DANIEL 5:28 - Cho Bible Common Language 2016

²⁸ M’Khoicha, nang ah uknak khaw cu k’paai ne Medes la Persian gui am pek gui pyi nei” ciah kyak ci.

DANIEL 5:28 Referans Kwoze

DANIEL 6:28

Daniela cu Darius ah uk sang ung la Persian chang Sairus ah uk sang ung bämang ne om ci.

ISAIAH 13:17

Bawipa naw pyen ci, “Kei naw medes chang gui cu Babilon ami tuk vai am ka m’thum tho gui ci. Ngami naw ngui phi a i ah kä ngai ci gui, ghui phi a i ak kä ngai ci gui.

DANIEL 5:31

A khokum chuk kip lei-goi lawk ciah Mede pakhui Darius naw bawimang huham cu khäm ci.

ISAIAH 21:2

M’gäi cik nak gui, kä bekhüt nak gui la m’di m’shum nak gui cu kei naw ka muimang ung ka hmuk ci nei. Elam gakap gui, tuhnim vä! Media gakap gui, mang gaw gui cu khaai vä! Babilon naw a bi ah yaica nak cu khanpughi naw ng’pyi sak khai nei.

DANIEL 9:1

Ahasuerus ah htapa Darius, Mede chang naw Babilonia uktu khaw cu uk ci.

DANIEL 8:20

“Nang naw na hmuh ah hnih ki nak ciah htome hla ci cu, Media la Persia uknak khaw hnih ah kyak ci.

LAMKTU 2:9

Mik mi cu Parthia, Media, lah Elam; Mesopotamia, Judea, lah Kappadocia,

DANIEL 6:8

Cun ah kyasei shin ah thukhän cu, gu ne m’hnüt ne shäu vai nei. Cun cu läk bä bä vai, m’thawng ne kä gah vai ah Medes la Persian gui ah thukhän ah kyak khai nei” cik ci gui.

2 SHONTÄP NAK 36:23

“Shin cu Persia uktubawi Sairus ah Thumkhän ah kyak ci. Bawipa Khankho ah Khanpughi naw khomdek khan avan uktu ah na pyang ci, ani naw, ani ah hmawk ah Jerusalem Judah khaw ung Taigüim cawh vai ah na täk ci nei. Tuhbäi, Khanpughi ah chang gui avan a cu ah hteit vä, Bawipa nami Khanpughi naw ning om püi gui khai nei.”

ISAIAH 47:11

Leigai cu na khan ah gawk lawk khai, a i na ce cai nak naw phi kä ng’düm sak hlawt khai. Dishum nak cu ang ghit ah na khan ah gawk lawk khai — cun cu ng’mang ah phi kä na mang nak man ah kyak khai!

JEREMIAH 25:13

Kei naw Jeremiah ung ng’thu ka pyen yah ung, changpakhui gui am ka law püi khai cine ka m’kyih nak gui ah leigai gui avan awn Babilonia cu ka m’kyuk khai — cun ah leigai gui avan cu shin ah ca-uk ung guk ah kyak ci.

JEREMIAH 51:28

Babilonia ng’tuk püi vai ah pakhui gui pawng htein vä. Media ghangpughang, ami ng’vai gui la mi bawi gui la ngami naw ami k’pan ah khopäng gui ung gakap gui avan cu chang tüi ne pyen ah gui vä.

DANIEL 2:32

Cun ah alu cu ghui aknipi awn pyan ah kyak ci, ang kyang la a ban cu ngui awn pyan ah kyak ci, a poi la a phei gui cu kyei awn pyan ah kyak ci;

DANIEL 2:39

Nang ah kawn ah ghangpughang ahei om lawk khai, ani cu nang hlawk ah kä dämduh khai, cun kawn ah ak thum nak ah kyei uktubawi om lawk khai, ani naw m’dek khan avan uk khai.