DANIEL 3:28 - Cho Bible Common Language 2016

²⁸ Ghangpughang naw, “Shadrak, Meshak la Abedneko ah Khanpughi cu m’hlüngtai vai ani naw a khanchang tüi law ne, ani ah bii bi ne, ani ung ng’ap ciah shin ah chang gui cu gung gui ci nei. Ngami naw kei ah thu ka ngai u ne, ami mät ah Khanpughi ah kawn ah, ahei khanpughi khawihnah ne ami m’khuk dong nak vaisü ung, ami ghin nak pek ci gui nei.

DANIEL 3:28 Referans Kwoze

PHYAWN NAK 20:5

A i ah a gup ah ma ah phi kä nami m’khukdong vai, kä nami khawihnah vai, a i ah kyasei ci ung, kei cu Bawipa, nami Khanpughi, a u awn phi kä ka ni täng ci. Kei na gen ci gui ah khan ah m’kyuk nak ka law püi ci. Ami hta ng’shon, shon thum, shon phli güt ung ka m’kyuk gui ci.

THU PHLAAN 12:11

Mi phäi nau gui naw Htomehta ah si awn la ami ng’shäu ah ng’düng nak awn Satan cu m’khüt pyi ci gui nei. Ngami cu ami hnun gui apit ung phi kä ng’hlat khai gui nei.

ROMAN 12:1

Cun ah kya sei phäi nau gui aw, Khanpughi naw a nam gein nak gui cu däm aih ci kya sei, kei naw ka ning m’cäi gui hlü cu: Ak ghing ah m’küi m’khän nak ah Khanpughi ung ng’ap u ne, a khuut bi nak ung ngün kyük ne nami yei vai nei. Cun cu nang mi naw nami ng’ap nak cu akcang ah khawihnah nak ah kyak ci nei.

SAM 147:11

Ani ah lünlawi nak cu, ani m’tamkhah ciah chang la ng’täi ciah am’hni nak ung yum htek ciah chang gui ah kyak ci.

LAMKTU 5:19

Cun ung phi khaw mü ah Khanpughi ah khankhaw chang naw, thawng m’kawt cu hmawng ne, ang düihpüi gui cu ak pung ah m’hlaut gui netah,

DANIEL 3:25

“Cun ung a i ah kyasei mei ung chang phli hteit shüi shüi u sei ka hmuh ang?” ci neta ng’shi ba gui mä ne, “Ngami cu gui awn khih gui ah kä kyak ci, ngami cu mei naw a uih ah mäih ah kä kyak ci gui — ak phli nak tumat cu khanchang ah mäih lawk ci.”

MATTHE 4:10

Bawipa Jesuh naw, “Khoshe a hei ah hteit ä! Cacim ung, ‘Na Bawipa Khanpughi bäng na khawihnah vai, ani ah bi bäng na bi vai!’ ciah om ci nei, cine k’täm ci.

DANIEL 2:47

Ghangpughang naw, “Nang ah Khanpughi cu Khanpughi avan ah dämduh pi ci nei, ghangpughang gui ah bawipa ah kyak ci, cäiaih gui vai m’than ciah kyak ci. Kei naw shin cu ka hmat ci, a i ah kyasei ci ung, shin ah cäiaih vai gui cu nang naw na m’dang thei ah hmawk ah kyak ci.”

SAM 62:8

Ka chang gui, ang täi sei, Khanpughi ngaih u vä. Nami khüikha nak avan m’thein vä, Ani cu mi ng’yii nak ah kyak ci.

PHILIPPIAN 1:20

Kei naw ak tung ah ka ng’yak hlü la ka ngaih u nak cu, kei naw a i yah ung phi ka bi mawng cu kä ka nawng khai, a i khin ung phi, a tuhbäi chü phi, kei cu khüighaat nak awn be ne, ka sih ung phi, ka ghin ung phi, ka ghin nak avan awn Bawi Khrit kam taamkhah khai, ciah kyak ci.

ISAIAH 37:36

Bawipa ah khanchang cu Assirian gui ah phung ah hteit neta gakap 185, 000 cu ngawn gui ci. A ngani ung khaw thaih ung ngami cu ami van si ne ng’zän ci gui!

2 SHONTÄP NAK 32:21

Bawipa naw khanchang tüi law sei, acun naw gakap gui la Assirian gabawi gui cu ngawn gui ci gui. Cun ah kyasei uktubawi cu thüi aa ne Assiria ah htet ba ci. Hnüp ät ung ani cu a khanpughi ah Taigüim ung a om yah ung a hta gui amshah naw ami khim awn ngawn ci gui.

2 SHONTÄP NAK 20:20

A ngawi ung khaw ngawi hta chang gui cu Tekoa ah pei khawbung ah hteit ci gui. Ngami ami tün law yah ung Jehoshaphat naw shin ah ng’thu pyen na gui ci: “Judah la Jerusalem chang gui! Nami Khanpughi Bawipa cu ngaih u vä. Nangmi khäng sei nami ng’düi khai nei. Ani ah prophet naw a ning m’thein gui päng yum vä, nami näng khai nei.”

