DANIEL 4:27 - Cho Bible Common Language 2016

²⁷ Cun ah kyasei ghangpughang aw, kei ah m’cäicat nak cu läk ä. Hmakat nak cu nawng ne düng nak cu bi ä, dukhaih cicu chimgein ä. Cun kawn ung nang cu k’täi ne na bühmang khai nei.”

DANIEL 4:27 Referans Kwoze

JONAH 3:9

Khanpughi naw am lung m’thawng ei hman khai, am lungshe nak m’düm ei hman khai, cun ung mikmi kä mi sik khai!” cik ci gui.

LAMKTU 8:22

Cun ah na shet kat ah phäh ah nang yu ba vai, Cun ah na ngaih tüh cu Khanpughi naw a ning m’gein vai ah nak taigü vai.

LUKA 11:41

Cun ah nami bi ung nangmi ah hmawk ah avan theingthap khai nei.

EPHESIAN 4:28

M’gu man ciah chang phi käm gu-en ba ne, khüighaat ne hnüntho ne, amät ah hnun m’ghin ne, pyamtham ci phi am hteihtang tu hning vai ah tha na sä.

KALATIAN 5:13

Ka phäi nau gui aw, nami ng’päiyee khai ah Khanpughi naw ning khü gui pyi ci nei. Cun ung phi cun ah ng’päiyee nak awn pumsa ah ng’yak hlü kä nami läk-en vai nei. M’hni nak awn tumat la tumat nami ng’chaan tu vai nei.

NG'THU K'THUUK~ 16:6

Hlakham ne nami bekhüt vai, Khanpughi naw nami katnak ning geinsei gui khai, Bawipa nami lak vai, nangmi ung akshe ka gawk lawk khai.

1 PETER 4:8

A mawng ama avan ung akcang ah nami ng’yumhni tu vai, a i ah kia sei ci ung m’hni nak naw, cheishoh nak avan cu a khüm ah hmawk ah kyak ci.

MATTHE 3:8

Akcang ah nami ng’yu ba ah mawng cu nami om ih awn nami m’dang vai nei.

EZEKIEL 18:7

Ani cu kä thuvi khai, Chang ah kaa kä gut tep khai. Ani naw ami kyän law phi pe ba gui ci; cawi ci am ei m’bei ci, k’plui ciam sui m’sui ci.

NG'THU K'THUUK~ 28:13

Na hmakat nak cu k’tha na ne na thuh ah a kyak ung, na ghin nak ung ngawi ah phi ka na naing khai. Na ng’kiaa yawp vai na nawng yawp vai: cun ung Khanpughi naw ning m’gein khai.

1 GHANGPUGHANG GUI 21:29

“Ahab naw kei ah ma ah a i hlawk ah amlung ang neim sak cu nang naw na hmu ne ang? Ani cu cun ah kyak ci kyasei, ani a ghin yah ung ani ah khan ah kei naw leigai kä ka law püi khai nei; Ani ah a hta gui ah ghin yah ung Ahab ah kyongkhui ah khan ah kei naw leigai ka law püi khai nei.”

LAMKTU 26:20

Damaskas ung tün ne, Jerusalem, Judea kho avan ung la chang pakhui hei gui am, “Ami katnak ung ng’yu ba ne, Khanpughi ah ami ng’hlah law ba vai la ng’yu pyi ciah chang ah mäih ah ami om ih gui vai cu, m’thein gui ne, ng’thu ka pyein ci nei.

SAM 119:46

Na thumkhän gui cu kei naw ghangpughang gui ah ma ah ka ng’shäu khai, kei cu kä ka lü ng’aa khai.

KALATIAN 5:22

Cun ung phi Mumcha ah m’theih tak läi cu, m’hni nak, yeikyai nak, dimdeeih nak, hnimgei nak, ng’awi ng’gi nak, ni kyom nak, bekhüt nak;

KALATIAN 5:6

Mikmi cu Bawi Khrit Jesuh ung mi kawng ät kawn ah, vun ah la kä ah cu ak tung ah kä kyak ci, ak tung cu m’hni nak dang sak ciah yum nak ah kyak ci.

2 KORIN 5:11

Keimi cu Khanpughi kami kyih aa ci kya ne, chang gui cu kami m’cäi m’ä gui ci. Khanpughi naw mikmi cu na hmat gui yüm ci; nangmi naw kei ah mawng cu nami m’lung kyong ah, nami hmat yüm khai ah ka ngai ci.

LAMKTU 24:25

Cun ung phi Paul naw, ni kyom nak ah mawng, htingling vuihgiip nak ah mawng, la gawk law khai ah m’khoichaa nak ah mawng gui cu, tän ne pyein khätah, Felix cu kyikyawk law netah, “Tuk bäi na hteit ba hning ci, cän kawn ah a khin a om nak ung ka ning khü law ba khai” cine pyen nak ci.

