DANIEL 5:23 - Cho Bible Common Language 2016

²³ Nang naw khankho Bawipa hnung tuk püi ne, ani ah Taigüim ungka khap gui la khawk gui na law püi ci. Nang, na bawi ng’vai gui, na chu gui la na chuba gui naw a cun gui ung sapyit tui aw u ne, ghui, nui, kyei, m’sii, sing la lung awn ami pyan ah khanpughi gui cu m’hlüngtai ci gui — Cun ah khanpughi gui cu a i kä hmuk ci, a i kä ng’yak ci, a i phi kä hmat ciah kyak ci. Cun ung phi nang ah na ghin nak vai la na sih nak vai, m’hnüt bäi hning ne, na bi phung shum ciah Khanpughi cu kä na m’tamkhah ci.

DANIEL 5:23 Referans Kwoze

JOB 12:10

Khanpughi naw atüi pyan gui ah ghin nak cu lam shüm gui ci; chang ah ghin nak cun phi ani ah huham kiong ah om ci.

DANIEL 4:37

“Tuhbäi kei, Nebukhadnezzar naw, khankho ghangpughang cu m’hlüngtai ne, m’tamkhah ne ka bämang sak ci nei. Ani ah abi phung cu düng ne taga ci nei. Chang ah ng’shei ne hnüntho ci gui cu ani naw ng’nein sak gui ci nei.”

JEREMIAH 10:23

Bawipa, a u naw amät ah mawng lam kä m’khüt ciah ka hmat ci nei; a u naw phi amät ah ghin nak cu kä k’pang hning ci nei.

ISAIAH 37:23

A u na gheet taap na gaih, m’gin ciah ang na ngaih? Nang naw, kei Theingcim Israel Khanpughi cu kä na na chang m’sui ci nei.

ISAIAH 2:12

A cu hnüüp ung m’gäi ciah Bawipa naw huham mah ci phung. Chang ah ng’shei ne, chang klom ci phung yuk buh khai nei.

JEREMIAH 50:29

“Likap gui naw Babilonia ami tuk vai ah m’thein gui vä. A i hawkcha ah li la m’la bi vai ciah hmat ciah chang nü cu tüi vä. Mang gaw cu kei vä, a u phi käk’phiaan en vä. Ani abi gui avan ah phäh ah pe ba vä, a ni naw chang gui a om püi ah mäih ah om püi tu ba vä, a i ah kyasei ci ung, ani naw ng’shei ne kei, Israel ah Theingzim ci Tumat cu ana hnung tuk püi ah phüh ah kyak ci.

NG'THU K'THUUK~ 20:24

Bawipa naw mi hteh nak vai m’hnütbäi ci. Amat ah ghin nak ah hteh nak vai täng cu a u chang naw hmat hning khai ang?

JOB 31:4

Khanpughi naw kei naw ka bi phung cu hmat ci, Kei ah ka kho m’khan phung cu na hmuk ci.

HEBRU 4:13

Khanpughi ah ng’thuh haih ci a i kä om ci a tüi sho phung phung cu a mik ah hmuh ah dang yawp ci. Acun ah kyasei mi bilawh, ngaih tüh gui phung cu Khanpughi-am mi ap khai nei.

ISAIAH 37:19

ami khanpughi gui cu m’khih gui ci-cun ah kya sei, ngami ung khanpughi kä om ba ci, hnicim chang naw a kut awn a pyan ah sing la lung a gup gui bäng om ci.

SAM 139:3

Kei bi ka bi sang la ka ng’düm sang cu nang naw na na hmuk ci; Nang naw ka hnün thawh avan cu na hmat ci.

2 GHANGPUGHANG GUI 14:10

Tuhbäi, Amaziah aw, nang naw Edomit gui cu na m’hnim gui ci, na khähghah ci. Acun ah näng nak awn ng’büh ne na im ah om mä. Na mät la na chang gui ah khan ah leigai law püi khai ah khüikha nak cu a i ah kyasei na m’thawh hlü ang?” cik ci.

1 TIMOTHI 3:6

Ani cu yum nak khäng htek pyi ciah a kyak vai, kä cun ung ani cu ta-äh law aih ne khoshe ah mäih ah m’khoichaa nak gah khai nei.

1 KORIN 8:4

Cun ah kya sei a gup am sonkian ah ei cu ei ah mawng pyein ah a kyak ung, a gup cu akcang ah ghing om ciah a gup ah kä kyak ci, cicu mi hmat ci; Khanpughi tumat bäng om ci, ci cun phi mi hmat ci.

LAMKTU 17:25

Khanpughi cu chang avan am hnun gui ghing nak la a päng avan yuk pek ciah kya ne, ang yaak hlü tumatmat om ciah mäih ah chang naw kut awn bi vai kä ng’ya hlük ci.

HABAKKUK 2:4

Cun ah ng’thu ung, ‘Shekak ci gui cu kä ghing ba khai gui, ng’düng ciah chang gui cu ghing khai gui, a i ah kyasei ci ung ngami cu Khanpughi ung bekhüt ci gui’ ” ciah om ci.

EZEKIEL 31:10

“Cun kawn ah kei uktu Bawipa naw, khongmei hanpha ne ng’ng’shäi ciah cun ah sing ghing ung a i ah kya lawk khai cicu ka ning m’thein gui khai nei. Cun cu ng’ng’shäi law pi ne chang ah ng’shei law pi ci nei.

EZEKIEL 28:17

Nang cu na kyom nak awn na khähghah ci, na ming thang nak naw akgu ah mäih ah ning hnün thawh sak ci. Acun ah phäh ah kei naw nang cu m’dek ung ning chah ne, ahei ghangpughang gui ah phäh ah ng’thu bäi ah kyak khai ah ka ning nawng ci.

