DANIEL 5:11 - Cho Bible Common Language 2016

¹¹ Na uknak ah khaw ung chang tumat om ci, cun cu mum cha theing naw a om nak ah kyak ci nei. Na pa ghangpughang ah a kyak yah ung, cun ah chang naw, khanpughi gui ungka cüivai nak ah mäih ah kyak ciah nikiom nak, hmuhmat nak la cüivai nak gui cu m’dang ci nei. Ghangpughang Nebukhadnezzar, napa naw, cängbang ci gui, cee gui, tukaih ci gui, kho m’khin ci gui ung ang vaipi ah a tha nei.

DANIEL 5:11 Referans Kwoze

DANIEL 4:18

“Shin cu kei ah mang nei,” cine, ghangpughang Nebukhadnezzar naw pyen ci, “Tuhbäi Belshazzar aw, cun ah mawng cu na m’thein ä, ka bawimang gui a u naw phi kä na m’thein hning ci nei, cun ung phi nang naw na hmat hning khai, a i ah kyasei ci ung theingcim ciah Khanpughi ah mümcha cu nang ung om ci.”

DANIEL 5:14

Nang cu theingcim ciah mümcha naw ning om na sei, bi nak hning, hmuhmat nak, cüivai nak, nang ung om ciah ka ng’yak ci nei.

THU PHLAAN 3:9

Ngai vä! Keimi cu Jew chang nei cine hleei ci gui ah Satan ah chang gui cu na khaw kaa ah kawp ne ka ng’phah sak gui khai. Kei naw ka ning m’hni gui cu ami van naw hmat khai gui.

LAMKTU 12:22

Chang gui naw, “Shin ah k’aw cu chang ah k’aw ah kä kyak ci Khanpughi ah k’aw ah kyak ci” ne cine m’lau ci gui.

DANIEL 2:11

Nang ghangpughang ah na ng’shi gui cu khak aih ci nei, khanpughi gui ah kawn ah a u naw kä bi hning khai nei, cun ah khanpughi gui cu chang gui awn atäng ah kä om ci gui nei” cik ci gui.

2 SAMUEL 14:17

Ka mät naw ka mät ka pyen ci bawi aw, na shaitak naw kei cu nak phyawn khai, a i ah kyasei ci ung ghangpughang cu Khanpughi ah khanchang ah mäih ah kya ne, ak ni, ak kaa cu m’khoi m’cha hning ci. Bawipa na Khanpughi cu nang awn a täng ah om sä!” cik ci.

LAMKTU 16:16

Kho hnüüp ät ung keimi cu taigü nak hmun ah kami hteh nak lam ah khoshe naw kai sei cecai ciah, ami changshäm hnumi hta tumat cu kami hmuk ci. Ani cu ak ce ng’cheng awn a bawi gui ah hmawk ah ngui akda gah ci.

LAMKTU 14:11

Chang gui naw Paul ah bi cu hmu u netah, “Khogam bawi gui cu chang ah ng’hlawk u ne mikmi ah gawk law ci gui nei” cine ami mät ah Likaonian thu awn m’lau ci gui.

ATÜNNAK 41:38

“Khanpughi ah mümcha naw a om nak ah shin ah Joseph ah mäih ah chang a hawi phi kä mi hmuk khai” cik ci.

EZEKIEL 28:3

Nang naw Deniela ah mä na cüivai tuba ciah na ngai ci, nang ung a i kä m’zih vai ah na ngai ci.

DANIEL 1:4

Cun gui cu kyom sang khai gui, hmuhmat khai gui, cüivai khai gui, ng’thei thang hning khai gui, ami pumsa ung pyen vai kä om khai, cun ah kyasei cun gui cu ghangpughang ah im ung bii bi hning khai gui. Ashpenaz naw cun gui cu Babilonian ca gui thei, phat thei khai gui ah am thei gui vai ah phi kyak ci.

DANIEL 2:22

Ani naw thuuk ci la ng’thup ci gui cu dang sak ci nei; Ani naw hmüp khui ung ng’thup cicu hmat ci nei, ani amät cu akdei naw ng’vong ci nei.

DANIEL 5:7

Ani naw m’lau ne chang tumat am, cäbang ci gui, cee gui la kho m’khin ci gui cu khü sak gui ci. Cun gui gawk law u khäta, ghangpughang naw pyen na gui ci, “Shin ah ca guk phat hning ne, amawng pyen hning ciah chang am, bawimang suinu amvo m’sui ne, m’tam nak ah ghui äh a gawn ung m’awi ne, shin ah uknak khaw ung ak thum nak ah huham mah nak cu pek vai nei” cik ci.

EZEKIEL 28:4

Na cüivai nak la na m’khüt näng nak naw ghui ngui m’küm ne ning bühmang sak ci.

DANIEL 4:5

Cun ung phi ka ih sangung kyihkyawk vai ah ka ng’mang she sei, cäi ng’ä vai ah muimang ka hmuk ci.

DANIEL 4:6

Cun ah mang ah mawng na m’thein khai gui ah Babilon ung bawi mang gui avan cu thu khän ne ka khü gui ci.