DANIEL 5:4 - Cho Bible Common Language 2016

⁴ ghui ni, ngui ni, kyei ni, m’sii ni, sing ni, lung ni awn ami pyan ah khanpughi gui cu m’hlüngtai ci gui.

DANIEL 5:4 Referans Kwoze

DANIEL 5:23

Nang naw khankho Bawipa hnung tuk püi ne, ani ah Taigüim ungka khap gui la khawk gui na law püi ci. Nang, na bawi ng’vai gui, na chu gui la na chuba gui naw a cun gui ung sapyit tui aw u ne, ghui, nui, kyei, m’sii, sing la lung awn ami pyan ah khanpughi gui cu m’hlüngtai ci gui — Cun ah khanpughi gui cu a i kä hmuk ci, a i kä ng’yak ci, a i phi kä hmat ciah kyak ci. Cun ung phi nang ah na ghin nak vai la na sih nak vai, m’hnüt bäi hning ne, na bi phung shum ciah Khanpughi cu kä na m’tamkhah ci.

HABAKKUK 2:19

Nangmi cu nami ng’yiin ci! Sing akpii am, “Tho vä!” nami cik ci. Lung shep ne pyan am, “Ng’düi ä!” nami cik ci. Cun ah agup naw ng’thu ning m’than ba gui hning ne ang? Ani cu ghui la ngui awn hluk ah kyak ci, cun ung phi akyong ah ghin nak kä om ci.

LAMKTU 17:29

Cun ah mikmi cu Khanpughi ah hta gui ah mi kyak ci kya sei, Khanpughi cu chang gui naw ami ngaih-tüh ah ami hmuhhmat nak awn ami pyantham ah ghui gup, ngui gup, lung gup, gui ah mäih lawk ci ciah kä nami hmat ten vai nei.

ISAIAH 42:8

“Kei bäng cu Bawipa nami na khanpughi nei. A i ahei khanpughi naw phi kei ah bäimang nak cu kä ng’pai tuk khai nei; kei ah m’taam nak cu agup gui naw kä ng’pai tuk khai nei.

DANIEL 4:37

“Tuhbäi kei, Nebukhadnezzar naw, khankho ghangpughang cu m’hlüngtai ne, m’tamkhah ne ka bämang sak ci nei. Ani ah abi phung cu düng ne taga ci nei. Chang ah ng’shei ne hnüntho ci gui cu ani naw ng’nein sak gui ci nei.”

ISAIAH 42:17

A gup gui ngaih u ci gui avan lah, a gup am ami khanpughi ah pyen ci gui cu yuk buh gui vai, thüi ng’aa khai gui.”

DANIEL 1:8

Mang im ungka ei ei ne sapyit tui awk nak awn kä theingthap nak ung kä gawk vai ah Daniela naw amlung pyang pyi ci. Cun ah kyasei ani naw, Ashpenaz naw am thei thang tu vai ah k’thäh ci.

DANIEL 5:3

Ghui khap gui la khawk gui cu ang ghit ah law püi u sei, ngami ami v an naw a cun ung sapyit tui cu awk ci gui,

DANIEL 5:5

Ang ghit ah chang ah kut cu dang law ne, mang-im paang ung ca gu lawk ci. Cun cu mei däi ah akhang nak pi ung ah kuyak ci. Ghangpughang naw cun ah ca guk ciah kut cu hmuk ci.

AMOS 6:7

Cun ah kyasei nang cu omktu ah na hteit ma khai. Na mang pawi la na ng’huutcam nak cu ng’pyi khai.

1 GHANGPUGHANG GUI 1:49

Adonijah ah khin gui cu kyih u neta, ami van ng’düi law ba ne ami lam phäh phäh ung hteit ba ci gui.