DANIEL 5:7 - Cho Bible Common Language 2016

⁷ Ani naw m’lau ne chang tumat am, cäbang ci gui, cee gui la kho m’khin ci gui cu khü sak gui ci. Cun gui gawk law u khäta, ghangpughang naw pyen na gui ci, “Shin ah ca guk phat hning ne, amawng pyen hning ciah chang am, bawimang suinu amvo m’sui ne, m’tam nak ah ghui äh a gawn ung m’awi ne, shin ah uknak khaw ung ak thum nak ah huham mah nak cu pek vai nei” cik ci.

DANIEL 5:7 Referans Kwoze

DANIEL 5:29

Belshazzar naw a chang shäm gui cu ang ghit ah ng’thu k’bäi gui ne, Daniela am mangyih suinu amvo m’sui sak gui ne, m’tam nak ah ghui äh a gawn ung m’awi sak gui ci. Cun kawn ah ani naw uknak khaw ung, ak thum nak ah huham mah khai ah pyang ci.

DANIEL 5:16

Tuhbäi, ng’thup ciah mawng gui nang naw hmu hning ne, thuuk kau ci gui na k’phlan hning ciah kei naw ka ng’yak ci. Nang naw shin ca cu phat hning ne a mawng na na m’thein hning ah a kyak ung, nang cu bawimang suinu amvo ning m’sui ne, m’tam nak ah ghui äh ning m’awi vai, shin ah uknak ah khaw ung ak thum nak huham mah nak phi na gah khai.

DANIEL 2:48

Cun kawn ah ani naw Daniela am bawimang ak hlüng pi pe ne, am cümhnah nak akda pek ci, Babilon khopäng ung uktu ah tha ne, mang im angvai gui avan ung angvaipi ah tha ci.

DANIEL 2:6

Cun ung phi ka mang la a cun ah ng’phlan cu nami na m’thein hning ah a kyak ung, nangmi cu ning m’cümhnah gui ne, aktung ah ka ning m’tamkhah gui khai. Tuhbäi cun ah mang la cun ah mang cu k’phlan ne na m’thein law vä” cik ci.

DANIEL 2:2

Cun ah kyasei ani naw ng’cäbang thei ci gui, k’cee gui, mik hmuk ci gui, la cuun ci gui cu khü gui ne law ne ang mang ami k’phlaan vai ah k’thäh gui ci. Ngami law u ne ghangpughang ah ma ah ng’üi u khäta,

EZEKIEL 16:11

Kei naw pyülung gui phi ning m’sui ne-kut khih kawh khih gui la äh awi gui ka ning pek ci.

ISAIAH 47:13

Nang cu ning m’cum’cäi khai om pang sei phi, na huham maih ci nei. Cecai ci gui na chang gui naw hmai ah law ne ning hun u sä. Ngami cu aisi ah mawng thei thang ci gui, khankhaw ung zone gui ah k’bou ne geei ci gui, ngami naw cha ät ung ka naw cha ät a i ah kya lawk khai ci cu, ning m’thein u sä.

DANIEL 4:14

Ani naw ak aw m’caan ne a sha’u cu, ‘Sing ghing cu chu pit ne, ang ban gui chawm ne, a hnah gui ghu ne, am theih gui phiang yawp vä. A cun ah ka ung khisa gui la ang ban gui ung kha gui cu k’täm gui vä.

SOLOMON NG’Ä~ 1:10

Na lusam cu na ng’being ah khan ah kyom ne, na hnü angveing ung vailung ah mäih ah kyak ci nei.

NG'THU K'THUUK~ 1:9

Cun ah m’theithang nak gui cu, na lu ung kyom ciah lukhu ah kya ne na hnü ung ning müi sak ciah äh awi ah kyak ci.

ESTA 3:1

Shäng hta khäta ghangpughang Ahasuerus naw Haman ming nak cicu bawi ng’vaipi ah tha ci. Haman cu Hammedatha ah hta, Akak ah ng’shon ah kyak ci.

1 SAMUEL 17:25

“Teng tu vä” cine ami mät ng’htau ci gui. “Ani ah gheet taap nak cu ngai vä! Ghangpughang Saul naw ani ngawn ci am dämduh ciah m’cümhnah nak pek khai ah shaitak ci nei. Ghangpughang naw a hta hnumi phi chu na sak khai nei, ani ah pa ah kyong khui ung phlam phi kä lak khai nei” cik ci gui.

KHEI NAK 24:11

Tuhbäi na im ah hteit ba ä, kei naw ka ning m’cümhnah khai ah shai ka tak ci, cun ung phi m’cümhnah nak kä na gah khai ah Bawipa naw ning k’pang ci nei” pyen nak ci.

KHEI NAK 22:17

Kei naw akbä ah ka ning m’cümhnah khai. Na pyen päng ka bik khai, na bä ni, law ne kei ah phäh ah shin ah chang gui cu plahtam gui ä” cik ci.

KHEI NAK 22:7

Cun ah kyasei Moabit la Midianit ami ng’vai gui cu plah tam ung ami cheng nak vai hteh püi u ne, Balaam ah hteit ci gui. Balak ah thu m’khäh phi pek ci gui.

ATÜNNAK 41:8

Ghangpughang cu ang’ä ai neta, a ngawi ung kho ngawi, puikaih gui la chang vai gui cu khü gui ne, ang mang cu m’thein gui ci. Cun ung phi a u naw kä k’phlan thei ci.

PHYAWN NAK 7:11

Ghangpughang naw akchang cüivai gui la k’cee gui cu khü gui sei, ngami naw a cun ah mäih ah ami cee nak awn bik ci gui.

JEREMIAH 50:35

Bawipa naw pyen ci, “Babilonia ung sih nak gawk sä! Ak chang gui, a uk tu gui la cüi vai chang gui ung sih nak gawk sä!

DANIEL 1:4

Cun gui cu kyom sang khai gui, hmuhmat khai gui, cüivai khai gui, ng’thei thang hning khai gui, ami pumsa ung pyen vai kä om khai, cun ah kyasei cun gui cu ghangpughang ah im ung bii bi hning khai gui. Ashpenaz naw cun gui cu Babilonian ca gui thei, phat thei khai gui ah am thei gui vai ah phi kyak ci.

DANIEL 1:20

Ghangpughang naw a i ah mawng ang shi gui ung phi, a i cheishoh nak a thawh law ung phi, shin ah chang phli naw, a uknak kho avan ung om ciah, ng’cängbang ci gui, cecai ci gui ah ta agha vai ah hmuhmat law pi ci gui.

DANIEL 2:27

Daniela naw, “Ghangpughang aw, cun ah ng’mang ning m’thein hning ciah, a u phi cuun ci, ce k ci, cängbang ci, pui kaih ci, kä om ci nei.

DANIEL 5:11

Na uknak ah khaw ung chang tumat om ci, cun cu mum cha theing naw a om nak ah kyak ci nei. Na pa ghangpughang ah a kyak yah ung, cun ah chang naw, khanpughi gui ungka cüivai nak ah mäih ah kyak ciah nikiom nak, hmuhmat nak la cüivai nak gui cu m’dang ci nei. Ghangpughang Nebukhadnezzar, napa naw, cängbang ci gui, cee gui, tukaih ci gui, kho m’khin ci gui ung ang vaipi ah a tha nei.

DANIEL 5:15

Bawi ng’vai gui la cängbang ci gui cu k’thäh gui ne, shin ah ca phat ne a mawng ami na m’thein vai ah ka pyen ci, Cun ung phi ngami naw amawng kä hmu hlawt ci gui.