DANIEL 6:10 - Cho Bible Common Language 2016

¹⁰ Cun ah thu k’bäi ami guk cu Daniela naw hmat neta, a im ah hteit ba ci. A im akhan kyong ah Jerusalem täng ah mang ciah m’kawt gui om ci. A cun ung ani naw akphlüt sei a bi man ah mäih ah, m’kawt hmawng ne m’khuuk dong neta, hnüüp ät ung thum vei ci, Khanpughi ah taigü ci.

DANIEL 6:10 Referans Kwoze

SAM 55:17

Kho ngawi kho hnüüp, khomü ung kei cu ng’thu m’da ne ng’pa ngä sei, kei ah ka k’aw cu na ng’yak pek khai nei.

LAMKTU 5:29

Peter la apaw gui naw, “Keimi ah ngaih vai cu Khanpughi ah kiak ci, chang ah kä kyak ci.

SAM 95:6

Law vä, ama ah kawp ne mi khawihnah khai; Na tüisho gui ciah Bawipa ah ma ah mi m’khuukdong khai nei!

HEBRU 13:15

Cun ah kyasei mikmi naw Bawipa Jesuh cu, Bawipa nei ciah ng’kiaa nak ah m’gawng awn, ani ah ming ung mi m’kümto nak cu ang täi sei Khanpughi am mi ap khai nei.

PHILIPPIAN 4:6

A i a mawng ama ung phi kä nami ng’ä ai vai, angtäi sei m’hlüngtai nak ah m’lung awn k’taigü u ne, nami ng’yak hlü gui cu Khanpughi ah nami ng’yoih vai.

SAM 34:1

Kei naw angtäi sei Bawipa ka yei nak khai nei; kä düm phung ne ka m’taam khai nei.

SAM 5:7

Cun ung phi küikyang ciah na m’hni nak awn, nang ah im khui ah ka law hning ci nei; Na Taigüim theing ung khawihnah hning ne, Na ma ah kawp ne ka ning m’tam khah hning ci nei.

LAMKTU 9:40

Peter naw cun ah chang gui ami van k’caw ah tüi gui netah, khuuk dong ne taigü ci. Cun kawn ah gook lam ah ng’hlat netah, “Tabitha, hto vä,” cine pyein ci. Tabitha cu m’dei law ba ne, Peter cu hmu netah, hto ne ngok ci.

JONAH 2:4

Kei cu na ma ungka na na k’täm ciah ka ngai ci nei na Taigü im theing cu kä ka hmu tuba hlawt khai ah ka ngai ci nei.

1 GHANGPUGHANG GUI 8:54

Solomon cu Bawipa ah taigü nak ng’pyi khäta, m’khuuk dong ne a kut shäng ne a ngoh ah sonkiang ah ma ungka ng’düi lawk ci.

1 GHANGPUGHANG GUI 8:44

“Ami ga gui tuk khai ah ng’tuk nak ah hteit khai gui ah na chang gui cu ng’thu nak bäi gui ung, a hawi ami om ung phi, nang naw na ghü ah shin ah mang gaw la nang ah hmawk ah kei naw ka cawh ah shin ah Taigüim cu man na ne, nang ah ami taigü ung,

EPHESIAN 3:14

Kei cu Pa Khanpughi ah ma ah m’kuukdong ne kang hui ci,

LAMKTU 10:9

Ngami cu hteit gäk gäk u ne, a ngawi ung Joppa gawnu pei ah gawk law ci gui. Cun yah cu kho hnüüp lung yah ah kya sei Peter cu taigü khai ah im kiungah hang kai ci.

DANIEL 6:13

Cun kawn ah ngami naw ghangpughang am, “Daniela, Judah ah kaa omtu tumat naw nang ghangpughang cu kä ning chang m’sui ci nei, nang ah m’hnüt ah thukbäi cu kä läk ci nei. Ani cu hnüüp ät ung thum vei ci taigü ci nei” cik ci gui.

HEBRU 4:16

Cun ah kyasei mikmi cu mi khüighaat ne, m’gein nak ah hmun Khanpughi ah mangkiang ung mi hteit khai nei. Cun ah hmun ung chik-hna nak la gein nak cu, mi ng’yak hlü phung ung mi gah khai nei.

1 GHANGPUGHANG GUI 8:38

ami taigü cu ngaih pe gui ä. Na chang Israel ungka gui cu ami m’lung thüisei, Taigüim täng ah ami kut shäng ne, ami taigü ung,

THU PHLAAN 2:10

Zaica nak na awt vai ah api ah phi kä na kyih-en vai nei. Nangmi amshah gui cu khawshe naw thawng ung ning chum gui netah, ning k’cet gui khai nei, hnüüp gha ah kyong ung yaica ne na om khai nei. Na sih ung khüt sei bekhüt ne om ä, kei naw näng nak ah ng’cheng ghin nak ka ning pek khai.

KOLOSE 3:17

Nami bi nüng nami ng’thu nüng cu Bawipa Jesuh ah ming awn nami bi vai, Cun cu ani ah ming awn Pa Khanpughi nami m’hlüngtai ah kia ci.

PHILIPPIAN 1:20

Kei naw ak tung ah ka ng’yak hlü la ka ngaih u nak cu, kei naw a i yah ung phi ka bi mawng cu kä ka nawng khai, a i khin ung phi, a tuhbäi chü phi, kei cu khüighaat nak awn be ne, ka sih ung phi, ka ghin ung phi, ka ghin nak avan awn Bawi Khrit kam taamkhah khai, ciah kyak ci.

