DANIEL 6:12 - Cho Bible Common Language 2016

¹² Daniela cu m’kyuk vai ah ami van ghangpughang ah hteit ci gui. Ngami naw, “Ghangpughang aw, nang naw thukbäi na guk ci, hnüüp thum kip ah kyong ung a u chang phi, nang ah kawn ah, a i khanpughi, a i chang ah phi taigü ci phung cu, phongkawng awn be ciah khui ung yuk shum vai.” Ghangpughang naw, “Hman ci nei, thukbäi cu aküi ah kyak ci, kä ng’thawng hlawt ciah Medes la Persian gui ah thukhän ah kyak ci nei” cik ci.

DANIEL 6:12 Referans Kwoze

DANIEL 6:8

Cun ah kyasei shin ah thukhän cu, gu ne m’hnüt ne shäu vai nei. Cun cu läk bä bä vai, m’thawng ne kä gah vai ah Medes la Persian gui ah thukhän ah kyak khai nei” cik ci gui.

ESTA 1:19

Nang naw na yum ah a kyak ung ghangpughang ah ma ah Vashti cu kä ng’dang tuba phung khai ciah ng’thu ng’shäu sak gui ä. Cun cu Persia la Media khaw ah thukhän ung guk vai ah k’bäi gui ä. Cun ung cun cu kä ng’thawng ba hlawt khai nei. Cun kawn ah ani ah hnün ung bä pi ciah hnumi cu ghangpughangnu ah tha ba ä.

LAMKTU 16:19

Cun ah hnumi ah a bawi gui naw ngui ami gah nak vai ah m’kawt ang khai ah thüi u netah, Paul la Silas cu pha goi u ne, sumlei nak hmun ah sukyi ng’vai gui ah om nak ah hteh püi goi ci gui.

LAMKTU 16:24

Ang vai gui naw ngahni cu üp-oi khai ah ami chum goi vai ah pyein u khä tah, ngahni cu thawng hmüp khui ah m’tawk goi u ne, ani kho phi sing vüt ne ceep goi ci gui.

DANIEL 6:15

Cun kawn ah chang tumat cu ghangpughang ah law ba neta, am thein cu, “Nang ghangpughang naw na hmat ci, Medes gui la Persian gui ah thukhän ung thukbäi pyi cu kä m’thawng ba man nei.”