DANIEL 6:20 - Cho Bible Common Language 2016

²⁰ Acu ah gawk neta ani naw ang ä nak awn, “Daniela, ghing ciah Khanpughi ah chang shäm! Nang naw bekhüt aih ne nang ap nak ah Khanpughi naw, phongkawng ah ei nak vaisü ung ning phiawn ne ang?” cik ci.

DANIEL 6:20 Referans Kwoze

HEBRU 7:25

Cun ah kyasei ani ah ang ming ung Khanpughi ah lawk ciah chang gui phung angtäi sei hun gui ci. A i ah kyasei ci ung Bawipa cu cun ah chang gui ah hmawk ah Khanpughi ah ng’coi ng’pak khai ah, angtäi ah a ghin ah hmawk ah kyak ci.

DANIEL 6:27

Ani naw hun ci, gung ci nei; Ani naw cäicat gui vai la cäi aih gui vai cu khankho la khomdek ung dang sak ci nei. Ani naw Daniela cu phongkawng gui naw ami lawh vai süte hun ci nei.”

1 SHONTÄP NAK 16:11

Bawipa naw a ning m’htei gui vai ah ani ah hteit vä, Angdäih ah khawihnah vä.

DANIEL 6:16

Cun ah kyasei ghangpughang ah thukbäi awn Daniela cu pha ne, phongkawng be ciah khui ung yuk shum vai kyak ci. Ani naw Daniela am, “Bekhüt ne na khawihnah ah na Khanpughi naw, ning gung sä” ci nak ci.

DANIEL 3:17

Keimi naw kami khawihnah ah Khanpughi naw, mei caang ung la nang ah huhma ung, ana hun gui hning ung na hun gui khai nei.

JAMES 1:25

Cun ung phi chang gui phiawn sak gui ne, kümbe ciah thukhän cu tengkhen ne ngaiyak ciah chang cu, ngai tu netah m’hnih ba düt ciah kä kya ne, akcang ah mang thei ciah kiasei; cun ah chang cu a bilawh nak päng ung Khanpughi naw m’shumphyuk khai nei.

2 KORIN 1:10

Cun hlawk ah kyih aih vai ah sih nak ung kaa, Bawipa naw na hun gui ci; na hun ba gui khai; cun kawn ah phi na hun ba gui mä khai ah yum ne mi ngaih u ci.

LUKA 18:1

Cun kawn ah Bawipa Jesuh naw, ang düihpüi gui-am, kä kya düt en ne angtäi ah ami taigü vai ah, m’tumtäng ne m’thei gui ci.

LUKA 1:37

Khanpughi ah kä m’khüt a i kä om ci nei” cine pyein ci.

HOSEA 12:6

Cun ah kyasei tuhbäi, Jakob ah htangshon gui, Nami Khanpughi ung ng’ap u ne, nami law ba vai nei. Bekhüt ne taga ne, nami Khanpughi ah hnün thawh cun “lung na ne ngäng vä.

DANIEL 3:15

Tuhbäi pyung puuk, pyung lawi, htiing, tingtäng, peen m’hlui la tumkhawn gui nami ng’yak vai am, m’khuk dong ne agup cu nami khawihnah vai, cun ah kä nami bi ung nangmi cu meicaang ai ung ang ghit ah ning shum gui vai nei, nangmi ning hun gui hning khai khanpughi om khai ah nami ngai ne ma?” cik ci.

JEREMIAH 32:17

“Uk ciah Bawipa, nang naw khomdek la khankhomik cu dämduh ciah na huham la na m’gäi nak awn na tüipiang ci; nang ah phäh ah a i phi kä khak ci.

SAM 73:23

Cun ung phi kei cu nang ung angtäi sei ka ng’et ci, Nang naw na kut awn na na k’pang ci.

KHEI NAK 11:23

Bawipa naw, “Kei ah huham ung k’büüp nak om ne ang? Nangmi naw kei naw ka pyen ah a kyak la kä a kyak ci cu, tuhbäi nami hmuk khai nei.

ATÜNNAK 18:14

Bawipa ah kä m’khüt a i om ne ang? Ka pyen ah mäih ah acha kaw nak ung ka law ba khai, Sarah cu pami hta ah hta khai nei” cik ci.

JUDE 1:24

Kä nami kyuk ng’täät vai ah ning venk’pang gui ne, ning theingcim sak gui ne, yeikyai nak awn abä khäk nak ah amaa ah ning gawk sak gui ne;

2 TIMOTHI 1:12

Acun ah mawng ung kei cu geinvai nak ka gah ciah kyak ci. Cun ung phi kei ung lung üp nak akbe ah om lä ci. A i ah kyasei ci ung kei a u ung kang ap cu ka hmat ci, kei naw ka ap gui cu ak hnu bäih ah Hnüüp güt ung kut shum khai ci cun phi, kei naw akcang ah ka hmat ci.

KOLOSE 4:2

Taigü nak ung kä nami m’lung-k’si en vai. Lunglang nak awn taigü ne Khanpughi cu nami m’hlüngtai vai.

ROMAN 2:7

Ak ni ah om ne, bämang nak, m’kümtou nak la sih nak kä om ciah ghin nak shui ciah chang gui am, Khanpughi naw angtäi ghin nak cu pek khai.

LAMKTU 6:4

Keimi läi cu taigü nak lah Khanpughi ah ng’thu pyein nak awn akhin be khai ah kami bik khai” cik ci gui.

SAM 146:2

Kei ka ghin ah chuih Bawipa cu ka m’tam khai nei; ka ghin nak avan ung ka Khanpughi ah ng’äi ka m’cu khai nei.

SAM 119:112

Kä ka sih pha ah chuih na thukhän ka läk khai ah, ka k’bäi pyi ci nei.

DANIEL 6:19

A ngawi ung khongawi hta ghangpughang cu tho law ne ang ghit a cun ah khui ah hteit ci.

DANIEL 6:26

Ka uknak ah khaw avan ung thukhän ka bik ci nei, Daniela ah Khanpughi cu chang nü naw a kyih vai nei, a chang m’sui vai nei. “Ani cu ghing ciah Khanpughi, Ani naw khonglän ung uk khai nei. Ani ah uknak khaw cu a i naw kä m’di hlawt khai nei, ani ah huham cu kä ng’pyi hlawt khai nei.