LAMKTU 20:36

Paul cu thu pyein yawp netah ang khah püi gui awn a täng ah m’khuuk doong ne taigü ci gui.

NEHEMIAH 6:11

Kei naw m’shang ne, “Kei cu dawng ci la ng’thup ciah chang ah ng’khaw ah kä ka kyak ci. Kei cu Taigüim ah ng’thup ne ka hnun ka k’phiawn khai ah na ngai ne ma? Cun ah kä ka kyak khai.”

2 SHONTÄP NAK 6:38

Cun ah khaw ung ngami cu akcang akni ah ng’yuu ba u ne, kami pupa gui am na pek ah shin ah khaw, nang naw na ghü ah shin ah mang gaw, nang ah phäh ah kei naw ka cawh ah shin ah Taigüim shin gui täng ah mang ne nang ah ami taigü law ah a kyak ung,

THU PHLAAN 2:13

Nang a hawi na om cu ka ning hmat ci, nang cu satan ah kiaang ung na om ci. Bekhüt ciah ka chang Antipas cu Satan ah om nak ung ami ngawn yah ung, nang cu kei ung ng’düng ne na yum nak kä na nawng ci.

PHILIPPIAN 1:14

Kei cun ah thawng ung ka kyum ah hmawk ah phäi nau gui akda pi naw, Bawipa ami yum nak cu khängtek law pi ci. Cun ah kya sei ng’thu, amshah ung Khanpughi ah ng’thu ami pyein nak ung ngahmi cu kä kyikyawk ne k’thamah law pi ci gui.

LAMKTU 21:5

Cun ah ngah mi awn kho hnüüp chih kami om tu kawn ah k’täi ne kami hteit ba ci. Zum ciah chang gui cu ami k’chu, ami hta gui ni, ami van naw pigaw k’pung tui kam pei ah khüt ne na tha tu ba gui u sei, tui kam ah kami van m’khuuk doong ne kami taigü ci.

LAMKTU 20:24

Kei cu ka hnun gui ah kä ka ng’vang ci, a nam hnüt peit ah bi la, Bawipa Jesuh ah na peit ah bi, pyi ne bi vai cu ak tung ah kia sei, Khanpughi ah m’gein nak mawng Thu Ni cu hteit shüi ne pyein vai bäng ah kya ci.

LAMKTU 7:60

Ani cu m’khuukdoong netah, “Khanpughi awi, shin ah chang gui ah ami katnak cu m’gein gui ä” ci neh ak’aw m’can neh m’lau netah kät lawk ci. Saul cu Stephen ngawn vai ah yum tuk ciah chang ah kyak ci.

LAMKTU 5:20

“Nangmi cu Taigüimah hteit u netah chang gui am ghin nak akthai ah mawng m’Thein gui vä” cik ci.

LAMKTU 4:29

Aw Bawipa ngah mi ah pawng püi nak cu yuk chah pe gui ä. Na na chang shäm gui am, nang thu kami pyein nak hning vai tha gui na yuk pe gui ä.

LAMKTU 3:1

Khaw hnüüp ät ung Peter lah Johan cu kho k’awinu, k’taigü nak khin ung pum im ah hteit ci gawi.

LAMKTU 2:15

Shin ah chang gui cu nang mi ah pyein ah mäih ah awk tat ci gui ah kä kyak ci nei, tuk bäi cu ngawi lam nayi kaw ah vah kiah phak ci.

LUKA 22:41

Cun kawn ah ang düihpüi gui awn li-kiak ät vai ng’lak nak khai ah hteit netah, m’khuukdong ne,

LUKA 14:26

“Kei ah alaw tu pang ung phi, kei ana m’hni ah mä, anupa, achu hta, aphäi nau la amät m’hni pi ciah chang cu, kei ah ng’düihpüi ah kä kya hlawt khai.

SAM 86:3

Nang cu ka ning Khanpughi nei, kei cu na chimgein ä, A hnüp pum nang ah ka taigü ci nei.

EZRA 9:5

Mühun täng khawihnah nak akhin gawk law khäta, thüi ne ka ngoh nak ungka tho law ne, sui teek sui ne, m’khukdong ne, taigü ne Bawipa kakhanpughi ah ka kut ka shäng ci.

2 SHONTÄP NAK 6:13

(Solomon naw kyei chagä cu pyang neta kyong ah anglung ung tha ci. Cun cu a yun akdang dawng hma ci law ne m’khuukdong neta, chang nü naw a hmuh vai ah khankho ah a kut shäng ci.)

1 GHANGPUGHANG GUI 8:30

Ka taigü na ngaih peä, na chang gui naw shin ah hmun täng ah mang ne ami taigü ung ngai gui ä, na m’geinsei gui ä.

DANIEL 9:4

Bawipa ka Khanpughi ah taigü ne, ka chang gui ah katnak cu ka ng’yuu ba ci. Kei naw ka pyen ci, “Bawipa Khanpughi, nang cu na dämduh ci, keimi naw kami ning m’tamkhah ci. Nang cu na thukhän ung bekhüt ne, nang ning m’hni ci gui la nang ah thumkhän bik ci gui ah khan ah ng’täi ciah m’hni nak na m’dang ci.

MAKUH 3:3

Bawipa Jesuh naw a kut shuum ci-am, “Chang gui ah ma ah law ne ng’düi ä” cine pyen nak ci.