa cu ang düm nak vai a i kä om ci,” ci ne pyen nak ci.

MATTHE 28:18

Bawipa Jesuh cu ang düihpüi gui ah pei ah law netah, “Khankho la khomdek ung huham nak avan cu kei naw ka gah pyi ci nei,

LUKA 24:27

Cun kawn ah Bawipa Jesuh naw, Messiah ung tün ne profet gui naw, ngami ah mawng ami guk ah cacim gui cu tän ne pyein ne m’thein goi ci.

1 THESSALONIAN 4:17

Cun ah akhin ung ghing ne ana om ciah mikmi cu tho ba ci gui awn atäng ah Bawipa hmuh vai ah khomei bawk awn m’hleim ne khankho mik ung na kai püi gui khai. Cun ung mikmi cu angtäi sei Bawipa awn mi om khai.

SAM 110:2

Bawipa naw Zion mang gaw ungka naw na uknak huham cu shawng sak khai. “Na ga gui cu uk gui ä” cik khai.

DANIEL 7:2

Cun cu mü ka hmuh m’hnüt nak ah kyak ci. Lam avan ung kho khi law ci, tuinu ah khan ung tui hnawk lawk ci.

DANIEL 7:12

Ahei khiküi gui cu ami huham ami lak pek gui pyi ah kyak ci, cun ung phi ami m’hnüt nak ah akyong ung ghing tuba cang ci gui.

DANIEL 8:15

Kei naw muimang ah mawng ka hmat vai ah ka tha nak yah ung, ang ghit ah tumat mat cu ka ma ah law ne ng’düi lawk ci.

SAM 2:8

Na na ng’noih vai, changpakhui avan nang am ka ning pek khai; Khomdek avan cu nang ah ka vai nei.

DANIEL 2:44

Cun ah uktu gui ah a khin ung khankho Khanpughi naw kä ng’pyi hlawt ciah uknak khaw cu m’düih khai. A cun cu a u naw kä näng hlawt khai, ani naw ahei uknak khaw gui cu m’di yawp ne, khonglän ung om khai.