DANIEL 3:29 - Cho Bible Common Language 2016

²⁹ “Tuhbäi kei naw thumkhän ka bik ci, changpakhui tumat, pahta tumat, khopäng tumt cu, Shadrak, Meshak, Abedneko gui ah Khanpughi kä chang m’sui ne ng’thu a pyen ah a kyak ung, ani cu tu pit pit ne, a im cu phye ne k’bum vai nei. A shin ah ma’ih ah gung hning ciah Khanpughi a hawi kä om ci nei” cik ci.

DANIEL 3:29 Referans Kwoze

DANIEL 2:5

Ghangpughang naw, “Kei naw ka m’lung ung ka k’bäi pyi ci, nangmi naw ka ng’mang cu nami na m’thein vai, cun ah ng’mang cu k’phlan ne phi nami na m’thein vai. Kä nami pyen hlawt ah a kyak ung, akpit am tawn ah ning kiük gui ne, nami im gui phi m’vut ah kyak khai ah ka cik khai.

SAM 76:10

Chang ah m’lung she nak naw ning m’hlüngtai khai nei; Ng’tuk nak ung k’pawih ci gui naw na pawi bik khai gui nei.

THULÄÄN NAK 32:31

Ami ga gui naw ami khanpughi gui cu aktha ken ciah hmat ci gui. Israel Khanpughi ah mäih ah kä m’gäi ci gui.

DANIEL 3:28

Ghangpughang naw, “Shadrak, Meshak la Abedneko ah Khanpughi cu m’hlüngtai vai ani naw a khanchang tüi law ne, ani ah bii bi ne, ani ung ng’ap ciah shin ah chang gui cu gung gui ci nei. Ngami naw kei ah thu ka ngai u ne, ami mät ah Khanpughi ah kawn ah, ahei khanpughi khawihnah ne ami m’khuk dong nak vaisü ung, ami ghin nak pek ci gui nei.

DANIEL 3:17

Keimi naw kami khawihnah ah Khanpughi naw, mei caang ung la nang ah huhma ung, ana hun gui hning ung na hun gui khai nei.

DANIEL 3:15

Tuhbäi pyung puuk, pyung lawi, htiing, tingtäng, peen m’hlui la tumkhawn gui nami ng’yak vai am, m’khuk dong ne agup cu nami khawihnah vai, cun ah kä nami bi ung nangmi cu meicaang ai ung ang ghit ah ning shum gui vai nei, nangmi ning hun gui hning khai khanpughi om khai ah nami ngai ne ma?” cik ci.

SAM 3:8

Näng nak cu Bawipa ungka lawk ci nei. Ani naw a chang gui cu hrilham pe gui sä.

EZRA 6:11

Kei naw ka thumkhän ba mä cu, chang tumat mat naw shin ah thukhyän kä a läk ah a kyak ung ani ah im ungka ng’lawng tumat mat ng’yuuk ne, amawng vangtäng m’shum neta, ani ah pum cu thawng täih vai nei. Ani ah im cu ng’awt ng’bum ah kyak khai nei.

2 GHANGPUGHANG GUI 10:27

Cun ah kyasei ngami naw lungtung theing gui la Taigüim cu m’di u ne, Taigüim cu eek-im ah lat ci gui — cun cu tuh güt om ci.

DANIEL 1:7

Bawi angvai pi naw ngami cu ming akthai pe gui ci: cun gui cu Belteshazzar, Shadrak, Meshach la Abedneko ah kyak ci gui.

DANIEL 1:19

Ghangpughang naw ami van ng’thu püi gui neta, Daniela, Hananiah, Mishaela la Azariah ni gui cu, a hei gui ah cüivai pi u sei hmu gui ci. Cun ah kyasei ngami cu ghangpughang ah mang im chang ah kya lawk ci gui.

DANIEL 2:17

Cun kawn ah Daniela cu im ah hteit ba neta ateihpüi gui, Hananiah, Mishela la Azariah am amawng avan cu m’thein tu gui ci.

DANIEL 2:47

Ghangpughang naw, “Nang ah Khanpughi cu Khanpughi avan ah dämduh pi ci nei, ghangpughang gui ah bawipa ah kyak ci, cäiaih gui vai m’than ciah kyak ci. Kei naw shin cu ka hmat ci, a i ah kyasei ci ung, shin ah cäiaih vai gui cu nang naw na m’dang thei ah hmawk ah kyak ci.”

DANIEL 2:49

Daniela ah k’thäh nak awn ghangpughang naw, Shadrak, Meshak la Abedneko gui cu, Babilon khopäng uknak täng ung angvai gui ah bi sak gui ci.

DANIEL 3:12

Nang naw Babilon khopäng uk khai ah na tha gui — Shadrak, Meshak, Abedneko ni gui cu nang ah thu kä ngai ci gui, ngami naw nang ah khanpughi kä khawihnah ci gui, na ng’lin ah a gup ah ma ah kä kawp ci gui nei” cine pyen ci gui.

DANIEL 6:28

Daniela cu Darius ah uk sang ung la Persian chang Sairus ah uk sang ung bämang ne om ci.