DANIEL 3:6 - Cho Bible Common Language 2016

⁶ Cun ah kä m’khuuk dong ne kä khawihnah tui ciah chang cu ng’ai ne caang ciah meicaang ung ang ghit ah yuk shum vai nei ciah kyak ci.”

DANIEL 3:6 Referans Kwoze

MATTHE 13:50

Caang ne ng’ai ciah mei ung htawm khai gui. Cun gui cu kyap ne m’lau ne ami ha htui ne geinvai khai gui.

MATTHE 13:42

Caang ne ng’ai ciah mei ung k’htawm gui khai. Cun ah chang gui cu kyap ne m’lau ne, ami ha htui ne gein vai khai gui.

JEREMIAH 29:22

Babilonia ah ka Jerusalem ah pha ne ami hteh püi gui ah chang gui naw chang tumat mat ami plah tam hlüung, ngami naw, Babilon ghangpughang naw Zedekiah la Ahab cu ak ghing ah mei awn am khin goi ah mäih ah Bawipa naw ning ci sä!’ Cik khai gui!

DANIEL 3:15

Tuhbäi pyung puuk, pyung lawi, htiing, tingtäng, peen m’hlui la tumkhawn gui nami ng’yak vai am, m’khuk dong ne agup cu nami khawihnah vai, cun ah kä nami bi ung nangmi cu meicaang ai ung ang ghit ah ning shum gui vai nei, nangmi ning hun gui hning khai khanpughi om khai ah nami ngai ne ma?” cik ci.

DANIEL 3:11

kä m’khuuk dong ne kä khawihnah tuk ciah chang cu, meicaang ai ung yuk shum vai ciah kyak ci.

THU PHLAAN 14:11

Cun ah meidäi ungka meikhu cu angtäi ah khu ne kai khai nei. Khiküi la a gup khawihnah ne ani ah ming awn m’hnüt nak gah ciah chang gui cu, amü ak hnüüp dinggei nak kä om khai nei” cine m’lau ci.

THU PHLAAN 9:2

Cun ah aisi naw m’htei lungkhui cu hmawng khätah khawvah ng’ai m’khih ung akhu ah mäih ah meikhu tawt ne shung sei hnimik la khankho avan hmüp yawp ci.

MAKUH 6:27

Cun ah kyasei Johan ah lupum law püi khai ah gakap tumat cu tüi ci. Gakap naw thawng kyong ah hteit ne Johan ah lupum cu m’chün ci.

MATTHE 4:9

“Kei cu m’khuukdong ne na na khawihnah ung shin gui avan ka ning pek khai,” cine pyen nak ci.

DANIEL 6:7

Nang ah khaw ung kami tängpang ciah keimi kami van tängpang ng’vai gui, uktu ng’vai gui, uktu hmawba gui la ahei bawi gui naw kami yum cu — nang ghangpughang naw thumkhän k’bäi ne ang ceet ah na läk sak gui vai. Hnüüp thum kip ah kyong ung a u chang naw phi, nang ghangpughang ah kawn ung, a i khanpughi ah phi, a i chang ah phi kä a taigü en vai ah ng’thu na k’bäi vai nei. Cun ah thumkhän m’shet ciah chang cu phongkawng awn be ciah khui ung yuk shum vai nei.

DANIEL 3:21

Cun ah kyasei ngami naw khit gui ne — k’htu, suinu, lukhu avan m’suisak gui u neta, mei caang ung shum gui ci gui.

DANIEL 2:5

Ghangpughang naw, “Kei naw ka m’lung ung ka k’bäi pyi ci, nangmi naw ka ng’mang cu nami na m’thein vai, cun ah ng’mang cu k’phlan ne phi nami na m’thein vai. Kä nami pyen hlawt ah a kyak ung, akpit am tawn ah ning kiük gui ne, nami im gui phi m’vut ah kyak khai ah ka cik khai.

ISAIAH 44:17

K’pawih ba ciah sing cu ani naw a gup ah pyang ci, cun kawn ah ani cu m’khuk dong ne, a cun cu khawihnah ci. A cun ah ani naw taigü neta a pyen cu, “Nang cu ka ning khanpughi nei, na hun ä!”

PHYAWN NAK 20:5

A i ah a gup ah ma ah phi kä nami m’khukdong vai, kä nami khawihnah vai, a i ah kyasei ci ung, kei cu Bawipa, nami Khanpughi, a u awn phi kä ka ni täng ci. Kei na gen ci gui ah khan ah m’kyuk nak ka law püi ci. Ami hta ng’shon, shon thum, shon phli güt ung ka m’kyuk gui ci.

ATÜNNAK 19:28

Ani naw dan neta, Sodom la Komorrah la khaw ng’nawi avan ung meikhu bäng ah ng’lawi ne khu sei hmuk ci.

DANIEL 3:7

Cun ah tumkhawn gui ami ng’yak vai am, changpakhui pahta gui la khopäng gui ami van naw m’khuk dong u ne, ghangpughang Nebukhadnezzar naw ang lin ah ghui gup cu, khawihnah ci gui.

DANIEL 5:19

Ani cu dämduh aih sei chang pakhui, chang pahta, chang nü avan naw kyihkyawk u ne, ng’hlet ci gui nei. Ani naw chang a ngawn hlü nüng ngawn ci, am ghin hlü nüng m’ghin ci, am tamkhah hlü nü m’tamkhah ci, am shuk chak hlü nü m’shuk chak ci.