DANIEL 6:24 - Cho Bible Common Language 2016

²⁴ Cun kawn ah ghangpughang naw ng’thu k’bäi ne, Daniela m’kyuk ciah chang gui ami van pha sak gui neta, ami chu gui la ami hta gui awn atäng ah phongkawng awn be ciah khui ung yuk shum gui ci gui. Khui ah anglung kä ami yuk pha pha ung kawng gui naw pah gui ne ami guh avan m’kyem gui ci gui.

DANIEL 6:24 Referans Kwoze

ISAIAH 38:13

Amü pum yaica ne ka kyap ci nei, phongkawng naw ka guh na k’cheiuh ciah mäih ah kyak ci nei. Khanpughi naw ka ghin nak cu ng’pyi sak tiah ka ngai ci nei.

ESTA 7:10

Cun ah kyasei Mordekai m’awh nak vai ang lin ah ng’awh tung ung Haman cu m’awh ci gui. Cun ung ghangpughang ah m’lungshe nak cu diim ci.

SAM 54:5

Khanpughi naw ka gaa gui cu ami mät ah katnak awn m’di gui sä. Ani cu bekhüt ci kya ne, ani naw m’di gui khai nei.

ESTA 9:25

Cun ung phi Esther cu ghangpughang ah hteit sei ghangpughang naw ca gu ne ng’thukbäi tei ci. Ak hnu ah ani naw Jew gui ah phäh ah a pawngpüi cu Haman amät naw ma nak ci, ani la a hta gui cu ng’awh k’tung ung m’awh gui ci gui.

2 GHANGPUGHANG GUI 14:6

Cun ung phi ami hta nau gui cu kä ngawn gui ci, cun ung phi Moses ah thukhän ung Bawipa ah thumkhän ah kyak ciah, “Ami hta nau gui ah shetkat ah hmawk ah ami nupa gui cu kä ngawn gui vai, ami nupa gui ah shetkat ah hmawk ah ami htanau gui kä ngawn gui vai; chang tumat cu amät ah shetkat ah hmawk ah ngawn vai” cicu ani naw läk ci.

THULÄÄN NAK 24:16

“Nupa gui cu ami hta gui ah hmakat nak ah phäh ah sih nak kä pek gui vai, htanau gui phi ami nupa gui ah hmakat nak ah phäh ah sih nak kä pek gui vai, chang tumat cu amät ah hmakat nak bäng ah hmawk ah vah ngawn vai.

NG'THU K'THUUK~ 11:8

Düng ciah chang gui cu khüikha nak ung shungvong gui ci. Ani ah hnün ung changshe gui hteit ci gui.

DANIEL 3:22

Ghangpughang naw tuhbäi mei cu caang aih ne ng’ling aih khai ah a bi sak gui ah kyak ci. Mei caang ung chang thum yuk shim gui ciah chang gui cu ami van mei naw ui gui ci.

NG'THU K'THUUK~ 19:9

Yung ah m’kawt ung a hleei pyen cicu m’kyuk nak ka phyawn nak khai, Ani cu ng’yiin khai.

JEREMIAH 34:17

Cun ah ki asei tuhbäi, kei Bawipa naw ka pyen cu, nangmi naw kä nami na ngai ci, nangmi naw nami Israel paw gui ami phiawn nak vai kä nami pek ci. Ak bä ah kei naw phiawn nak ka ning pe gui khai; cun cu phyawng ne ng’tuk nak gawpyam nak, ei cawi nak ung sih nak ah kyak ci nangmi ah khan ah ka bi nak awn khomdek khan ah chong pakhui nei kyikyawk khai ah ka bik khai.