DANIEL 5:6 - Cho Bible Common Language 2016

⁶ Ani cu a hmai ng’ham sei kyikyawk ne, am khuuk phi ng’tum ci.

DANIEL 5:6 Referans Kwoze

NAHUM 2:10

Nineveh cu di ci, shum ci, shiu ci! M’lung avan kyi ne ng’tum ci, M’khuuk phi ng’hlet ci, Thagui avan maih ci, Hmai phi thui ne ng’aa ci.

DANIEL 7:28

Shin cu ka ng’mang ah mawng ang pyi nak ah kyak ci. Kei cu ang htei ah kyikyawk neta ka ng’haam ci, a cun gui avan cu ka m’lung ung ka tha ci.

EZEKIEL 7:17

Chang pang ah kut cu k’tha ken ne, ami m’khuuk cu ng’tum khai.

DANIEL 4:5

Cun ung phi ka ih sangung kyihkyawk vai ah ka ng’mang she sei, cäi ng’ä vai ah muimang ka hmuk ci.

EZEKIEL 21:7

A i ah kyasei na ng’hlaw ei ah ami ning shi law ah a kyak ung, ng’thu gawk law sei nei, cine na m’thei gui vai. Cun a gawk law ung, ngami ah m’lung cu kyih nak awn be khai, ami kut gui cu gung ne ng’bat khai, ami hnawk tha cu kya yawp khai, ami m’khuuk gui cu ng’tum khai. Akhin cu gawk law ci nei, cun cu a shin ung nei.” Uktu Bawipa naw a pyen nei.

SAM 69:23

Ami mik mü sak gui ne, ami khei duut sak gui ä!

DANIEL 4:19

Cun ung Daniela, Belteshazzar ah phi ami kh cu, cäicat aih neta a i phi kä pyen hlawt ne om ci. Ghangpughang naw ani am, “Belteshazzar aw, mang la mang ah mawng ung kä cäicat en ä” ci nak ci. Belteshazzar naw m’shang ne, “Mang la mang ah mawng cu nang ah phäh ah kä kya en ne na ga gui ah phäh ah a kyak vak ah kei naw ka ng’ya hlük ci nei.

HEBRU 12:12

Cun ah kyasei cüüm ciah nami kut cu m’cün u ne, gho ciah nami m’khuuk cu khüi sak vä.

DANIEL 3:19

Nebukhadnezzar cu amlung kä üp hlawt sei Shadrak, Meshak la Abedneko ah khan ah m’lungshe neta a hmai sen ci. Cun ah kyasei ani naw a chang gui am, mei cu ak chih ah caang law pi khai ah cih sak gui ci.

DANIEL 2:1

Nebukhadnezzar ghangpughang ah a kyak nak a kum goi nak ung ang mang shek ci. A cun naw ani cu cäi ng’a “Sak sei kä ip hlawt ci.

ISAIAH 35:3

A van khak ci gui la aktha maih sei am khuuk ng’tum ci gui am, k’thamah nak yuk pe law.

ISAIAH 5:27

A u phi kä bawngbai ci; a u phi kä kyu ng’tääk ci. A u phi kä ngam ci kä ip ci. Kheipat phi kä ng’phyak ci; phahnak phi kä pit ci.

SAM 22:14

Kei ah ka thagui cu maih ci nei, m’dek ung cüp ciah tui ah mäih ah ng’phiüi ci. Ka guh gui avan cu ka ng’htak ba ci nei, Kam lungsin cu khoi chap ah maih ah pyawn ci nei.

DANIEL 5:5

Ang ghit ah chang ah kut cu dang law ne, mang-im paang ung ca gu lawk ci. Cun cu mei däi ah akhang nak pi ung ah kuyak ci. Ghangpughang naw cun ah ca guk ciah kut cu hmuk ci.

JEREMIAH 50:43

Babilonia ghangpughang naw cun ah mawng ng’ya neta, a kut phi kä hnün hlawt ci. Ani cu amlung nat sak sei, anau poi m’neh ciah hnumi ah mäih ah m’neh ci.