DANIEL 6:13 - Cho Bible Common Language 2016

¹³ Cun kawn ah ngami naw ghangpughang am, “Daniela, Judah ah kaa omtu tumat naw nang ghangpughang cu kä ning chang m’sui ci nei, nang ah m’hnüt ah thukbäi cu kä läk ci nei. Ani cu hnüüp ät ung thum vei ci taigü ci nei” cik ci gui.

DANIEL 6:13 Referans Kwoze

DANIEL 3:12

Nang naw Babilon khopäng uk khai ah na tha gui — Shadrak, Meshak, Abedneko ni gui cu nang ah thu kä ngai ci gui, ngami naw nang ah khanpughi kä khawihnah ci gui, na ng’lin ah a gup ah ma ah kä kawp ci gui nei” cine pyen ci gui.

LAMKTU 5:29

Peter la apaw gui naw, “Keimi ah ngaih vai cu Khanpughi ah kiak ci, chang ah kä kyak ci.

DANIEL 2:25

Acun vai am Arioch naw Daniela cu ghangpughang Nebukhadnezzar ah ma ah hteh püi neta, ghangpughang am m’thein ci, “Nang ghangpughang ah ng’mang phlan ne ning m’thein hning ciah Jew chang omtu tumat cu kei naw ka hmuk ci nei.”

DANIEL 5:13

Daniela cu ang ghit ah ghangpughang ah ma ah hteh püi u sei, ghangpughang naw ani cu pyen nak ci, “Nang cu ka pa ghangpughang naw Judah khaw ah ka a law püi ah Jew chang, omtu, Daniela ma?

ESTA 3:8

Cun ah kyasei Haman naw ghangpughang am, am thein cu, “Na uknak ah khaw avan ung püi ne om ciah changpakhui tumat om ci, cun gui cu khopäng päng ung hmuh gui vai kyak ci, Ngami ah thungyo cu ahei chang gui ah thungyo awn kä täng ci. Ngami naw uknak khaw ung thukhän gui cu kä läk ci gui. Cun ah kyasei nang naw m’lung sau ne na om ung kä bä khai nei.

DANIEL 1:6

Cun ah ami ghü gui cu Daniela, Hananiah, Mishael la Azariah ah kyak ci, ngami ami van cu Judah pakhui ungka ah kyak ci gui.

LAMKTU 17:7

Shin ah chang gui naw Jesuh ming nak ciah Ghangpughang a hei om ci ci u ne, nang ghangpughang ah thukhän cu plawh ci gui nei” cine m’lau ne pyein ci gui.

DANIEL 3:8

Acun ung Babilonian gui naw Jew k’bu “n ne thu ami sha “u nak vai om lawk ci.

DANIEL 3:11

kä m’khuuk dong ne kä khawihnah tuk ciah chang cu, meicaang ai ung yuk shum vai ciah kyak ci.