DANIEL 4:32 - Cho Bible Common Language 2016

³² Nang cu chang hmu ungka ka ning k’täm pyi ci nei. Khisa gui awn atäng ah om ne, khokum chih ung seipat ah mäih ah khu na ei vai nei. Cun kawn ah nang naw na ng’kyaa vai cu, hlüngtai ciah Khanpughi ung hnicim chang ah uknak khaw ah khan ah a huham cu om ci nei, cun cu ani naw a ghü ah chang am pe hning ci nei.”

DANIEL 4:32 Referans Kwoze

DANIEL 5:21

Ani cu hnicim chang ungka k’äm u sei, amlung cu khisa ah mäih ah ng’lat ci. Ani cu pyama ng’sela gui awn atäng ah om ne, seipat ah mäih ah khu ei ci. Kho k’häu ung ip sei a i naw kä shung sei, k’daam naw book ci. Ak hnu ah hlüngtai ciah Khanpughi naw, hnicim chang ah uknak khaw avan shum ne, a ghü ah chang am huham pe hning ci, cicu ng’kyaa ci.

JEREMIAH 27:5

“Dämduh ciah ka huham la ka thamah nak awn kei naw khomdek khan, changpakhui gui la khomdek khan ah om ciah khisa avan cu ka tüi pyang ci; cun cu kei naw ka ghü ah chang tumat mat am ka pek ci.

JOSHUA 4:24

A shin ah phäh ah m’dek khan ung om ciah chang päng naw, Bawipa ah a huham a i hlawk ah däm ci, cicu hmat khai nei, nangmi naw Bawipa nami Khanpughi cu khonglän ung nami m’tamkhah vai nei.”

PHYAWN NAK 9:29

Moses naw ani am, “Kei shin ah mang gaw ungka ka luh law vai am, kei cu ka kut shäng ne Bawipa ah ka taigü khai nei. Khaw hmumkyeek ng’düm ne gääi phi kä kya law ba khai. Cun ung nangmi naw khomdek cu Bawipa ah khäm ah kyak ciah nami hmat khai.

PHYAWN NAK 8:10

Ghangpughang naw, “Kei ah hmawk ah ngawi ung taigü ä” cik ci. Moses naw, “Na k’thäh ah mäih ah kei naw ka bik khai, Bawipa, kami Khanpughi ah mäih a hei khanpughi kä om ci, cicu nang naw na hmat khai.

ISAIAH 37:20

Tuhbäi, Bawipa kami khanpughi, Assirian gui ah kut ung na gung gui ä, cun ung khomdek khan ah chang pakhui avan naw nang bäng cu khanpughi ah na kyak ciah hmat khai gui nei.”

PHYAWN NAK 9:14

Tuhbäi ung na bawi gui la na chang gui bäng kä m’kiuk ne, na mät phi ka ning m’kyuk khai. Cun ung khaw ah ka ah kei ah mäih a u kä om ci, cicu nang naw na hmat khai.

ISAIAH 45:3

Hmüp khui ah ng’thup ciah hmun ung ka khawh cham cu kei naw ka ning pe gui khai; cun kawn ah nang naw kei cu Bawipa ah ka kyak la Israel khanpughi naw na ming ung aning khü cu, na hmat khai.

2 SHONTÄP NAK 33:13

Khanpughi naw Manasseh ah taigü cu dou pe ne, m’shang ne, Jerusalem ah hteh ba sak ne, uk ba sak ci. A cun naw Manasseh am, Bawipa Khanpughi ah a kyak cu hmat sak ci.

DANIEL 2:21

Ani naw akhin la khokhi aa cu k’pang ci nei; Ani naw ghangpughang cu hmoh ne chah ba ne cik ci nei; Ani naw cüivai nak la hmuhmat nak cu pek ci nei.

DANIEL 4:31

Ng’thu lung am gawng ung kä a luh law pha ung, khankho ah ka ng’thu k’aw gawk lawk ci, “Ghangpughang Nebukhadnezzar, kei ah ka ng’thu cu ngai ä Na mang-im huham cu tuhbäi nang ungka ka lak pyi nei.

JOB 9:12

Ani naw ang yak hlü bi sei a u naw kä ng’düm sak hlawt ci; “A i cu na bi?” cine a u naw kä ng’shi dat ci.

JOB 42:2

Bawipa, ka hmat ci nei, nang cu avan ung na huhamah pikbäih ci. Na ng’yak hlü avan na bi hning ci.

SAM 115:3

Kami Khanpughi cu khankho ah om ci; Ani naw ang yak hlü phung bik ci.

SAM 135:6

Khankho la khomdek ung, tuinu la tuinu ah ka ung Ani naw ang yak hlü phung cu bik ci.

ISAIAH 40:15

Bawipa ah ma ah chang pakhui gui cu akholä nei, Tui m’ceu ät hlawk ah phi kä kyak ci gui nei: A shou nak ah khawkawng gui cu m’vut ah mäih ah yaang ci gui nei.

ISAIAH 40:17

Chang pakhui gui cu ani ah ma ah akholä ah kyak ci gui nei.