1 PETER 1:21

Sih nak ungka thawh ba sak ne, bämang nak pek ciah Khanpughi cu ani ah ming awn nami yum ci. Cun ah kyasei nangmi cu Khanpughi ung ng’kheing ciah nami yum nak la ngaih u nak om ci.

HEBRU 11:37

Ngami cu lung awn ami vawih gui, m’si awn ami m’chün gui, khim awn ami ngawn gui ah kyak ci. Ngami cu pyamthaam u ne, dukdeiu nak la m’lung ah geinvai nak gah u ne, htome la me ah vun suisak ci gui.

HEBRU 1:14

Cun ung khanchang gui cu, a i gui ang? Ngami cu hun nak gah ciah chang gui m’hteihtang gui khai ah Khanpughi naw a tüih gui ah, Khanpughi ah khuut bik ciah mümcha gui ah kyak ci.

LAMKTU 4:19

Cun ung phi Peter la Johan naw, “Nang mi ah ng’thu ngaih vai lah Khanpughi ah ng’thu ngaih vai cu, Khanpughi lam ah ngaih ung a i, ang düng pi ah na mi mät naw m’khoi chah vä;

DANIEL 6:26

Ka uknak ah khaw avan ung thukhän ka bik ci nei, Daniela ah Khanpughi cu chang nü naw a kyih vai nei, a chang m’sui vai nei. “Ani cu ghing ciah Khanpughi, Ani naw khonglän ung uk khai nei. Ani ah uknak khaw cu a i naw kä m’di hlawt khai nei, ani ah huham cu kä ng’pyi hlawt khai nei.

DANIEL 4:34

“Khokum chih ang pyi kawn ah ghangpughang naw, kei naw khankho mik cu han dan neta, ka ng’shüm nak gawk law ba ci. Kei naw hlüngtai ciah Khanpughi cu m’hlüngtai ne, angtäi ghing ci am m’tamkhah nak la bämang nak cu ka pek ci. “Ani naw khonglän ung uk khai nei, Ani ah uknak kho cu ngawiyä om khai nei.

SAM 34:22

Bawipa naw ak chang gui cu hun gui khai, Ani ung hteit ne ng’shung ci gui cu, ani naw piantham gui khai.

SAM 33:21

Mikmi cu ani ah hmawk ah mi yei ci; aming theing ung mi ng’ap ci.

SAM 33:18

Ani ngai ci la ng’täi ciah am hni nak ung ng’ap cicu Bawipa naw ngäng ci.

EZRA 6:11

Kei naw ka thumkhän ba mä cu, chang tumat mat naw shin ah thukhyän kä a läk ah a kyak ung ani ah im ungka ng’lawng tumat mat ng’yuuk ne, amawng vangtäng m’shum neta, ani ah pum cu thawng täih vai nei. Ani ah im cu ng’awt ng’bum ah kyak khai nei.

EZRA 1:3

Khanpughi naw aning chang gui avan ning om püi gui khai nei. Nangmi cu Jerusalem ah hteit ne Israel Khanpughi, Jerusalem ung khawihnah ah Khanpughi, Bawipa ah Taigüim cu nami co ba khai nei.

1 SHONTÄP NAK 5:20

Ngami naw ami Khanpughi ngaih u u ne, am hteihtang gui vai ah taigü ci gui, Khanpughi naw ami taigü ngaih pe gui ne, Hakrit gui la ami khochang gui ah khan ah näng na pe gui ci.

ATÜNNAK 9:26

Shem ah Khanpughi Bawipa cu yei na vä, Kanaan cu Shem ah changshäm ah kyak khai nei.

SAM 103:20

Bawipa cu m’taam vä, nangmi khüighat ne m’gäi ciah khanchang gui, a thumkhän nami läk ci, a pyen phung nami ngai ci nei.

1 KORIN 13:3

Kei ung om ciah khawh avan pe ne, ka pumsa mei ung m’khih hning ne Khähghah nak hlü vai ah ka ap ung phi, kei ung m’hni nak kä a om ung, kei ung bä nak kä om ci.

ISAIAH 12:2

Khanpughi cu kei ah hunbawi nei, kei naw ani ka ngaih u khai, kä ka kyik khai, Bawipa naw huham la k’thagui na pek ci; Ani cu kei ah hunbawi nei.

ISAIAH 50:10

Bawipa m’tamkhah ci gui, a changshäm ah ng’thu läk ci gui avan, nami hteh nak ah lam cu akcang ah hmüp khai nei. Cun ung phi Bawipa ung ng’ap vä, khanpughi ung khäng hteh vä.

DANIEL 6:16

Cun ah kyasei ghangpughang ah thukbäi awn Daniela cu pha ne, phongkawng be ciah khui ung yuk shum vai kyak ci. Ani naw Daniela am, “Bekhüt ne na khawihnah ah na Khanpughi naw, ning gung sä” ci nak ci.