DANIEL 6:8 - Cho Bible Common Language 2016

⁸ Cun ah kyasei shin ah thukhän cu, gu ne m’hnüt ne shäu vai nei. Cun cu läk bä bä vai, m’thawng ne kä gah vai ah Medes la Persian gui ah thukhän ah kyak khai nei” cik ci gui.

DANIEL 6:8 Referans Kwoze

DANIEL 6:15

Cun kawn ah chang tumat cu ghangpughang ah law ba neta, am thein cu, “Nang ghangpughang naw na hmat ci, Medes gui la Persian gui ah thukhän ung thukbäi pyi cu kä m’thawng ba man nei.”

ESTA 1:19

Nang naw na yum ah a kyak ung ghangpughang ah ma ah Vashti cu kä ng’dang tuba phung khai ciah ng’thu ng’shäu sak gui ä. Cun cu Persia la Media khaw ah thukhän ung guk vai ah k’bäi gui ä. Cun ung cun cu kä ng’thawng ba hlawt khai nei. Cun kawn ah ani ah hnün ung bä pi ciah hnumi cu ghangpughangnu ah tha ba ä.

DANIEL 6:12

Daniela cu m’kyuk vai ah ami van ghangpughang ah hteit ci gui. Ngami naw, “Ghangpughang aw, nang naw thukbäi na guk ci, hnüüp thum kip ah kyong ung a u chang phi, nang ah kawn ah, a i khanpughi, a i chang ah phi taigü ci phung cu, phongkawng awn be ciah khui ung yuk shum vai.” Ghangpughang naw, “Hman ci nei, thukbäi cu aküi ah kyak ci, kä ng’thawng hlawt ciah Medes la Persian gui ah thukhän ah kyak ci nei” cik ci.

ISAIAH 10:1

Nami khaw mü ci nei! Nangmi naw kä taga ciah thukhän nami pyang ci, a cun naw ka chang gui shedam nak ci.

ESTA 8:10

Mordekai naw ca cu ghangpughang Ahsuerus ah ming awn gu ne mang ah m’hnüt nak awn m’hnüt ci. Cun ah ca gui cu mang ah ng’se im ungka gai pi ciah ng’se gui awn ca tei ci gui am tei sak gui ci gui.

ESTA 3:12

Cun ah kyasei akhtük bäih ah, a hnüüp gha lei thum nak ung Haman naw ghangpughang ah yungbawi gui cu khü gui neta, pyen ne m’thein gui ne, uknak khaw ung om ciah ng’thu päng awn k’phlan ne gu ne, Uktu gui, uktu bawi gui, bawi gui avan am pek vai ah pyang ci. Cun cu ghangpughang Ahsuerus ah ming awn gu ne, kutcüp awn m’hnüt ci gui.

ESTA 8:8

Cun ung phi ghangpughang ah ming awn gu ne, mang ah m’hnüt nak awn m’hnüt ne ng’shäu pyi cu kä phleng ba hning nei. Cuntu pang ung phi nangmi naw nami ng’yak hlü ah ca gu ne, Jew gui am pe gui vä, cun cu kei ah ming awn nami gu hning ci, mang ah m’hnüt nak awn nami m’hnüt hning ci nei” cik ci.

ESTA 8:3

Cun kawn ah Esther naw ghangpughang ah ma ah thu pyen ba ci, ani naw a khaw ung kawp ne kyap neta, Akak ah htangshon Jew chang gui hnungtuk püi ciah Haman ah abi akshekha gui cu a phyeet ba vai ah ng’paa nak ci.

MATTHE 24:35

Khankho la khomdek a maih ung phi kei ah thu cu kä maih khai nei.

DANIEL 5:28

M’Khoicha, nang ah uknak khaw cu k’paai ne Medes la Persian gui am pek gui pyi nei” ciah kyak ci.

SAM 94:21

Ngami naw changni cu huut ne hnu na u ne, akat nak kä om cicu m’sih ci gui nei.