DANIEL 5:19 - Cho Bible Common Language 2016

¹⁹ Ani cu dämduh aih sei chang pakhui, chang pahta, chang nü avan naw kyihkyawk u ne, ng’hlet ci gui nei. Ani naw chang a ngawn hlü nüng ngawn ci, am ghin hlü nüng m’ghin ci, am tamkhah hlü nü m’tamkhah ci, am shuk chak hlü nü m’shuk chak ci.

DANIEL 5:19 Referans Kwoze

DANIEL 3:6

Cun ah kä m’khuuk dong ne kä khawihnah tui ciah chang cu ng’ai ne caang ciah meicaang ung ang ghit ah yuk shum vai nei ciah kyak ci.”

DANIEL 3:4

shätu chang tumat naw ak aw m’can ne,

ROMAN 13:1

Chang päng naw kho uk ciah bawi ah huham cu a läk vai nei. A i huham phi Khanpughi naw kä a m’hnüt ung kä om ci nei. Huham gah ne uk ciah khobawi cu Khanpughi naw m’hnüt ne am düih ah kyak ci.

JOHAN 19:11

Bawipa Jesuh naw, “Kei ah khan ah cun ah na bi nak hning vai cu, Khanpughi ah ning peit ah kyak ci. Nang ah kut ung kei na ap lawk ciah chang cu a katnak däm pi ci” cine pyen nak ci.

HABAKKUK 2:5

Mang cicu theileh ci, m’gäi cicu chang ah ng’shei ci, pheetlah ci. Sih nak ah mäih ah ami ng’büh nak kä om ci, a i ah kyasei ci ung ngami naw changpakhui päng tu ne khäm ci gui.

DANIEL 4:22

Ghangpughang aw, nang cu ng’shäi ne m’htungkhong ciah sing ghing ah na kyak ci. Nang dämduh ng’ghawtai ne khankho mik na han pha ci, nang ah huham naw khomdek khan avan küm ci nei.

DANIEL 3:29

“Tuhbäi kei naw thumkhän ka bik ci, changpakhui tumat, pahta tumat, khopäng tumt cu, Shadrak, Meshak, Abedneko gui ah Khanpughi kä chang m’sui ne ng’thu a pyen ah a kyak ung, ani cu tu pit pit ne, a im cu phye ne k’bum vai nei. A shin ah ma’ih ah gung hning ciah Khanpughi a hawi kä om ci nei” cik ci.

NG'THU K'THUUK~ 16:14

Cuivai ci naw ghangpughang a yei vai ah k’tha na ne k’pang ci, ghangpughang am lung she law ung chang tumat mat cu sik khai.

THU PHLAAN 5:9

ami m’cu ah ng’äi k’thai cu; “Nang cu shin ah ca k’chaw la ne, M’Hnüt nak gui khawk ne k’phian khai ah na khin ci nei, Nang cu ami ning ngawn nak la küikyan khai ah Na sih nak awn, khaw nüng ung thu a hlü hlü ah ng’thu ciah, Chang pakhui, ng’shon law phung cu, Khanpughi ah hmawk ah Na khleih ci nei.

2 GHANGPUGHANG GUI 25:28

Evilmerodak naw ani cu akni ah om püi ci, ani naw Babilonia ung a om püi gui ah a hei omptu ghangpughang gui ah ta, däm pi ciah m’tamkhah nak cu pek ci.

EZEKIEL 31:11

Kei naw cun cu hnu ng’tuk ne akho hei uktu am ka ap khai. Ani naw cun ah sing am amät ah shetkat nak awn ng’müi khai ah pek khai.

DANIEL 4:17

Shin cu cimgang ne tengkhen ciah khanchang ah m’hnüt bäi ah kyak ci. Cun ah kyasei khaw päng ung chang nü am hmat sak vä, hlüngtai ciah Khanpughi cu hnicim chang ah uknak khaw avan ah khan ah a huham om ci nei. Ani naw ak yawpi ah chang pang phi ghü ne a cun ah huham cu pe hning ci nei.’

DANIEL 11:3

“Cun kawn ah m’gäi ciah ghangpughang om lawk khai. Ani naw khaw ak chün uk ne ang yak hlü päng ci bik khai.

DANIEL 11:16

Tu law gui ciah Siria gui naw ami m’hni ah bii bik khai gui, a u naw kä hnungtuk püi gui khai. Ani cu shaitak ah khaw ung düi ne, cun ah khaw avan cu amät ah huham kyong ung chum khai.

DANIEL 11:36

“Siria ghangpughang naw amät ah m’hni ah bik khai. Ani cu khanpughi nü ah dämduh pi ne, hlüngtai ciah Khanpughi ah phi bämcam pi ciah pyen ne khähghah khai. Ani naw Khanpughi naw am kyuk ah khin ung khüt sei, a cun ah bik khai. Khanpughi naw a pawng püi ah mäih ah akcang ah bik khai.

THUSHÄUTU 8:3

Ghangpughang naw am’hni ah bi bi hning ci, cun ah kyasei ani ah ma ungka nami ng’nawn vai, cun ah mäih ah kyihkyawk vai ah hmun ung kä nami om vai.

DANIEL 4:19

Cun ung Daniela, Belteshazzar ah phi ami kh cu, cäicat aih neta a i phi kä pyen hlawt ne om ci. Ghangpughang naw ani am, “Belteshazzar aw, mang la mang ah mawng ung kä cäicat en ä” ci nak ci. Belteshazzar naw m’shang ne, “Mang la mang ah mawng cu nang ah phäh ah kä kya en ne na ga gui ah phäh ah a kyak vak ah kei naw ka ng’ya hlük ci nei.

DANIEL 11:12

Ani cu a näng ah phäh la chang akda a ngawn ah phäh ah chang ah ng’shei khai, cun ung phi ani cu k’täi ne kä näng hlawt khai.