DANIEL 5:18 - Cho Bible Common Language 2016

¹⁸ “Hlüngtai ciah Khanpughi naw na pa Nebukhadnezzar cu dämduh ciah ghangpughang ah pyang ne, bä khäk nak la bawimang nak cu pek ci nei.

DANIEL 5:18 Referans Kwoze

DANIEL 4:17

Shin cu cimgang ne tengkhen ciah khanchang ah m’hnüt bäi ah kyak ci. Cun ah kyasei khaw päng ung chang nü am hmat sak vä, hlüngtai ciah Khanpughi cu hnicim chang ah uknak khaw avan ah khan ah a huham om ci nei. Ani naw ak yawpi ah chang pang phi ghü ne a cun ah huham cu pe hning ci nei.’

LAMKTU 26:19

“Akrippa Ghangpughang mang! Kei naw khankho ah kaa ka hmuh cu kä pyein ah kä ka hlawt ci nei.

LAMKTU 26:13

Cun ah kami hteh yah, kho hnüüp lunglai ung, hni ah dei pi ciah ak dei cu, khankho ah kaa kya law ne, veing ne na shü law sei ka hmuk ci, kami ng’gui ci gui naw phi hmu tuk ci gui.

LAMKTU 7:48

“Cun ung phi hlüng tai pi ng’bäih ciah Khanpughi cu chang ah cawk ah im ung kä om ci. A i ah kyasei ci ung profet ah ng’thu pyein ung:

DANIEL 6:22

Khanpughi naw a khanchang cu phongkawng ah m’gawng bawm khai ah yuk chah law sei, kawng gui naw kä na cik ci gui nei. Ani naw cun ah abi cu a i ah kyasei ci ung, ani naw kei cu changniah na hmat ci, a i ah kyasei ci ung ghangpughang aw, nang ah khan ah kei katnak kä om ci nei” cik ci.

DANIEL 4:32

Nang cu chang hmu ungka ka ning k’täm pyi ci nei. Khisa gui awn atäng ah om ne, khokum chih ung seipat ah mäih ah khu na ei vai nei. Cun kawn ah nang naw na ng’kyaa vai cu, hlüngtai ciah Khanpughi ung hnicim chang ah uknak khaw ah khan ah a huham cu om ci nei, cun cu ani naw a ghü ah chang am pe hning ci nei.”

DANIEL 4:2

Hlüngtai ciah Khanpughi naw a nam hnuh ah cäicat gui vai la cäi aih gui vai cu ngai vä.

NG’ÄI KYAH 3:38

Ani ah thumkhän cu akni la akkaa naw atäng ah gah ci goi nei.

NG’ÄI KYAH 3:35

Ani ah na pek gui ah mi k’chaw ami na maa nak gui yah ung, ani naw hmat ci.

JEREMIAH 27:7

Chang pakhui avan naw ani ah bii bik khai gui, ani ah pakhui angkiak nak vai kä a gawk law pha ah chuih, ani ah hta la atu gui ah bii cu ngami naw bik khai gui. Cun kawn ah ani ah pakhui naw huham mah ciah pakhui la dämduh ciah ghangpughang ah bii cu bik khai gui.

SAM 92:8

Cun ung phi nang läi cu angtäi sei hlüngtai ciah Bawipa ah na kyak ci nei.

SAM 47:2

Bawipa, A hlüngtai pibäih cu kyih aa vai kyak ci nei; ani cu küikyang ciah ghangpughang, M’dekhan avan uk ciah kyak ci nei.

SAM 9:2

Nang ah hmawk ah yei ne ng’äi ka m’cu khai nei, A hlüngtai säih Khanpughi, ning m’hlüng m’tai ne ka ng’äi khai nei.

SAM 7:17

A ng’düng ah hmawk ah Bawipa cu ka m’hlüngtai ci, A hlüngtai säih Bawipa cu ng’ä awn ka m’taam ci.

THULÄÄN NAK 32:8

A hlüngtai säih ah Khanpughi, ami khaw pe gui ä, ani naw chang gui ami omnak vai m’hnütbäi pe gui ci. Ani naw pakhui päng ung khan khaw chang tumat ci m’düih pe gui ci.

2 GHANGPUGHANG GUI 25:28

Evilmerodak naw ani cu akni ah om püi ci, ani naw Babilonia ung a om püi gui ah a hei omptu ghangpughang gui ah ta, däm pi ciah m’tamkhah nak cu pek ci.

JEREMIAH 25:9

‘Kei naw a siiptäng ah chang gui avan la ka changshäm Babilonia ghangpughang Nebukhadnezzar cu ka tüi lawk khai. Judah gui la khaw mah gui cu hnungtuk ne tu u ne, ami pei leng ah khochang pakhui avan hnungtuk khai gui cu kei naw ka law püi khai. Kei naw shin ah pakhui la a pei leng ung ka gui cu ka m’di lawk khai, khonglän ung dii khai ah ka nawng khai, hmuk ciah chang cu cäicat ne ng’hlet khai. Kei, Bawipa naw ka pyen nei.”

JEREMIAH 27:5

“Dämduh ciah ka huham la ka thamah nak awn kei naw khomdek khan, changpakhui gui la khomdek khan ah om ciah khisa avan cu ka tüi pyang ci; cun cu kei naw ka ghü ah chang tumat mat am ka pek ci.

EZEKIEL 31:11

Kei naw cun cu hnu ng’tuk ne akho hei uktu am ka ap khai. Ani naw cun ah sing am amät ah shetkat nak awn ng’müi khai ah pek khai.

DANIEL 4:34

“Khokum chih ang pyi kawn ah ghangpughang naw, kei naw khankho mik cu han dan neta, ka ng’shüm nak gawk law ba ci. Kei naw hlüngtai ciah Khanpughi cu m’hlüngtai ne, angtäi ghing ci am m’tamkhah nak la bämang nak cu ka pek ci. “Ani naw khonglän ung uk khai nei, Ani ah uknak kho cu ngawiyä om khai nei.

DANIEL 5:21

Ani cu hnicim chang ungka k’äm u sei, amlung cu khisa ah mäih ah ng’lat ci. Ani cu pyama ng’sela gui awn atäng ah om ne, seipat ah mäih ah khu ei ci. Kho k’häu ung ip sei a i naw kä shung sei, k’daam naw book ci. Ak hnu ah hlüngtai ciah Khanpughi naw, hnicim chang ah uknak khaw avan shum ne, a ghü ah chang am huham pe hning ci, cicu ng’kyaa ci.

DANIEL 4:19

Cun ung Daniela, Belteshazzar ah phi ami kh cu, cäicat aih neta a i phi kä pyen hlawt ne om ci. Ghangpughang naw ani am, “Belteshazzar aw, mang la mang ah mawng ung kä cäicat en ä” ci nak ci. Belteshazzar naw m’shang ne, “Mang la mang ah mawng cu nang ah phäh ah kä kya en ne na ga gui ah phäh ah a kyak vak ah kei naw ka ng’ya hlük ci nei.