DANIEL 4:1 - Cho Bible Common Language 2016

¹ Ghangpughang Nebukhadnezzar naw khomdek khan ung om ciah changpakhui gui, pahta gui la pa ng’tän gui avan am shin ah ng’thu cu m’khäh gui ci. “Ning yavaih gui nei!

DANIEL 4:1 Referans Kwoze

DANIEL 6:25

Cun kawn ghangpughang Darius naw ca gu ne, changpakhui gui, pahta gui, pa ng’tän gui avan am pe gui ci. “Ning yavaih gui nei!

1 PETER 1:2

Nangmi cu Pa Khanpughi naw amät ah ng’bü nak awn ning ghü gui ne, ang Mumcha awn chang theing ah ning pyang gui ci. Cun cu Bawi Khrit ah thu nami läk nak vai la asi awn nami theingcim nak vai ah kyak ci. M’geinsei nak la dimdeeih nak cu nangmi ung kümbe ne om sä.

DANIEL 3:4

shätu chang tumat naw ak aw m’can ne,

EPHESIAN 1:2

Mipa Khanpughi la Bawipa Jesuh Khrit ah m’gein nak la dimdeeih nak cu nami khan ah om sä!

DANIEL 3:29

“Tuhbäi kei naw thumkhän ka bik ci, changpakhui tumat, pahta tumat, khopäng tumt cu, Shadrak, Meshak, Abedneko gui ah Khanpughi kä chang m’sui ne ng’thu a pyen ah a kyak ung, ani cu tu pit pit ne, a im cu phye ne k’bum vai nei. A shin ah ma’ih ah gung hning ciah Khanpughi a hawi kä om ci nei” cik ci.

EZRA 4:17

Ghangpughang naw shicha ah m’shang gui ci, “Rehum, uktu bawi, khopäng bawi Shimshai la Samaria la Uphratis akhei täng ung om ciah ami paw chang gui, ning yavaih nak gui nei.

1 SHONTÄP NAK 12:18

Khanpughi ah mümcha naw ngami ungka tumat, Amasai, “Thumkip” ah gabawi ah kya lawk khai cu k’pang khäta, ani cu m’lau ne, “Jesse ah hta David, keimi cu nang ah na chang gui nei! Nang la nang ning bawm ci gui cu näng nak om sä! Khanpughi cu nang täng ah om ci nei! cik ci. David naw ngami cu dou gui ne, gakap ung angvai gui ah tha gui ci.

1 TIMOTHI 1:2

Zum nak ung ka hta akcang ah kya ciah Tomithi-am ca ka guk law ci nei: Mi Pa Khanpughi lah Bawi Khrih Jesuh ah geinsei nak, chimhnat nak la dimdeih nak cu nang ung om sä.

ROMAN 1:7

Cun ah kyasei Khanpughi naw ning m’hni gui ne a ning khü gui pyi ah Rom Khrithabum am shin ah ca cu ka ning guk law gui nei. Mi Pa Khanpughi la Bawipa Jesuh Khrit naw m’geinsei nak la dimdeeih nak cu ning pe gui sä.

LAMKTU 2:6

Cun ah k’aw cu ng’yak u ne tah, chang khli gui cu ng’bum lawk ci gui. Ang düipüi gui ah ng’thu pyein cu, chang päng naw ami mät ah ng’thu phäh phäh awn ng’yah u ne tah cäicat ci gui.

ZEKHARIAH 8:23

Cun ah hnüüp ung a khawhei chang, chang sing gha cu, Jew chang tumat ah law u neta, “Nang ah bä nak cu kami ng’pai tu hlük ci nei, a i ah kyasei ci ung, ‘Khanpughi cu nang awn atäng ah om ciah kami ng’yak ci nei, cik khai gui’” cik ci.

DANIEL 7:14

Ani cu huham nak, m’tamkhah nak la bawimang nak huham ami pek ah kyak ci. Cun ah kyasei changpakhui gui, pahta gui, pa ng’tän gui avan naw a bi bik ci gui. Ani ah huham cu kä ng’pyi hlawt khai, ani ah uknak khaw cu kä maih hlawt khai.

DANIEL 6:27

Ani naw hun ci, gung ci nei; Ani naw cäicat gui vai la cäi aih gui vai cu khankho la khomdek ung dang sak ci nei. Ani naw Daniela cu phongkawng gui naw ami lawh vai süte hun ci nei.”

ESTA 8:9

Cun cu a cha thum nak ah cha sivan, a hnüüp m’ku lei thum hnüüp ung ah kyak ci. Mordekai naw ghangpughang ah yungvai gui khü gui neta, ca gu ne, Jew chang gui, uktu gui, tängpang c i gui la India ungka naw Sudan ah khüt ciah khopäng 127 ung bawi avan am pe gui ci gui. Cun ah ca gui cu a khopäng phäh phäh ung ami ng’thu la ami guk thung phäh phäh ah gu ne, Jew gui am phi ami mät ah ng’thu la guk thung awn guk gui ci gui.

ESTA 3:12

Cun ah kyasei akhtük bäih ah, a hnüüp gha lei thum nak ung Haman naw ghangpughang ah yungbawi gui cu khü gui neta, pyen ne m’thein gui ne, uknak khaw ung om ciah ng’thu päng awn k’phlan ne gu ne, Uktu gui, uktu bawi gui, bawi gui avan am pek vai ah pyang ci. Cun cu ghangpughang Ahsuerus ah ming awn gu ne, kutcüp awn m’hnüt ci gui.

EZRA 5:7

“Ghangpughang Darius, na uk nak cu dim deeih sä,