JOEL 2:14

Bawipa nami Khanpughi naw amlung thawng ei hman khai bämang ciah geit kaw awn hriham ning pe gui khai nei. Cun ung nangmi naw htang la sapyit tui nami douthak hning khai.

THULÄÄN NAK 24:13

acun ah mühun päng ung m’hlat ne pek ba vai, cun ah kyasei ani aih ung ang khuih vai om khai. Cun ung ani naw bä ci, cik khai, Bawipa na Khanpughi naw nang ning yei nak khai.

JEREMIAH 29:7

Thawng kium ah kya ne nami hteh vai ah ka ning bi nak gui mang gaw gui ah ni nak vai, a i ah kyasei ci ung ngami ami bühmang law ung nangmi phi nami bühmang tuk khai.

JEREMIAH 38:20

Kei naw pyen ne, “Nang cu ngami am kä ning ap khai gui nei. Bawipa ah ng’thu na ngaih vai ah ka ning m’cäi ci nei; cun ung avan cu bä khai, nang ah ghin nak phi phyawng khai nei.

ATÜNNAK 11:4

Cun kawn ah ngami naw, “Mang gaw k’süm ne khankho ah hang gawk khai ah tänghän mi co khai. Cun ung mi mät naw mi mät mi mingthang sak ne, khomdek khan ung kä ng’phyeek ng’pai ne mi om khai” cik ci gui.

THULÄÄN NAK 8:17

Cun ah kyasei nami mät ah thagui la huham awn nami mät naw bämang nak nami bik ciah kä nami ngaih en vai.

THULÄÄN NAK 32:27

Kei naw ami ga gui cu kä ka khähghah sak gui khai. Ka chang gui cu ngami naw hniim khai gui. Kei ka mät naw ka cigep gui khai.

NG'THU K'THUUK~ 11:2

Chang ah ng’shei cicu tuhbäi ge thui aa nak om khai. Cüvai pi cicu bä tu pi khai.

ISAIAH 10:13

Assiria ghangpughang naw khähghah ne a pyen cu, “Shin gui avan cu ka mät naw ka ci nei. Kei cu ka gaigawng ci, ka cüivai ci, ka lunglang ci. Kei naw chang pakhui gui ah ng’lak ung khawgi gui cu phye ne, ami gim ah eiawk gui cu ka lak ci nei. A cun ung om ciah chang gui ah khan ah kei naw vantang ah mäih ah ka kai na gui ci nei.

ISAIAH 47:8

Hüithaw nak m’hni tu aih ciah chang, shin cu Ngai ä, Nang cu ng’geing sei om ne na phyawng ciah na ngai ci. Nang naw, khanpughi ah mäih ah na dämduh ci, nang ah mäih a u kä om ciah na ngai ci. Nang naw a i yah ung phi hmeinu ah kä na kyak khai ah na ngai ci. Na hta gui a maih ah phäh ah na geinvai khai ah kä na ngai ci.

ISAIAH 47:10

“Nang cu akshe bi neta na bä ciah na ngai ci, a u naw kä ning hmuk ciah na ngai ci. Na cüivai nak la na lulang nak naw lam ning hma sak ci nei, Namät naw namät na pyen ci, ‘Kei cu khanpughi. Kei ah mäih a u kä om ci nei.’

EZEKIEL 29:3

Na pyen vai, shin cu uktu Bawipa naw Egypt ghangpughang am a pyen nak nei: Kei cu nangmi ah na ga nei, nangmi tuinu ung ng’zän ciah k’phyu k’saam gui. Nang naw Nile tuinu cu nang ah kaa, nang ah pyan ah na pyen ci.

EZEKIEL 29:9

Egypt cu chang ah kä om nak a ghawng ah kyak khai. Cun kawn ah nangmi naw kei cu Bawipa ah nami na hmat khai. Nang naw Nile tuinu cu, na kaa na pyan ah na pyen ah phäh ah

AMOS 6:13

Nangmi naw Lodebar gawnu näng neta nami längtang ci. “Karnaim gawnu khäm vai ah kami khüighat ci nei,” cine nami khäh ghah ci.

HABAKKUK 1:11

Ngami cu khokhi ah mäih ah maih ne ng’kawn ci gui. Ami mät ah huham cu ami Khanpughi ah kyak ci nei.”

ZEPHANIAH 2:15

Shin cu amät ah huham awn khähghah ne, phyawn pyi nei cine, ngai ciah mang gaw ah khan ah kya lawk khai ah amawng gui ah kyak ci. A chang gui naw ami mang gaw cu khomdek khan ung dämduh pikbäih ciah ngai ci gui. A i hawkcha ah shiu ciah hmun ah kya lawk khai aw? Pya masa gui ah lum nak ah hmun ah kya lawk khai nei! Sunpah ciah chang pang naw kyih ne hteh tak khai gui nei.