DANIEL 4:12 - Cho Bible Common Language 2016

¹² A hnah gui cu kyom ci, am theih gui cu a ghing ung be ci — khomdek khan avan ungka naw a ei vai ah ng’büh ci. A cun ah ang hnin ung khisa gui ng’yii ci gui, ang ban gui ung kha gui ng’bu tuk ci gui, ak ghing nici naw a cun ah m’theih cu ei ci gui.

DANIEL 4:12 Referans Kwoze

LUKA 13:19

A i awn m’tumtäng vai ang? Khanpughi ah uknak kho cu shin ah mäih ah kyak ci. Anhta ui cu chang tumat naw la netah, a lo ma ah geit ci. A ui cu ng’lih pyou ne phung ghing law sei, ang ban ung kha gui ngo ne ng’bu tuk ci gui” cik ci.

EZEKIEL 17:23

Israel gui ah hlüng pikbäih ciah khomthung ung ka geit khai. Cun cu akda ah ng’ban ne, m’theih ne ui ne bä ciah cedar sing ah kya lawk khai. Kha nü nü cu a cun ung ng’yii u ne ami ng’bu nak vai ah ng’zi nak cu hmuk khai gui.

NG’ÄI KYAH 4:20

Ngami naw mi ghin nak ah a phung cu khäm ci gui. Bawipa naw aghü ah ghangpughang, ani cu na tu law gui phung ung na shungvong gui khai ah mi ng’ap nak ah kyak ci.

MAKUH 13:32

“Cun ung phi cun ah akhin cu a u naw kä hmat ci. Khankho chang naw phi kä hmat ci, A Htapa naw phi kä hmat ci.

MATTHE 13:32

Cun ah anhta ui cu geit m’shi gui nüng ung yaw pibäih ci. Cun ung phi ng’lih pyo ne a ghing gong law ung, a ghing gui avan ung akdäm pibäih ah kya lawk ci. Cun ah kyasei khahta gui cu ang ban gui ung ng’bu tuk ci gui” ciah kyak ci.

MAKUH 4:32

Geit ung a ghing ghong law kawn ah a hei sing-ghing aläm gui avan ah däm pi ci. Ang ban gui akda ah pang law sei, kha gui naw phi ng’bu tu ne ami ng’yi nak hmuh lawk khai kyak ci” ci ne m’thein gui ci.

EZEKIEL 31:17

Ngami cu cun gui awn atäng ah sih nak ah khaw ah hteit u ne, a na zu kya pyi ci gui awn ng’dawn tuk khai gui. Acun ah ang hnim ka ah om ci gui ami van cu, changpakhui gui ung püipiang khai gui.

DANIEL 4:14

Ani naw ak aw m’caan ne a sha’u cu, ‘Sing ghing cu chu pit ne, ang ban gui chawm ne, a hnah gui ghu ne, am theih gui phiang yawp vä. A cun ah ka ung khisa gui la ang ban gui ung kha gui cu k’täm gui vä.

JOB 12:24

Ani naw ami ng’vaihta gui cu gu ang sak gui ne, Püipiang sak gui ne ng’go ng’gan sak gui ne maih sak gui ci;

JOB 14:7

Chuk pit pyi ah sing ghing cu ngaih u vai om ba ci nei, Ani cu ghing ba ne m’khek ba ci nei.

JOB 14:9

tui a gah ah a kyak ung a ghing k’thai ah mäih ah toi ba ci nei.