DANIEL 4:7 - Cho Bible Common Language 2016

⁷ Cängbang ci gui, cee gui, tukaih ci gui, kho m’khin thei ci gui, ami van law püi gui u sei, kei naw ka mang cu ka m’thein gui ci. Cun ung phi cun ah mawng cu ngami naw kä na m’thein hning ci gui.

DANIEL 4:7 Referans Kwoze

ISAIAH 44:25

Kei naw cängbang ci gui cu akgu ah kyak sak gui ne, cecai ci gui ah pyen gui ka m’shet yawp ci. Cüivai ci gui ah ng’thu cu kei naw k’beng ne, Ngami ah cüivai nak cu gu-aang nak ah a kyak ah mawng ka dang sak ci.

DANIEL 2:7

Ngami naw ghangpughang cu pyen na bamä ci gui, “Na mang bäng na na m’thein gui ah a kyak ung ka mi phlan hning khai nei” cik ci gui.

DANIEL 2:27

Daniela naw, “Ghangpughang aw, cun ah ng’mang ning m’thein hning ciah, a u phi cuun ci, ce k ci, cängbang ci, pui kaih ci, kä om ci nei.

DANIEL 2:10

M’cumcäi ci gui naw, “Kami ghangpughang aw, nang naw na hmat hlü ah mawng ning m’thein hning ci khomdek khan ung a u kä om ci nei. A u ghangpughang, dämduh pikbäih ci, huham mah pikbäih ci naw phi, a chang gui, ng’cäbang ci gui, ceek ci gui, cun gui am cun ah mäih ah kä shi thäh gui man ci nei.

ATÜNNAK 41:8

Ghangpughang cu ang’ä ai neta, a ngawi ung kho ngawi, puikaih gui la chang vai gui cu khü gui ne, ang mang cu m’thein gui ci. Cun ung phi a u naw kä k’phlan thei ci.

ATÜNNAK 41:24

Akpim gui naw ang tak gui cu m’zaw ci gui. Puikaih gui am ka mang ka m’thein gui pyi ci, cun ung phi a u naw kä phlan thei ci” cine m’thein ci.

DANIEL 1:4

Cun gui cu kyom sang khai gui, hmuhmat khai gui, cüivai khai gui, ng’thei thang hning khai gui, ami pumsa ung pyen vai kä om khai, cun ah kyasei cun gui cu ghangpughang ah im ung bii bi hning khai gui. Ashpenaz naw cun gui cu Babilonian ca gui thei, phat thei khai gui ah am thei gui vai ah phi kyak ci.

DANIEL 3:8

Acun ung Babilonian gui naw Jew k’bu “n ne thu ami sha “u nak vai om lawk ci.

DANIEL 4:18

“Shin cu kei ah mang nei,” cine, ghangpughang Nebukhadnezzar naw pyen ci, “Tuhbäi Belshazzar aw, cun ah mawng cu na m’thein ä, ka bawimang gui a u naw phi kä na m’thein hning ci nei, cun ung phi nang naw na hmat hning khai, a i ah kyasei ci ung theingcim ciah Khanpughi ah mümcha cu nang ung om ci.”

DANIEL 5:7

Ani naw m’lau ne chang tumat am, cäbang ci gui, cee gui la kho m’khin ci gui cu khü sak gui ci. Cun gui gawk law u khäta, ghangpughang naw pyen na gui ci, “Shin ah ca guk phat hning ne, amawng pyen hning ciah chang am, bawimang suinu amvo m’sui ne, m’tam nak ah ghui äh a gawn ung m’awi ne, shin ah uknak khaw ung ak thum nak ah huham mah nak cu pek vai nei” cik ci.

DANIEL 5:8

Bawi ng’vai gui cu lawk ci gui, cun ung phi a u naw phi cun ah ca guk cu kä phat hning ci, amawng phi ghangpughang am kä m’thein hning ci.

SAM 37:35

Hnü ät ung m’ghämce ciah chang she tumat cu ka hmat ci, Ani naw Lebanon ah cedar sing ghing ah mäih ah avan cu k’she nak ci.

EZEKIEL 31:3

Nang cu Lebanon ah Cedar sing ah mäih ah na kyak ci. Cun ah sing cu kyom ne ang ban gui awn hnim ci, Ng’ng’shäi aih ne khonmei han pha ci.