DANIEL 3:24 - Cho Bible Common Language 2016

²⁴ Nebukhadnezzar cu ang ghit ah cäi ne ng’düi law neta, a bawi gui cu ng’shi gui ci, “Shin ah chang thum cu gui awn khit gui ne mei caang ung mi shum gui ciah kä kya ne ang?” cine ng’shi gui ci. Ngami naw, “Ghangpughang aw, a cun ah kami bik ci nei” cik ci gui.

DANIEL 3:24 Referans Kwoze

DANIEL 6:22

Khanpughi naw a khanchang cu phongkawng ah m’gawng bawm khai ah yuk chah law sei, kawng gui naw kä na cik ci gui nei. Ani naw cun ah abi cu a i ah kyasei ci ung, ani naw kei cu changniah na hmat ci, a i ah kyasei ci ung ghangpughang aw, nang ah khan ah kei katnak kä om ci nei” cik ci.

DANIEL 6:7

Nang ah khaw ung kami tängpang ciah keimi kami van tängpang ng’vai gui, uktu ng’vai gui, uktu hmawba gui la ahei bawi gui naw kami yum cu — nang ghangpughang naw thumkhän k’bäi ne ang ceet ah na läk sak gui vai. Hnüüp thum kip ah kyong ung a u chang naw phi, nang ghangpughang ah kawn ung, a i khanpughi ah phi, a i chang ah phi kä a taigü en vai ah ng’thu na k’bäi vai nei. Cun ah thumkhän m’shet ciah chang cu phongkawng awn be ciah khui ung yuk shum vai nei.

LAMKTU 26:27

Ghangpughang aw, prophet cacim gui cu na yum ci ang? Na yum ciah kei naw ka hmat ci nei” cine pyein ci.

LAMKTU 26:13

Cun ah kami hteh yah, kho hnüüp lunglai ung, hni ah dei pi ciah ak dei cu, khankho ah kaa kya law ne, veing ne na shü law sei ka hmuk ci, kami ng’gui ci gui naw phi hmu tuk ci gui.

LAMKTU 12:13

Peter naw cunah im kawt cu hei khäk khä tah, choh hmawng khai ah Rodah ming nak ciah ami shäm ah hnumi hta cu lawk ci.

LAMKTU 9:6

Acun ah k’aw naw, “Kei cu nang naw nak dudeiu nak ah Jesuh nei, cun ung phi tuk bäi ng’düi law ba neh, pigawnu kyawng ah hteit ä, cun kawn ah na bi vai cu na hmat lawk khai nei” ci neh kyak nak ci.

DANIEL 5:18

“Hlüngtai ciah Khanpughi naw na pa Nebukhadnezzar cu dämduh ciah ghangpughang ah pyang ne, bä khäk nak la bawimang nak cu pek ci nei.

DANIEL 5:6

Ani cu a hmai ng’ham sei kyikyawk ne, am khuuk phi ng’tum ci.

DANIEL 4:27

Cun ah kyasei ghangpughang aw, kei ah m’cäicat nak cu läk ä. Hmakat nak cu nawng ne düng nak cu bi ä, dukhaih cicu chimgein ä. Cun kawn ung nang cu k’täi ne na bühmang khai nei.”

DANIEL 4:22

Ghangpughang aw, nang cu ng’shäi ne m’htungkhong ciah sing ghing ah na kyak ci. Nang dämduh ng’ghawtai ne khankho mik na han pha ci, nang ah huham naw khomdek khan avan küm ci nei.

DANIEL 3:17

Keimi naw kami khawihnah ah Khanpughi naw, mei caang ung la nang ah huhma ung, ana hun gui hning ung na hun gui khai nei.

1 SAMUEL 17:55

David naw Koliath tuk khai ah a hteh cu Saul naw hmu neta, gabawi, Abner cu ng’shik ci, “Abner, Ani a u ah hta ang?” Abner naw, “Bawi Mang, kä ka hmat ci nei” cik ci.

2 SHONTÄP NAK 22:4

Ani naw Bawipa hnungtuk püi ne katnak bik ci, a i ah kyasei ci ung a pa a sih kawn ah ghangpughang Ahab ah kyongchang a hei gui cu ani m’cäi ä ciah kya lawk ci gui, ngami naw ani cu yuk kyak sak ci gui.

DANIEL 3:23

Shadrak, Meshak la Abedneko gui cu gui awn ami khih gui ah kyak ci, ngami cu mei caang ah ang lung ung yuk chah gui ci gui.

DANIEL 3:25

“Cun ung a i ah kyasei mei ung chang phli hteit shüi shüi u sei ka hmuh ang?” ci neta ng’shi ba gui mä ne, “Ngami cu gui awn khih gui ah kä kyak ci, ngami cu mei naw a uih ah mäih ah kä kyak ci gui — ak phli nak tumat cu khanchang ah mäih lawk ci.”