DANIEL 5:13 - Cho Bible Common Language 2016

¹³ Daniela cu ang ghit ah ghangpughang ah ma ah hteh püi u sei, ghangpughang naw ani cu pyen nak ci, “Nang cu ka pa ghangpughang naw Judah khaw ah ka a law püi ah Jew chang, omtu, Daniela ma?

DANIEL 5:13 Referans Kwoze

DANIEL 6:13

Cun kawn ah ngami naw ghangpughang am, “Daniela, Judah ah kaa omtu tumat naw nang ghangpughang cu kä ning chang m’sui ci nei, nang ah m’hnüt ah thukbäi cu kä läk ci nei. Ani cu hnüüp ät ung thum vei ci taigü ci nei” cik ci gui.

DANIEL 5:11

Na uknak ah khaw ung chang tumat om ci, cun cu mum cha theing naw a om nak ah kyak ci nei. Na pa ghangpughang ah a kyak yah ung, cun ah chang naw, khanpughi gui ungka cüivai nak ah mäih ah kyak ciah nikiom nak, hmuhmat nak la cüivai nak gui cu m’dang ci nei. Ghangpughang Nebukhadnezzar, napa naw, cängbang ci gui, cee gui, tukaih ci gui, kho m’khin ci gui ung ang vaipi ah a tha nei.

DANIEL 2:25

Acun vai am Arioch naw Daniela cu ghangpughang Nebukhadnezzar ah ma ah hteh püi neta, ghangpughang am m’thein ci, “Nang ghangpughang ah ng’mang phlan ne ning m’thein hning ciah Jew chang omtu tumat cu kei naw ka hmuk ci nei.”

JOHAN 7:3

Cun ah kyasei Bawipa Jesuh ah anau gui naw, “Nang ah bilawh gui cu ning läk lawk ciah chang gui naw, ami hmuhmat tu vai ah shin ungka pawng ne, Judea kho ah hteit baä,

EZRA 10:16

Cun ah tängpang nak cu omktu gui naw dou ci gui. Cun ah kyasei Taigü Ezra naw pahta gui ah ami ng’vai gui ungka gui cu m’düih gui ne, ami ming cu gu gui ci. A cha gha nak ah a hnüp ät nak ung tün ne, ami tächä nak cu bi u ne,

EZRA 6:16

Cun kawn ah Israel chang gui — taigü gui, Levit gui, la omktu khaw ah ka law ba ci gui ami van naw — Taigüim cu yeikyai ne ap ci gui.

EZRA 4:1

Judah la Benjamin chang gui ah ami ga gui naw Omktu khaw ah ka law ba ci gui naw Israel Khanpughi Bawipa ah Taigüim co law ba ci gui cicu ng’yak ci gui.

JOHAN 7:1

Cun kawn ah Bawipa Jesuh cu Kalile kho ah pawng ne hteit ba ci. Jew chang gui naw ngawn vai ah ami ng’ge cu hmat netah, Judea kho ah kä hteit ba hlük ci.

DANIEL 8:27

Kei cu khaw hnüüp akda ung ka m’lung na sei ka gaw pai ci, Cun kawn ah kei cu tho law ne, ghangpughang ah ana bi sak ah bi cu ka bik khai ah ka hteit ci. Cun ung phi muimang ah phäh ah ka m’lung gogan sei, a i phi kä ka hmat hlawt ci.

DANIEL 8:1

Belshazzar Ghangpughang ah a kyak nak a kum thum nak ung kei naw a hnih vai nak ah muimang ka hmuk ci.

DANIEL 5:18

“Hlüngtai ciah Khanpughi naw na pa Nebukhadnezzar cu dämduh ciah ghangpughang ah pyang ne, bä khäk nak la bawimang nak cu pek ci nei.

DANIEL 5:2

Ani awk sangung Belshazzar naw thu k’bäi ne, apa Nebukhadnezzar naw Jerusalem Taigüim ungka a law pu’i ah ghui la ngui khap gui, khawk gui ung ami law püi vai ah pyen ci. Ghangpughang naw tüi gui sei, ani, abawi mang gui, ak chu gui, ak chu ba gui cu a cun gui ung awk ci gui.

DANIEL 2:48

Cun kawn ah ani naw Daniela am bawimang ak hlüng pi pe ne, am cümhnah nak akda pek ci, Babilon khopäng ung uktu ah tha ne, mang im angvai gui avan ung angvaipi ah tha ci.

DANIEL 1:21

Daniela cu Persia ghangpughang Sairus naw Babilonia tu ne a näng güt ung mang im ung om lä ci.

EZRA 10:7

Omktu khaw ah ka law ba ciah chang avan cu Jerusalem ung ami ng’hmuh law vai ah Jerusalem la Judah khaw avan ung shä ci gui.

DANIEL 1:1

Judah kho ung Jahoiakim ghangpughang ah a kyak nak a kum thum nak ung Babilonia ghangpughang Nebukhadnezzar naw Jerusalem cu tu ne mang gaw cu koi ci.

DANIEL 1:2

Bawipa naw ghangpughang Jehoiakim cu ani am pha sak ne, Taigüim ung m’kümcu ani am khäm sak ci. Ani naw thawng kyum amshah gui cu, Babilon ah amät ah khanpughi gui ah pum im ah hteh pui ne ami khäm ah m’küm gui cu pum im ah khawh gim nak ung tha gui ci.

DANIEL 5:14

Nang cu theingcim ciah mümcha naw ning om na sei, bi nak hning, hmuhmat nak, cüivai nak, nang ung om ciah ka ng’yak ci nei.

DANIEL 1:6

Cun ah ami ghü gui cu Daniela, Hananiah, Mishael la Azariah ah kyak ci, ngami ami van cu Judah pakhui ungka ah kyak ci gui.