DANIEL 4:17 - Cho Bible Common Language 2016

¹⁷ Shin cu cimgang ne tengkhen ciah khanchang ah m’hnüt bäi ah kyak ci. Cun ah kyasei khaw päng ung chang nü am hmat sak vä, hlüngtai ciah Khanpughi cu hnicim chang ah uknak khaw avan ah khan ah a huham om ci nei. Ani naw ak yawpi ah chang pang phi ghü ne a cun ah huham cu pe hning ci nei.’

DANIEL 4:17 Referans Kwoze

DANIEL 4:25

Nang cu hnicim chang ungka ning täm khai gui, khisa gui awn ata’ng ah nami om khai. Nang cu khokum chih ung seipat ah mäih ah khumghaw na ei khai. Kho häu ung na ip khai, khüi naw ning book shi khai. Cun kawn ah hlüngtai ciah Khanpughi naw hnicim chang ah uknak khaw avan k’pang ne, a ghü ah chang am pe hning ci, cicu nang naw na ng’kyaa khai.

DANIEL 2:21

Ani naw akhin la khokhi aa cu k’pang ci nei; Ani naw ghangpughang cu hmoh ne chah ba ne cik ci nei; Ani naw cüivai nak la hmuhmat nak cu pek ci nei.

1 SAMUEL 2:8

Ani naw dukhaih ci gui cu m’vut ung ka yu chang gui ci, cawi gha ci gui cu geinvai nak ung ka han m’tam gui ci. Ani naw mang hta ng’piang ah teihpüi ah pyang gui ne, küikyang ciah bawi mang nak m’hnawn gui ci. Khomdek ah ang düih nak cu Bawipa naw khäm ci; Cun ah khan ah ani naw khaw ng’lei han k’süm ci.

1 KORIN 1:28

Khanpughi naw khomdek khan ung chang naw bä ciah ang ngaih gui m’shet nak vai ah, chang ah yaw k’she nak, chang ah päipih gui cu ghü gui ci.

DANIEL 11:21

Khanchang naw hteit ne am thein cu, “Cun kawn ah ka Siria ghangpughang cu changshe ah kyak khai, ghangpughang ah kä khin ciah kyak khai, ani naw kä ngaih-tüh ah law ne huham khäm khai.

PHYAWN NAK 9:16

Cun ung phi ka huham ka ning m’dang nak ah ka ning ghin sak khai, cun ung kei ah ka m’gäi nak cu m’dek khan avan ung gawk khai.

EZEKIEL 25:17

Kei naw ngami cu aknui ah m’kyuk gui ne, ngami ah khan ah akbe ah phu ka tuk khai. Ngami naw kei ah m’lungshe nak cu gah khai gui. Cun kawn ah ngami naw kei cu Bawipa ah na hmat khai gui.”

EZEKIEL 7:24

Kei naw akshekha pikbäih ah pakhui gui shin ung law püi gui ne, nami im gui ka nin guh sak gui khai. Nami khawihnak nak ah hmun gui cu cun ah pakhui gui am ka m’shet law sak gui ah a kyak ung, k’thamah pikbäih ciah name chang gui cu ami m’lung thüi ne ami k’tha maih khai.

ISAIAH 6:3

Ngami tumat la tumat ng’khü tu u ne: “Atheing, atheing, atheing! M’gäi ciah Bawipa cu atheing? Ani ah bäingang hak naw khomdek be sak ci nei.”

SAM 9:16

Bawipa naw amät ah düng ciah am khoicha nak awn amät cu dang sak ci nei. Changshe gui cu ami mät ah shetkat nak ung ng’awk ci gui nei.

1 GHANGPUGHANG GUI 21:25

(Ahab ah mäih ah Bawipa täng ah akshe bi vai ah akbe ah ng’ap cicu a u kä om ci — avan cu akchu Jezebela ah tooktam ah kyak ci.

THU PHLAAN 4:8

Cun ah khiküi paphli cu, ami ng’phia pachuk ci lawk ci, ami pum akpung akyong avan ung mik bäng ah kyak ci. Amü ak hnüüp ngami cu kä ng’düm phung ne ng’äi m’cu u ne; “Aktheing, aktheing, aktheing cu Bawipa nei, Hlüngtai pi säih ne, Zanta, tuhngawi, ngawi yä angtäi ghing ciah Khanpughi nei,” ci ne m’kümtou ci gui.

1 TIMOTHI 5:21

Khanpughi ah ma, Bawi Khrit Jesuh ah ma la Theingcim ciah khankho chang gui ah ma ah, kei naw thukhän ka ning peik cu, nang naw shin ah m’cäi nak gui cu läk netah ng’daut ne a i kä nam khoichaa düt en vai, chang ah hmai teng ne a i kä na bi vai.

ISAIAH 6:8

Cun kawn ah Bawipa ah ng’thu ka ng’yak cu, “A u ang kei naw ka tüih kaw? Kei naw m’shang ne,” kei natüi ä! Ka hteit khai nei!

SAM 12:8

Changshe gui cu avan ung om ci gui nei, Ak chang sing naw akshe cu yei nak ci gui nei.

2 SHONTÄP NAK 28:22

Cun ah ani cu a yaica pi sangung ayanka ah ta ka law pi khai ah Bawipa hnungtuk ne katnak bik ci.

ROMAN 13:1

Chang päng naw kho uk ciah bawi ah huham cu a läk vai nei. A i huham phi Khanpughi naw kä a m’hnüt ung kä om ci nei. Huham gah ne uk ciah khobawi cu Khanpughi naw m’hnüt ne am düih ah kyak ci.

SAM 103:19

Bawipa naw a mang kiang cu khankho ah k’süm ci; Ani cu avan ah khan ah ghangpughang ah kyak ci.

DANIEL 4:2

Hlüngtai ciah Khanpughi naw a nam hnuh ah cäicat gui vai la cäi aih gui vai cu ngai vä.

DANIEL 7:25

Ani naw hlüngtai ciah Khanpughi cu hnung tuk püi ne ng’thu pyen ne Khanpughi ah chang gui cu, shedam na gui khai. Ami yum nak täng ung thukhän gui la pawi gui cu ani naw m’thawng pe gui khai. Khanpughi ah chang gui cu khokum thum la avang ung ani ah huham ah ka ung om khai gui.