DANIEL 5:16 - Cho Bible Common Language 2016

¹⁶ Tuhbäi, ng’thup ciah mawng gui nang naw hmu hning ne, thuuk kau ci gui na k’phlan hning ciah kei naw ka ng’yak ci. Nang naw shin ca cu phat hning ne a mawng na na m’thein hning ah a kyak ung, nang cu bawimang suinu amvo ning m’sui ne, m’tam nak ah ghui äh ning m’awi vai, shin ah uknak ah khaw ung ak thum nak huham mah nak phi na gah khai.

DANIEL 5:16 Referans Kwoze

DANIEL 5:7

Ani naw m’lau ne chang tumat am, cäbang ci gui, cee gui la kho m’khin ci gui cu khü sak gui ci. Cun gui gawk law u khäta, ghangpughang naw pyen na gui ci, “Shin ah ca guk phat hning ne, amawng pyen hning ciah chang am, bawimang suinu amvo m’sui ne, m’tam nak ah ghui äh a gawn ung m’awi ne, shin ah uknak khaw ung ak thum nak ah huham mah nak cu pek vai nei” cik ci.

DANIEL 5:29

Belshazzar naw a chang shäm gui cu ang ghit ah ng’thu k’bäi gui ne, Daniela am mangyih suinu amvo m’sui sak gui ne, m’tam nak ah ghui äh a gawn ung m’awi sak gui ci. Cun kawn ah ani naw uknak khaw ung, ak thum nak ah huham mah khai ah pyang ci.

ATÜNNAK 40:8

Ngani naw, “Keini kani mang shek ci, cun ah mang k’phlan khai shin ung a u kä om ci nei” cik ci goi. Joseph naw, “Ng’mang cu cüivai nak pek ciah Khanpughi naw vah phlan hning ci, nani mang cu na m’thein ä” cik ci.

LAMKTU 8:18

Ang düihpüi gui naw ami kut ami taih nak ah chang gui, Mumcha Theing ami gah cu Simon naw hmu tu netah,

ATÜNNAK 41:15

Ghangpughang naw ani am, “Kei ka mang shek ci, cun cu a u naw kä phlan hlawt ci. Nang cu ng’mang na k’phlan thei ciah pyen ne na m’thei lawk ci gui.

ATÜNNAK 41:42

Mang ah m’hnüt nak ah a kutpyün ungka kutcüp cu suut neta Joseph am m’hnaak ci. Pä suinu akni am’sui ne ghui shawi phi m’äh ci.

DANIEL 2:6

Cun ung phi ka mang la a cun ah ng’phlan cu nami na m’thein hning ah a kyak ung, nangmi cu ning m’cümhnah gui ne, aktung ah ka ning m’tamkhah gui khai. Tuhbäi cun ah mang la cun ah mang cu k’phlan ne na m’thein law vä” cik ci.

DANIEL 2:48

Cun kawn ah ani naw Daniela am bawimang ak hlüng pi pe ne, am cümhnah nak akda pek ci, Babilon khopäng ung uktu ah tha ne, mang im angvai gui avan ung angvaipi ah tha ci.

DANIEL 6:2

Uktu gui ah khan ah tängpang ne ghangpughang ah phäh ah bilo khai ah Daniela la chang hnih cun phi ghü ne m’düih ci.