DANIEL 5:2 - Cho Bible Common Language 2016

² Ani awk sangung Belshazzar naw thu k’bäi ne, apa Nebukhadnezzar naw Jerusalem Taigüim ungka a law pu’i ah ghui la ngui khap gui, khawk gui ung ami law püi vai ah pyen ci. Ghangpughang naw tüi gui sei, ani, abawi mang gui, ak chu gui, ak chu ba gui cu a cun gui ung awk ci gui.

DANIEL 5:2 Referans Kwoze

DANIEL 1:2

Bawipa naw ghangpughang Jehoiakim cu ani am pha sak ne, Taigüim ung m’kümcu ani am khäm sak ci. Ani naw thawng kyum amshah gui cu, Babilon ah amät ah khanpughi gui ah pum im ah hteh pui ne ami khäm ah m’küm gui cu pum im ah khawh gim nak ung tha gui ci.

2 GHANGPUGHANG GUI 24:13

Ani naw Taigüim ungka la mang im ungka khawchaam avan Babilon ah hteh püi ci. Bawipa naw angcä ah mäih ah, Nebukhadnezzar naw, Solomon ghangpughang naw Taigüim ung mang vai ah ghui awn a pyan ah khawh chaam gui cu avan m’shet yawp ci.

DANIEL 5:23

Nang naw khankho Bawipa hnung tuk püi ne, ani ah Taigüim ungka khap gui la khawk gui na law püi ci. Nang, na bawi ng’vai gui, na chu gui la na chuba gui naw a cun gui ung sapyit tui aw u ne, ghui, nui, kyei, m’sii, sing la lung awn ami pyan ah khanpughi gui cu m’hlüngtai ci gui — Cun ah khanpughi gui cu a i kä hmuk ci, a i kä ng’yak ci, a i phi kä hmat ciah kyak ci. Cun ung phi nang ah na ghin nak vai la na sih nak vai, m’hnüt bäi hning ne, na bi phung shum ciah Khanpughi cu kä na m’tamkhah ci.

2 GHANGPUGHANG GUI 25:15

Ngami naw ghui la ngui awn pyan gui phung phung, mei cak m’khäh nak ah khawk hta gui la amkang hta gui mah ah a päng avan hteh püi ci gui.

DANIEL 5:18

“Hlüngtai ciah Khanpughi naw na pa Nebukhadnezzar cu dämduh ciah ghangpughang ah pyang ne, bä khäk nak la bawimang nak cu pek ci nei.

DANIEL 5:13

Daniela cu ang ghit ah ghangpughang ah ma ah hteh püi u sei, ghangpughang naw ani cu pyen nak ci, “Nang cu ka pa ghangpughang naw Judah khaw ah ka a law püi ah Jew chang, omtu, Daniela ma?

DANIEL 5:11

Na uknak ah khaw ung chang tumat om ci, cun cu mum cha theing naw a om nak ah kyak ci nei. Na pa ghangpughang ah a kyak yah ung, cun ah chang naw, khanpughi gui ungka cüivai nak ah mäih ah kyak ciah nikiom nak, hmuhmat nak la cüivai nak gui cu m’dang ci nei. Ghangpughang Nebukhadnezzar, napa naw, cängbang ci gui, cee gui, tukaih ci gui, kho m’khin ci gui ung ang vaipi ah a tha nei.

DANIEL 5:4

ghui ni, ngui ni, kyei ni, m’sii ni, sing ni, lung ni awn ami pyan ah khanpughi gui cu m’hlüngtai ci gui.

JEREMIAH 52:19

Ngami naw ghui la ngui awn pyan phung cu hteh püi ci gui: Khawk hta gui, mei cak ami m’kawn nak ah hlaw k’am gui, khawihnah nak ah asi ami m’cun nak ah khawk gui, m’vut khawk gui, mei im ng’düi gui, tui ng’ui m’khih nak ah khawk gui, ami douthak ah sapyit tui ami shawi nak ah khawk gui phi hteh püi ci gui.

JEREMIAH 27:7

Chang pakhui avan naw ani ah bii bik khai gui, ani ah pakhui angkiak nak vai kä a gawk law pha ah chuih, ani ah hta la atu gui ah bii cu ngami naw bik khai gui. Cun kawn ah ani ah pakhui naw huham mah ciah pakhui la dämduh ciah ghangpughang ah bii cu bik khai gui.

2 SHONTÄP NAK 36:18

Babilonia ghangpughang naw Taigüim, Taigüim ung khawhcham, ghangpughang la a yungbawi gui ah khawhcham gui cu gut gui neta a päng cu Babilon ah hteh püi ci.

2 SHONTÄP NAK 36:10

Kho hting law khäta Ghangpughang Nebukhadnezzar naw Jehoiachin cu pha ne Babilonia ah hteh püi ci, Taigüim ungka khawhcham gui phi hteh püi ci. Nebukhadnezzar naw Jehoiachin ah pukhaw Zedekiah cu Judah la Jerusalem ung ghangpughang ah tha ba ci.

2 SHONTÄP NAK 15:16

Ghangpughang Asa naw a pighi Maakah, ghangpughang ah nu ah a kyak nak cu hen pek ci, a i ah kyasei ci ung ani naw kä teng phyak ciah khaw ng’lei ah ni nak khanpughinu Asherah ah gup a pyan ah phäh ah kyak ci. Asa naw a gup cu tu hnget ne, k’shom neta, akhui ah phyit ne Kideon khaw ng’nawi ung mei awn m’khih ci.

2 SHONTÄP NAK 11:20

Cun kawn ak Absalom ah hta Maakah ak chu nak tuba awn phli ah hta ci goi: Abijah, Attai, Ziza la, Shelomith.

2 SAMUEL 9:7

David naw, “Kä na kyih vai, na pa Jonathan ah phäh ah kei naw nang cu ka ning m’gein khai nei. Na pughi Saul ah päng ah khaw avan ka ning pe ba khai, nang cu ka tawnglang ung angtäi sei ka ning dou khai nei” cik ci.

EZRA 5:14

Nebukhadnezzar naw Jerusalem Taigüim ungka la ne Babilonia Taigüim kyong ah atha ah ghui la Taigüim ung mang ah ngui gui cu pe ba gui ci. Sairus naw cun gui cu Judah khaw uktu ah atha Sheshbayyar ming nak ciah chang ah a kut ung pe ba ci.

JEREMIAH 50:35

Bawipa naw pyen ci, “Babilonia ung sih nak gawk sä! Ak chang gui, a uk tu gui la cüi vai chang gui ung sih nak gawk sä!

DANIEL 5:3

Ghui khap gui la khawk gui cu ang ghit ah law püi u sei, ngami ami v an naw a cun ung sapyit tui cu awk ci gui,

DANIEL 5:30

A cun ah mü ung Babilon ghangpughang Belshazzar cu ngawn ci gui;