DANIEL 6:7 - Cho Bible Common Language 2016

⁷ Nang ah khaw ung kami tängpang ciah keimi kami van tängpang ng’vai gui, uktu ng’vai gui, uktu hmawba gui la ahei bawi gui naw kami yum cu — nang ghangpughang naw thumkhän k’bäi ne ang ceet ah na läk sak gui vai. Hnüüp thum kip ah kyong ung a u chang naw phi, nang ghangpughang ah kawn ung, a i khanpughi ah phi, a i chang ah phi kä a taigü en vai ah ng’thu na k’bäi vai nei. Cun ah thumkhän m’shet ciah chang cu phongkawng awn be ciah khui ung yuk shum vai nei.

DANIEL 6:7 Referans Kwoze

SAM 59:3

Teng vä! Ngami naw na ngawn vai ne, na ngäng ci gui nei; chang gat gui cu ng’bum ne na hnu ng’tuk püi ci gui nei. Cun cu kei naw hma katnak ka bi ah hmawk ah kä kyak ci nei,

DANIEL 3:27

Mang hta gui, uktu ng’vai gui, uktu hmaw ba gui, la ghangpughang ah ahei bawi gui ami van law u ne, cun ah chang thum cu teng gui ci gui. Ngami cu mei naw a pi ah phi kä ui gui ci. Ami lumu phi kä khiit ci, ami suisak phi kä ui ci, meikhu ah phi kä thuk ci gui.

DANIEL 3:6

Cun ah kä m’khuuk dong ne kä khawihnah tui ciah chang cu ng’ai ne caang ciah meicaang ung ang ghit ah yuk shum vai nei ciah kyak ci.”

DANIEL 3:2

Ghangpughang naw a bawi gui avan ami law vai ah k’bäi gui ci — mang hta gui, uktu ng’vai gui, uktu hmaw ba gui, bawimang gui, ngui kawt ci gui, suki gui, palik ng’vai gui la cun ah khopäng ung bawi gui ami van ah kyak ci. Ngami cu ghangpughang Nebukhadnezzar naw ang lin ah agup ap nak ung ami kai tu vai ah kyak ci.

SAM 62:4

Nang bäng naw ani cu m’tamkhah nak ah hmun ungka chah vai ah na ng’ya hlük ci. Nang na hleei pyen ne na yeikyai ci. Na shai awn hriham thu na pyen ci, cun ung phi na m’lung kyong ah ani na ng’plah ci.

JOHAN 12:10

Taigüpa gui naw Lasaruh ngawn vai ah pawngpüi ci gui.

MAKUH 15:1

A ngawi ung khongawi htaksiik ah taigüpa gui cu, Jew chang ng’vai gui, thukhän saya gui la, kawngsi yung bawi gui awn ng’hmu ne ng’ge u netah, Bawipa Jesuh cu khit u ne Pilat bawi ah hteh püi ci gui.

MATTHE 26:4

Ngami naw Bawipa Jesuh cu adüm ah pha netah ngawn vai ah ng’ge ci gui.

MATTHE 12:14

Pharisee gui cu pum im ungka hteit ba u netah Bawipa Jesuh cu ngawn vai ah ng’ge ci gui.

SAM 10:9

ani cu phongkawng ah mäih ah ang’thup nak ung om ne ng’däät ci. Ani naw dukhaih cicu ngäng ne m’hleei ci. Dukhaih cicu ani naw, a cun ung pha ne hteh püi ci.

NAHUM 2:12

Phongkawng naw a hta lo ne, Anu la ahta yüt ah phäh ah htui ne phyit ci, Ani naw a chaam cu kawng meh awn be sak ci.

MIKHAH 6:5

Ka chang gui aw, shüm ba vä. Moab ghangpughang Balak naw nangmi ah khan ah a i bi vai ah a pawng, Beor ah hta Ballam naw a i ah am shan, Akacia ah phung la Kilkal ah ng’lak ung, a i ah kyak ci, cicu shüm ba vä. Cun gui nami shüm ba ung kei naw a i cha ah ka ning hun gui cu nami hmat khai nei” cik ci.

DANIEL 3:11

kä m’khuuk dong ne kä khawihnah tuk ciah chang cu, meicaang ai ung yuk shum vai ciah kyak ci.

SAM 94:20

Nang cu kä düng khai ah m’khoichak ci awn kä na ng’pha ci, ngami naw kä cang cu cang ah pyang ci gui.

SAM 2:2

Ami ghangpughang gui ng’tuk so u ne, uk ciah chang gui ng’sük u ne, Bawipa hnu ng’tuk püi ci gui, A ghü ah ghangpughang cu hnung’tuk püi ci gui.

SAM 83:5

M’lung ngaih täng sei ng’ge u ne, ning hnu ng’tuk püi khai ah ng’cut ne pawng ci gui cu:

DANIEL 6:16

Cun ah kyasei ghangpughang ah thukbäi awn Daniela cu pha ne, phongkawng be ciah khui ung yuk shum vai kyak ci. Ani naw Daniela am, “Bekhüt ne na khawihnah ah na Khanpughi naw, ning gung sä” ci nak ci.

SAM 59:5

Tho vä, Bawipa Khanpughi, A hlüngtai, law ne nam htei law ä; Israel Khanpughi, na mät naw hmu ä! Tho law ne kä yum ci gui cu m’kat gui ä, akshe bik ci gui cu kä m’gein-en gui ä!

DANIEL 2:4

Ngami naw Aramaik ng’thu awn m’shang u ne, “Kami ghangpughang aw, ghi ne ghing ä Na mang cu na m’thein gui ä Ka mi ning k’phlan pek khai nei” cik ci gui.

DANIEL 6:22

Khanpughi naw a khanchang cu phongkawng ah m’gawng bawm khai ah yuk chah law sei, kawng gui naw kä na cik ci gui nei. Ani naw cun ah abi cu a i ah kyasei ci ung, ani naw kei cu changniah na hmat ci, a i ah kyasei ci ung ghangpughang aw, nang ah khan ah kei katnak kä om ci nei” cik ci.