DANIEL 7:11 - Cho Bible Common Language 2016

¹¹ Kei naw ka teng sangung a ki aläm cu ng’shei ne, chang k’om ne kya lä ci. Kei naw ka hmuh ge ah khiküi ak phli nak cu ngawn ci gui. A pumsa cu mei däi ung yuk shum ne m’di ci gui.

DANIEL 7:11 Referans Kwoze

THU PHLAAN 19:20

Khiküi la ani ah maa ung cäi aih vai m’dang ciah purofet cu pha ne chum ci gui. (Cun ah purofet she cu khiküi ah m’hnüt nak gah ci gui la ani khawihnah ci gui-am cäi aih vai m’dang gui ne, cheishoh sak gui ciah kyak ci.) Khiküi la purofet she ani nik hnih cu, yam mei ah däi ciah meidäi ung yuk shum goi ci gui.

THU PHLAAN 20:10

Chang gui cheishoh sak gui ciah khoshe cun phi yam meidäi ung yuk shum ci gui. Acun ah mei ung khiküi la purofet she phi ami yuk shum pyi ah kyak ci. Ngami cu amü ak hnüüp hta ng’shon ung dukdeiu nak gah khai gui.

2 THESSALONIAN 2:8

Cun kawn ah akshekha säih cu dang lawk khai nei. Cun ung phi Bawipa Jesuh a kyum law ung am gawng ung lut lawk ciah ang ghi m’äm la a pyü vai nak awn cun ah akshekha säih cu, ngawn ne m’di khai nei.

DANIEL 7:8

A ki gui cu kei kheng ne ka teng sang ung ahei ki gui ah ang lung ung a ki a läm tumat lut law sei ka hmuk ci. A cun naw om ge ciah a ki thum cu plawh ci. Cun ah ki ung chang mik gui ah mäih om ci, chang ah ng’shei ciah am gawng phi om ci.

THU PHLAAN 18:8

Acun gui ah phäh ah leigaai gui, gawpai nak gui, thüisei nak gui, cawigha nak gui cu ani ah khan ah hnüüp ät ge awn gawk lawk khai nei. A i ah kyasei ci ung, ani m’khoichak ciah Bawipa Khanpughi cu, m’hlüngtai pi bäih ah hmawk ah kyak ci,” ci ne pyein ci.

DANIEL 8:25

A i ah kyasei ci ung ani cu thei leh ciah kya ne hleei hlak nak täng ung ani cu näng nak gah ci. Ani cu amät m’ghämce ne a u kä m’cäicat ah chang akda m’di khai. Ani naw ghangpughang avan ung dämduh pi ci phi küknet püi khai, Cun ung phi ani cu chang ah huham awn kä kyak ci awn m’di nak gah khai.

THU PHLAAN 20:12

Cun kawn ah sik ci gui cu ak yaw akdäm ah a ciah mangkiaang ah maa ah ng’düi lawk ci gui. Cun ung cachaw gui phi ng’phian lawk ci gui, cun kawn ah ghin nak ah ca-uk ah kyak ciah a hei cachaw phi ng’phian lawk ci. Sik ciah chang gui cu, cun ah ca-uk gui ung gu ne ami m’hnüt gui ah ami mät ah om ih ah ciah m’khoichaa nak gah ci gui.

THU PHLAAN 20:4

Cun kawn ah mangkiaang gui cu ka hmuk ci. Cun ung ngok ci gui cu m’khoichaa nak vai ah huham ami peit gui ah kyak ci. Cun kawn ah Bawipa Jesuh ah m’dang ah düng nak la Khanpughi ah ng’thu ami pyein ah hmawk ah ami ngawn gui ah, ami mümcha gui cu ka hmuk ci. Ngami naw khiküi la ani ah gup cu kä khawihnah ci gui. Ami m’calai la ami kut ung phi khiküi ah m’hnüt nak cu kä la tuk ci gui. Ngami cu ghing ne tho law ba u ne, Bawi Khrit awn atäng ah khokum phiaa ghaa ung ghangpughang ah mäih ah uk tuk ci gui.

JUDE 1:16

Cun ah chang gui cu angtäi sei nawmpang u ne, katnak phi chang am m’suh m’noh ci gui; ngami naw ami mät ah ng’yak hlü ah ak shekha cu läk ci gui; ami mät ah mawng pyein ne khäghah u ne, ami mät hmawk ah chang phi m’hlüngtai ci gui.

2 PETER 2:18

Ngahmi naw shetkat nak ungka phyawng law thai ciah chang gui cu, khähghah ne thuvi nak ah ng’thu la pumsa ah ng’yak hlü hlimtui nak gui awn k’däk ne lam hma sak gui ci gui.

DANIEL 11:45

Ani naw tuinu la Taigüim ah om nak ah khomhtung ah ng’lak ung mang im gui co khai. Cun ung phi ani cu m’htei tuk khai a u kä om sei, a cun ung sik khai.

DANIEL 7:12

Ahei khiküi gui cu ami huham ami lak pek gui pyi ah kyak ci, cun ung phi ami m’hnüt nak ah akyong ung ghing tuba cang ci gui.