DANIEL 7:10 - Cho Bible Common Language 2016

¹⁰ Acun ungka mei cu tuii ah long lawk ci. Acun ung chang phia khak naw a bii bik ci gui, chang tämkäp phya khak cu a ma ah ng’düi ci gui. Ng’thu m’cha nak bi lawk khai gui ah kya sei, ca uk gui cu m’auh ne tha ci gui.

DANIEL 7:10 Referans Kwoze

ISAIAH 30:27

Bawipa ah huham la bämang nak cu asang ah ka naw phi hmuh hning vai nei. Mei kdäi la meikhu naw ani ah m’lungshe nak cu m’dang ci nei. Ani ang thu ung, aniah thulung naw mei ah mäih ah ui ci nei.

THULÄÄN NAK 33:2

Bawipa cu Sinai m’htung ungka kyum lawk ci. Ani cu Edom khaw ah khan ah khohni ng’shü ah mäih ah lut lawk ci, paran m’htung ungka naw chang gui ah khan ah ng’shü ci. Khanchang phia phia naw a täng ah om püi ci.

THU PHLAAN 5:11

Cun kawn ah han teng ba netah tämkäp phiakhak da ciah khankho chang gui cu ka hmuk ci. Ngami cu mang kiaang koi ne, khiküi paphli la aghaampa gui’ koi ne, ng’düi u netah,

SAM 50:3

Mi Khanpughi kyum lawk ci, kä chawkchek ne kä om ci, a ma ung mei m’lei tawt ne, pui kho khi nu naw kiung ci.

SAM 68:17

Tämkäp ah däm ciah m’gäi ng’se gui awn Bawipa cu Sinai ah ka theing ciim ciah hmun ah lawk ci nei.

JUDE 1:14

Adam ungka naw ang shon chuk nak Enok naw, cun gui ah a mawng k’cä ne a pyein cu, “Bawipa cu tämkäp phyaa khak ah ak khan chang theing gui awn kyum law ne,

MATTHE 25:31

“Chang ah Htapa cu khankho chang gui naw kiung u sei ghangpughang ah kya ne a kyum law ba ung näng nak mangkiang ung ngok khai.

ISAIAH 30:33

Cau nu ge ung Assirian mang bawi meinu naw a uih nak vai ah hmun cu pyan pyi ah kyak ci. Cun cu thuuk ne, ng’shawng ci, awn ung sing akdäm ah pum ah kyak ci. Bawipa naw akdang ung meimlei m’hluh law ne, acun cu m’khih khai.

1 GHANGPUGHANG GUI 22:19

Makaiah naw hteit neta, “Tuhbäi Bawipa naw a i a pyen cu ngai ä! Bawipa cu khankho amang kiang ung ngo sei, a khanchang gui ami van a pei ah ng’düi u sei ka hmuk ci.

DANIEL 7:22

Cun kawn ah angtäi ah ghing ciah tumat cu law ne, khanpughi ah chang gui täng ah m’kum ne ng’thumcha vai ah mawng shäu ci. Khanpughi ah chang gui naw bawimang huham ami dou nak vai ah akhin cu gawk lawk ci nei.

HEBRU 12:22

Cun nak vaisü ung nangmi cu Zion m’htung la angtäi ghing ciah Khanpughi ah mang gaw, Khankho Jerusalem, kä khei tai vai ah khanchang gui ah om nak ah nami gawk ci nei.

ZEKHARIAH 14:5

Nangmi cu khomhtung hnih ah ng’pai ciah m’ghawng ung dawng ne nami phyawng khai. Judah khaw ung ghangpughang Uzziah ah uk sangung shipi a thüng yah ung ami phiawn ah mäih ah nami phyawng khai. Bawipa ka Khanpughi cu law ne khanchang avan law püi gui khai.

DANIEL 7:26

Cun kawn ah khankho ng’thumcha nak ung ngo u neta, ani ah huham cu lak pe ne, maih khai ah m’di khai gui.

HEBRU 1:14

Cun ung khanchang gui cu, a i gui ang? Ngami cu hun nak gah ciah chang gui m’hteihtang gui khai ah Khanpughi naw a tüih gui ah, Khanpughi ah khuut bik ciah mümcha gui ah kyak ci.

THU PHLAAN 11:18

Na m’lungshe nak ah a khin cu gawk law ne, Si pyi ci gui m’khoichaa nak ah akhin cun phi gawk law sei, m’dek chang gui cu m’lungshe ci gui nei. Bawipa ah akchangshäm gui, purofet gui, nak chang gui la ning kyih aa ci gui naw, a yaw a däm ah ciah, m’cümhnah nak ami gah nak vai ah khin gawk lawk ci nei. Khomdek shekat sak ciah chang gui, m’shet m’kat nak gui vai ah, a khin gawk lawk ci nei” ci ne Khanpughi ah maa ah ng’thu pyein ci gui.

2 SHONTÄP NAK 18:18

Mikaiah naw a pyen ba mä cu, “Tuhbäi Bawipa naw a i a pyen cu ngai vä! Bawipa cu khankhaw ah a mangkiang ung ngo sei, a pei ung a khanchang gui ami van ng’düi ci gui.

SAM 18:8

A hna ung mei khu thawk ne, a shai ung mei m’lei tawt ne, mei cak ng’ling ci.

DANIEL 12:1

Linen sui sui ciah Khanpughi naw pyen ci, “Cun ah akhin ung na chang gui ngäng ciah dämduh ciah khanchang Michaela cu dang lawk khai. Cun kawn ung changpakhui gui ami om kawn ah kä kya man ciah khüikha nak pikbäih ah akhin cu gawk lawk khai. Cun ah akhin a gawk law ung Khanpughi ah ca-uk ung aming ami guk ah na pakhui ungka chang avan cu hun nak gah khai gui.

JOB 25:3

Abii bik ciah khanchang gui cu a u naw khei hlawt khai ang? Khanpughi ah akdei ah kä khang nak ah hmun a hawi om khai ang?

SAM 103:21

Nangmi khankho huham gui, nami van naw, Ak changshäm ah nami kyak ci, Ang yak hlü nami bik ci naw, Bawipa cu m’taam vä!