DANIEL 4:19 - Cho Bible Common Language 2016

¹⁹ Cun ung Daniela, Belteshazzar ah phi ami kh cu, cäicat aih neta a i phi kä pyen hlawt ne om ci. Ghangpughang naw ani am, “Belteshazzar aw, mang la mang ah mawng ung kä cäicat en ä” ci nak ci. Belteshazzar naw m’shang ne, “Mang la mang ah mawng cu nang ah phäh ah kä kya en ne na ga gui ah phäh ah a kyak vak ah kei naw ka ng’ya hlük ci nei.

DANIEL 4:19 Referans Kwoze

DANIEL 8:27

Kei cu khaw hnüüp akda ung ka m’lung na sei ka gaw pai ci, Cun kawn ah kei cu tho law ne, ghangpughang ah ana bi sak ah bi cu ka bik khai ah ka hteit ci. Cun ung phi muimang ah phäh ah ka m’lung gogan sei, a i phi kä ka hmat hlawt ci.

DANIEL 7:28

Shin cu ka ng’mang ah mawng ang pyi nak ah kyak ci. Kei cu ang htei ah kyikyawk neta ka ng’haam ci, a cun gui avan cu ka m’lung ung ka tha ci.

DANIEL 4:24

“Ghangpughang aw, cun ah amawng cu, hlüngtai ciah Khanpughi naw nang ah khan ah a i ah kya lawk khai cicu ang dang sak ah kyak ci nei.

JEREMIAH 4:19

Nat nak! Nat nak kä ka m’khüt hlawt ci! Ka m’lung m’sin! Ka m’lung m’sin ng’tum ci nei! Kei adüm ah kä ka om hlawt ci; Kei naw phyung heng k’aw gui la, ng’tuk nak gui ka ng’yak ci nei.

1 SAMUEL 3:17

Eli naw, “Bawipa naw a i ang a ning m’thein. A i phi kei am kä na na m’zih vai. Ani naw a pyen päng kä na na m’thein ah a kyak ung Khanpughi naw aktä ah ning m’kyuk khai,” cik ci.

HABAKKUK 3:10

Khomhtung gui naw ami ning hmuh ung ng’thüng ci gui, khomik ungka tui phu ne kya lawk ci. Khomdek ah kaa ah tui gui gaai ci gui, ami tui hnawk gui ak hlüng tho lawk ci.

DANIEL 7:15

Ka hmuh ah muimang naw na cäicat sak sei kei ang htei ah ka cäi ci.

DANIEL 5:12

Ani ung a u ah kä bi hning bi nak hning om ci, cüivai ci, mang phlan nak hning om ci, thu yii la ak thuuk kau gui phi phlan hning ci; Cun ah kyasei Belteshazzar ah ghangpughang naw a ming a pek ah Daniela cu k’thäh ä. Ani naw shin ah mawng avan cu ning m’thein khai nei.”

DANIEL 2:26

Ghangpughang naw (Belteshazzar ah ami sui ah) Daniela cu pyen na ne, “Ka mang la cun ah mang phlan cu nang naw na na m’thein hning ne ma?” cik ci.

DANIEL 1:7

Bawi angvai pi naw ngami cu ming akthai pe gui ci: cun gui cu Belteshazzar, Shadrak, Meshach la Abedneko ah kyak ci gui.

JEREMIAH 29:7

Thawng kium ah kya ne nami hteh vai ah ka ning bi nak gui mang gaw gui ah ni nak vai, a i ah kyasei ci ung ngami ami bühmang law ung nangmi phi nami bühmang tuk khai.

1 GHANGPUGHANG GUI 18:7

Obadiah naw a hteh nak ah lam ung ang ghit ah Elijah cu hmuk ci. Ani naw Elijah cu hmat ba neta, ama ah kawp ne, saya, nang Elijah ang?” cik ci.

1 SAMUEL 26:15

David naw, “Abner, nang cu Israel ung akdäm duh pi ah chang ma? A i ah kyasei na bawi, ghangpughang cu kä na ngäng m’khüt ang? Tuhbäi chang tumat naw na bawi ngawn khai ah phung kyong ah lut ci nei.

1 SAMUEL 24:8

David naw a hnu ah läk law neta ani cu khü ci, “Bawi mang aw!” Saul cu ng’hlat law khäta, David naw m’dek ung m’khukdong ne, chang m’sui neta,

1 SAMUEL 1:15

“Ka, Saza, kei kä ka awktat ci nei, a i kä ka awk ci nei! Kei ka geinvai ci, ka taigü ci, ka khüikha nak cu Bawipa ung ka lawn ci nei.

PHYAWN NAK 32:32

Na bä ni, ami katnak m’geinsei gui ä; kä na m’gein gui vai ung, na chang gui ah ming na guk nak ah ca-uk ung kei ah ming cu na pheng vai nei” cik ci.

ATÜNNAK 32:18

“Shin gui cu changshäm Jakob ah kaa gui nei, a bawi Esau am a pek vai ah kami law püi nei. Jakob a mät phi hnu ah lawk ci nei” cine nami pyen vai cine m’cäi gui ci.

ATÜNNAK 31:35

Rachelah naw apa am, “Na ma ah kä ka ng’düih law cu kä na na gen vai nei, kei cu ka cha shui om yah ci nei” cine pyen nak ci. Laban naw a i ah shui ne phi a khanpughi cu kä hmuk ci.

ATÜNNAK 40:12

Joseph naw, “Cun ah a mawng cu, ang ban thum cu hnüüp thum ah kyak ci.

DANIEL 2:37

Ka ghangpughang, nang cu ghangpughang gui avan ung na dämduh pikbäih ci nei. Khanpughi naw nang cu Uktubawi ah nin pyang ci, huham, m’gäi nak la m’tamkhah nak ning pek ci.

DANIEL 5:18

“Hlüngtai ciah Khanpughi naw na pa Nebukhadnezzar cu dämduh ciah ghangpughang ah pyang ne, bä khäk nak la bawimang nak cu pek ci nei.

DANIEL 5:19

Ani cu dämduh aih sei chang pakhui, chang pahta, chang nü avan naw kyihkyawk u ne, ng’hlet ci gui nei. Ani naw chang a ngawn hlü nüng ngawn ci, am ghin hlü nüng m’ghin ci, am tamkhah hlü nü m’tamkhah ci, am shuk chak hlü nü m’shuk chak ci.