EZEKIEL 28:5

Nang cu sumlei nak ung na bilo thei ci kya ne atawnglawn cu na gah ci. Nang cu na khawh cham awn na khäh ghäh aih ci nei!

EZEKIEL 28:2

Ani naw pyen ci, “Hnicim chang, kei uktu Bawipa naw ka pyen nak cu Taia uktu am m’thein ä: Nang cu chang ah ng’shei ne, namät cu Khanpughi ah na kyak ciah na pyen ci. Tuinu ah koi ah mang kiang ung Khanpughi ah mäih ah na ngok ciah na pyen ci. Nang naw Khanpughi ah na kyak ciah na pyen ung phi, nang cu hnicim ah na kyak ci, khanchang ah kä na kyak ci.

ISAIAH 42:5

Khanpughi naw khankhaw cu tüipiang neta ng’phiat sak ci; Ani naw khomdek la a cun ung om ci avan cu pyang m’tham ci; Ani naw ghin nak la ng’ghi ghawk nak cu chang gui avan am pe gui ci. Tuhbäi Bawipa khanpughi naw a changshäm a pyen nak cu,

ISAIAH 33:10

Bawipa naw chang pakhui gui pyen na gui ci, “Tuhbäi kei ka hnüntho khai nei. Kei a i hlawk ah ka huham mah cu kei naw ka m’dang khai nei.

SAM 146:4

Ngami ami sih ung khomdek ung hteit ba ci gui Cun ah hnüp ung ami pawng püi avan cu düt ci.

SAM 115:16

Khankho cu Bawipa amät bäng naw khäm ci, khomdek cu mikmi hnicim chang am na pe gui ci.

SAM 104:29

Nang naw na ng’hlah taak gui ung ngami cu kyik ci gui; Nang naw ng’ghi nak na laak ung ngami cu sik ci gui, ami ng’tüi nak te ah m’vut ung hteit ba ci gui.

SUKI GUI 16:23

Philistin ghangpughang gui cu a täng ah ng’hmu u neta, ami khanpughi Dakon am dämduh ciah khawihnah nak douthak vai ah k’bäi ci gui. Ngami cu, “Kami khanpughi naw kami ga Samson ah khan ah näng ank na pe gui ci nei!” cine ng’äi ci gui.

ATÜNNAK 14:19

Ani naw Abram cu hriham pe neta, “Khankho la khomdek tüi pyang ciah A hlüngtai Pikbäih Khanpughi naw, Abram cu hriham pe sä!

ATÜNNAK 2:7

Cun kawn ah Bawipa Khanpughi naw m’dek cu la ne chang ah pyang neta, a hngakhawng hnun ghin nak cu yuk muut khäta, ani cu chang ghing ah kya lawk ci.

THU PHLAAN 9:20

Cun ah lei ung kä si tu ne k’pawih ba ciah chang gui cu, ami katnak ung kä ng’yu ba ci gui. Khawshe gui la ghui ni, kyei ni, lung ni, sing ni awn ami mät naw ami pyan ah, kä hmu thei ci, kä ng’ya thei ci, kä hteit thei ciah a gup gui cu khawihnah lä ci gui.

ISAIAH 13:11

Bawipa naw pyen ci, “Kei naw m’dek khan ung leigai ka law püi khai, changshe gui ami van ami katnak ah phäh ah m’kyuk gui vai. Chang ah ng’shei ci pang kei naw ka yung neim sak khai, m’gäi m’cik ciah chang pang cu ka m’kyuk khai.

ISAIAH 14:13

Nang naw khankhaw ah hang kai ne, akhlüng pikbäih ah aisi gui ah khan ah na mangkiang k’süm vai ah nakbäi te ci. Khan pughi gui ah ami ng’bum nak a siiptäng khomhtung ung ghangpughang ah mäih ah ngoh vai ah nang naw na ngai te ci.

JEREMIAH 48:26

Bawipa naw pyen ci, “Moab cu awktat sak vä, a i ah kyasei ci un gkei ana hnung tuk püi ah phäh ah kyak ci. Moab cu amät ah m’lauk ung ng’hkei khai, chang gui naw gaih tuk khai gui.

1 SAMUEL 17:26

David naw a pei ah ka gui cu ng’shi gui ne, “Shin ah Philistin chang ngawn ne Israel gui cäi ng’ä nak ung phyawn sak ciah chang naw a i gah khai ang? Ghing ciah Khanpughi ah gakap ghet taap ciah shin ah chang hei Philistin chang cu a u ang?” cik ci.

1 SAMUEL 17:36

Kei naw kawng gui la khawm gui cu ka ngawn ci, shin ah khuihei Philistin acun ah mäih ah ka cik khai, ani naw ghing ciah Khanpughi ah gakap gui cu gheet taap gui ci.

JEREMIAH 50:28

(Babilonia ah ka laut ne dawng lawk ci gui cu Jerusalem ah lawk ci gui, ngami naw a Taihü im ung Babilonia gui naw ami biahkhau ah Bawipa kami khanpughi naw a i cha ah phu a tuk cu pyen lawk ci gui nei.)

DANIEL 8:11

Khankho gakap gui ah manghta phi k’taap ne, ani am a hnüüptä ami douthak phi ng’düm sak ci.

DANIEL 11:12

Ani cu a näng ah phäh la chang akda a ngawn ah phäh ah chang ah ng’shei khai, cun ung phi ani cu k’täi ne kä näng hlawt khai.