DANIEL 5:12 - Cho Bible Common Language 2016

¹² Ani ung a u ah kä bi hning bi nak hning om ci, cüivai ci, mang phlan nak hning om ci, thu yii la ak thuuk kau gui phi phlan hning ci; Cun ah kyasei Belteshazzar ah ghangpughang naw a ming a pek ah Daniela cu k’thäh ä. Ani naw shin ah mawng avan cu ning m’thein khai nei.”

DANIEL 5:12 Referans Kwoze

DANIEL 6:3

Daniel naw ahei tängpang ci guii la uktu gui ah ta bä pi khai ah a bi cu dang ci. Ani cu ang htei ah cüivai ci kya sei, uknak khaw avan ung ang vaipi ah tha vai ah ngai ci.

DANIEL 5:14

Nang cu theingcim ciah mümcha naw ning om na sei, bi nak hning, hmuhmat nak, cüivai nak, nang ung om ciah ka ng’yak ci nei.

DANIEL 1:7

Bawi angvai pi naw ngami cu ming akthai pe gui ci: cun gui cu Belteshazzar, Shadrak, Meshach la Abedneko ah kyak ci gui.

DANIEL 5:16

Tuhbäi, ng’thup ciah mawng gui nang naw hmu hning ne, thuuk kau ci gui na k’phlan hning ciah kei naw ka ng’yak ci. Nang naw shin ca cu phat hning ne a mawng na na m’thein hning ah a kyak ung, nang cu bawimang suinu amvo ning m’sui ne, m’tam nak ah ghui äh ning m’awi vai, shin ah uknak ah khaw ung ak thum nak huham mah nak phi na gah khai.

NG'THU K'THUUK~ 12:26

Düng ciah chang cu c teihpüi ah lam shüm ciah kyak ci. Cun ung phi changshe ah hteh nak ah lam naw lam hma sak ci.

DANIEL 4:8

Cun kawn ah Daniela cu lawk ci (ani cu Belteshazzar phi ming nam ci, cun cu ka Khanpughi ah ming ciah kyak ci) Theingcim ciah Khanpughi ah mümcha cu ani ung om ci, cun ah kyasei kei naw ka mang cu ka m’thein ci. Kei naw ka pyen nak ci:

SAM 16:3

Bawipa ah bekhüt ciah ak chang gui cu a i hlawk ah küikyang ci ang! Kei ah hlüngtai pi ciah yeikyai nak cu ngami awn atäng ah om ci nei.

NG'THU K'THUUK~ 17:27

Amat ngaih gep ciah chang naw akphlütt ah ng’thu ka pyen ci. Ak kyäpnep ah om ciah chang ah m’lung kyong ung cang nak om ci.

KOLOSE 1:29

Shin pyi phleh nak vai ah Bawi Khrit naw anam khüt nak la ka m’lung kyong ung a hnün thawh nak awn, küikyang ciah thagui cu mang ne, k’tha na k’cang ne, ng’khüi ne ka bik ci nei.

DANIEL 4:19

Cun ung Daniela, Belteshazzar ah phi ami kh cu, cäicat aih neta a i phi kä pyen hlawt ne om ci. Ghangpughang naw ani am, “Belteshazzar aw, mang la mang ah mawng ung kä cäicat en ä” ci nak ci. Belteshazzar naw m’shang ne, “Mang la mang ah mawng cu nang ah phäh ah kä kya en ne na ga gui ah phäh ah a kyak vak ah kei naw ka ng’ya hlük ci nei.

EZEKIEL 28:3

Nang naw Deniela ah mä na cüivai tuba ciah na ngai ci, nang ung a i kä m’zih vai ah na ngai ci.

DANIEL 2:26

Ghangpughang naw (Belteshazzar ah ami sui ah) Daniela cu pyen na ne, “Ka mang la cun ah mang phlan cu nang naw na na m’thein hning ne ma?” cik ci.

DANIEL 1:17

Khanpughi naw cun ah chang nong phli am, ng’thu la ca la ngaih thei nak, hmuhmat nak la m’khüt näng nak cu pe gui ci.

DANIEL 6:4

Ahei tängpang ci gui la uktu gui naw Daniela ah tängpang ne a uknak ung a hma nak hmuh vai ah tha nak ci gui. Cun ung phi kä hmu hlawt ci gui, a i ah kyasei ci ung Daniela cu ba” ciah kya ne hma nak la kä düng nak cu kä bi phung ci.